| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অধম্মিককতিকাদিকথাৰণ্ণনা
Adhammikakatikādikathāvaṇṇanā
২০৫. মহাৰিভঙ্গেতি চতুত্থপারাজিকৰণ্ণনাযং। পরতো সেনাসনক্খন্ধকেপি অধম্মিকং কতিকৰত্তং আৰি ভৰিস্সতি এৰ।
205.Mahāvibhaṅgeti catutthapārājikavaṇṇanāyaṃ. Parato senāsanakkhandhakepi adhammikaṃ katikavattaṃ āvi bhavissati eva.
২০৭. যস্মা নানাসীমাযং দ্ৰীসু আৰাসেসু ৰস্সং উপগচ্ছন্তস্স ‘‘দুতিযে ৰসিস্সামী’’তি উপচারতো নিক্খন্তমত্তে পঠমো সেনাসনগ্গাহো পটিপ্পস্সম্ভতি। তস্মা পাল়িযং ‘‘তস্স, ভিক্খৰে, ভিক্খুনো পুরিমিকা চ ন পঞ্ঞাযতী’’তি পঠমং সেনাসনগ্গাহং সন্ধায ৰুত্তং। দুতিযে সেনাসনগ্গাহে পন পুরিমিকা পঞ্ঞাযতেৰ, তত্থেৰ তেমাসং ৰসন্তো পুরিমৰস্সংৰুত্থো এৰ হোতি, ততো ৰা পন দুতিযদিৰসাদীসু ‘‘পঠমসেনাসনে ৰসিস্সামী’’তি উপচারাতিক্কমে পুরিমিকাপি ন পঞ্ঞাযতীতি দট্ঠব্বং।
207. Yasmā nānāsīmāyaṃ dvīsu āvāsesu vassaṃ upagacchantassa ‘‘dutiye vasissāmī’’ti upacārato nikkhantamatte paṭhamo senāsanaggāho paṭippassambhati. Tasmā pāḷiyaṃ ‘‘tassa, bhikkhave, bhikkhuno purimikā ca na paññāyatī’’ti paṭhamaṃ senāsanaggāhaṃ sandhāya vuttaṃ. Dutiye senāsanaggāhe pana purimikā paññāyateva, tattheva temāsaṃ vasanto purimavassaṃvuttho eva hoti, tato vā pana dutiyadivasādīsu ‘‘paṭhamasenāsane vasissāmī’’ti upacārātikkame purimikāpi na paññāyatīti daṭṭhabbaṃ.
২০৮. পাল়িযং ‘‘সো সত্তাহং অনাগতায পৰারণায সকরণীযো পক্কমতী’’তি ৰুত্তত্তা পৰারণাদিৰসেপি সত্তাহকরণীযং ৰিনা গন্তুং ন ৰট্টতীতি ৰেদিতব্বং। কোমুদিযা চাতুমাসিনিযাতি পচ্ছিম-কত্তিকপুণ্ণমায। সা হি তস্মিং কালে কুমুদানং অত্থিতায কোমুদী, চতুন্নং ৰস্সিকমাসানং পরিযোসানত্তা চাতুমাসিনীতি চ ৰুচ্চতি।
208. Pāḷiyaṃ ‘‘so sattāhaṃ anāgatāya pavāraṇāya sakaraṇīyo pakkamatī’’ti vuttattā pavāraṇādivasepi sattāhakaraṇīyaṃ vinā gantuṃ na vaṭṭatīti veditabbaṃ. Komudiyā cātumāsiniyāti pacchima-kattikapuṇṇamāya. Sā hi tasmiṃ kāle kumudānaṃ atthitāya komudī, catunnaṃ vassikamāsānaṃ pariyosānattā cātumāsinīti ca vuccati.
অধম্মিককতিকাদিকথাৰণ্ণনা নিট্ঠিতা।
Adhammikakatikādikathāvaṇṇanā niṭṭhitā.
ৰস্সূপনাযিকক্খন্ধকৰণ্ণনানযো নিট্ঠিতো।
Vassūpanāyikakkhandhakavaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১১৭. অধম্মিককতিকা • 117. Adhammikakatikā
১১৮. পটিস্সৰদুক্কটাপত্তি • 118. Paṭissavadukkaṭāpatti
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অধম্মিককতিকাদিকথা • Adhammikakatikādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অধম্মিককতিককথাৰণ্ণনা • Adhammikakatikakathāvaṇṇanā
পটিস্সৰদুক্কটাপত্তিকথাৰণ্ণনা • Paṭissavadukkaṭāpattikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অধম্মিককতিকাদিকথাৰণ্ণনা • Adhammikakatikādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১১৭. অধম্মিককতিকাকথা • 117. Adhammikakatikākathā
১১৮. পটিস্সৰদুক্কটাপত্তিকথা • 118. Paṭissavadukkaṭāpattikathā
