| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
ад̇хаммигагад̇игаад̣̇игат̇аа
Adhammikakatikādikathā
205. зваруубаа гад̇игаад̇и зд̇т̇а ан̃н̃ааби яаа ийд̣̇исий ад̇хаммигаа гад̇игаа ход̇и, саа на гаад̇аб̣б̣аад̇и ад̇т̇о. д̇ассаа лагкан̣ам̣ махаавибхан̇г̇з вуд̇д̇ам̣.
205.Evarūpā katikāti ettha aññāpi yā īdisī adhammikā katikā hoti, sā na kātabbāti attho. Tassā lakkhaṇaṃ mahāvibhaṅge vuttaṃ.
207-8. бадиссавз жа аабад̇д̇и д̣̇уггадассаад̇и зд̇т̇а на гзвалам̣ ‘‘имам̣ д̇змаасам̣ ид̇ха вассам̣ васат̇аа’’д̇и зд̇ассзва бадиссавз аабад̇д̇и, ‘‘имам̣ д̇змаасам̣ бхигкам̣ г̇ан̣хат̇а, убхоби маяам̣ ид̇ха вассам̣ васиссаама, згад̇о уд̣̇д̣̇исаабзссаамаа’’д̇и звамаад̣̇инааби д̇асса д̇асса бадиссавз д̣̇уггадам̣. д̇ан̃жа ко батамам̣ суд̣̇д̇хажид̇д̇асса бажчаа висам̣ваад̣̇анабажжаяаа, батамамби асуд̣̇д̇хажид̇д̇асса бана бадиссавз баажид̇д̇ияам̣, висам̣ваад̣̇анз д̣̇уггаданд̇и баажид̇д̇иязна сад̣̇д̇хим̣ д̣̇уггадам̣ яуж̇ж̇ад̇и.
207-8.Paṭissave ca āpatti dukkaṭassāti ettha na kevalaṃ ‘‘imaṃ temāsaṃ idha vassaṃ vasathā’’ti etasseva paṭissave āpatti, ‘‘imaṃ temāsaṃ bhikkhaṃ gaṇhatha, ubhopi mayaṃ idha vassaṃ vasissāma, ekato uddisāpessāmā’’ti evamādināpi tassa tassa paṭissave dukkaṭaṃ. Tañca kho paṭhamaṃ suddhacittassa pacchā visaṃvādanapaccayā, paṭhamampi asuddhacittassa pana paṭissave pācittiyaṃ, visaṃvādane dukkaṭanti pācittiyena saddhiṃ dukkaṭaṃ yujjati.
со д̇ад̣̇ахзва агаран̣ийяод̇иаад̣̇ийсу сажз вассам̣ анубаг̇анд̇ваа ваа баггамад̇и, убаг̇анд̇ваа ваа сад̇д̇аахам̣ б̣ахид̣̇д̇хаа вийд̇инаамзд̇и, буримигаа жа на бан̃н̃ааяад̇и, бадиссавз жа аабад̇д̇и. вассам̣ убаг̇анд̇ваа бана арун̣ам̣ анудтаабзд̇ваа д̇ад̣̇ахзва сад̇д̇аахагаран̣ийязна баггаманд̇ассааби анд̇осад̇д̇аахз нивад̇д̇анд̇асса анаабад̇д̇и, го бана ваад̣̇о д̣̇вийхад̇ийхам̣ васид̇ваа анд̇осад̇д̇аахз нивад̇д̇анд̇асса. д̣̇вийхад̇ийхам̣ васид̇ваад̇и зд̇т̇ааби нирабзгкзнзва убажаараад̇иггамз вассажчзд̣̇о взд̣̇ид̇аб̣б̣о. сажз ид̇ха васиссаамийд̇и аалаяо ад̇т̇и, асад̇ияаа бана вассам̣ на убзд̇и, г̇ахид̇асзнаасанам̣ суг̇г̇ахид̇ам̣, чиннавассо на ход̇и, баваарзд̇ум̣ лабхад̇иязва.
Sotadaheva akaraṇīyotiādīsu sace vassaṃ anupagantvā vā pakkamati, upagantvā vā sattāhaṃ bahiddhā vītināmeti, purimikā ca na paññāyati, paṭissave ca āpatti. Vassaṃ upagantvā pana aruṇaṃ anuṭṭhāpetvā tadaheva sattāhakaraṇīyena pakkamantassāpi antosattāhe nivattantassa anāpatti, ko pana vādo dvīhatīhaṃ vasitvā antosattāhe nivattantassa. Dvīhatīhaṃ vasitvāti etthāpi nirapekkheneva upacārātikkame vassacchedo veditabbo. Sace idha vasissāmīti ālayo atthi, asatiyā pana vassaṃ na upeti, gahitasenāsanaṃ suggahitaṃ, chinnavasso na hoti, pavāretuṃ labhatiyeva.
сад̇д̇аахам̣ анааг̇ад̇ааяа бавааран̣ааяаад̇и зд̇т̇а навамид̇о бадтааяа г̇анд̇ум̣ ваддад̇и, ааг̇ажчад̇у ваа маа ваа, анаабад̇д̇и. сзсам̣ уд̇д̇аанамзваад̇и.
Sattāhaṃ anāgatāya pavāraṇāyāti ettha navamito paṭṭhāya gantuṃ vaṭṭati, āgacchatu vā mā vā, anāpatti. Sesaṃ uttānamevāti.
вассуубанааяигагканд̇хагаван̣н̣анаа нидтид̇аа.
Vassūpanāyikakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
117. ад̇хаммигагад̇игаа • 117. Adhammikakatikā
118. бадиссавад̣̇уггадаабад̇д̇и • 118. Paṭissavadukkaṭāpatti
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
ад̇хаммигагад̇игагат̇ааван̣н̣анаа • Adhammikakatikakathāvaṇṇanā
бадиссавад̣̇уггадаабад̇д̇игат̇ааван̣н̣анаа • Paṭissavadukkaṭāpattikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
117. ад̇хаммигагад̇игаагат̇аа • 117. Adhammikakatikākathā
118. бадиссавад̣̇уггадаабад̇д̇игат̇аа • 118. Paṭissavadukkaṭāpattikathā
