| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဓမ္မိကကတိကာဒိကထာဝဏ္ဏနာ
Adhammikakatikādikathāvaṇṇanā
၂၀၅. မဟာဝိဘင္ဂေတိ စတုတ္ထပာရာဇိကဝဏ္ဏနာယံ။ ပရတော သေနာသနက္ခန္ဓကေပိ အဓမ္မိကံ ကတိကဝတ္တံ အာဝိ ဘဝိသ္သတိ ဧဝ။
205.Mahāvibhaṅgeti catutthapārājikavaṇṇanāyaṃ. Parato senāsanakkhandhakepi adhammikaṃ katikavattaṃ āvi bhavissati eva.
၂၀၇. ယသ္မာ နာနာသီမာယံ ဒ္ဝီသု အာဝာသေသု ဝသ္သံ ဥပဂစ္ဆန္တသ္သ ‘‘ဒုတိယေ ဝသိသ္သာမီ’’တိ ဥပစာရတော နိက္ခန္တမတ္တေ ပဌမော သေနာသနဂ္ဂာဟော ပဋိပ္ပသ္သမ္ဘတိ။ တသ္မာ ပာဠိယံ ‘‘တသ္သ, ဘိက္ခဝေ, ဘိက္ခုနော ပုရိမိကာ စ န ပညာယတီ’’တိ ပဌမံ သေနာသနဂ္ဂာဟံ သန္ဓာယ ဝုတ္တံ။ ဒုတိယေ သေနာသနဂ္ဂာဟေ ပန ပုရိမိကာ ပညာယတေဝ, တတ္ထေဝ တေမာသံ ဝသန္တော ပုရိမဝသ္သံဝုတ္ထော ဧဝ ဟောတိ, တတော ဝာ ပန ဒုတိယဒိဝသာဒီသု ‘‘ပဌမသေနာသနေ ဝသိသ္သာမီ’’တိ ဥပစာရာတိက္ကမေ ပုရိမိကာပိ န ပညာယတီတိ ဒဋ္ဌဗ္ဗံ။
207. Yasmā nānāsīmāyaṃ dvīsu āvāsesu vassaṃ upagacchantassa ‘‘dutiye vasissāmī’’ti upacārato nikkhantamatte paṭhamo senāsanaggāho paṭippassambhati. Tasmā pāḷiyaṃ ‘‘tassa, bhikkhave, bhikkhuno purimikā ca na paññāyatī’’ti paṭhamaṃ senāsanaggāhaṃ sandhāya vuttaṃ. Dutiye senāsanaggāhe pana purimikā paññāyateva, tattheva temāsaṃ vasanto purimavassaṃvuttho eva hoti, tato vā pana dutiyadivasādīsu ‘‘paṭhamasenāsane vasissāmī’’ti upacārātikkame purimikāpi na paññāyatīti daṭṭhabbaṃ.
၂၀၈. ပာဠိယံ ‘‘သော သတ္တာဟံ အနာဂတာယ ပဝာရဏာယ သကရဏီယော ပက္ကမတီ’’တိ ဝုတ္တတ္တာ ပဝာရဏာဒိဝသေပိ သတ္တာဟကရဏီယံ ဝိနာ ဂန္တုံ န ဝဋ္ဋတီတိ ဝေဒိတဗ္ဗံ။ ကောမုဒိယာ စာတုမာသိနိယာတိ ပစ္ဆိမ-ကတ္တိကပုဏ္ဏမာယ။ သာ ဟိ တသ္မိံ ကာလေ ကုမုဒာနံ အတ္ထိတာယ ကောမုဒီ, စတုန္နံ ဝသ္သိကမာသာနံ ပရိယောသာနတ္တာ စာတုမာသိနီတိ စ ဝုစ္စတိ။
208. Pāḷiyaṃ ‘‘so sattāhaṃ anāgatāya pavāraṇāya sakaraṇīyo pakkamatī’’ti vuttattā pavāraṇādivasepi sattāhakaraṇīyaṃ vinā gantuṃ na vaṭṭatīti veditabbaṃ. Komudiyā cātumāsiniyāti pacchima-kattikapuṇṇamāya. Sā hi tasmiṃ kāle kumudānaṃ atthitāya komudī, catunnaṃ vassikamāsānaṃ pariyosānattā cātumāsinīti ca vuccati.
အဓမ္မိကကတိကာဒိကထာဝဏ္ဏနာ နိဋ္ဌိတာ။
Adhammikakatikādikathāvaṇṇanā niṭṭhitā.
ဝသ္သူပနာယိကက္ခန္ဓကဝဏ္ဏနာနယော နိဋ္ဌိတော။
Vassūpanāyikakkhandhakavaṇṇanānayo niṭṭhito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၁၇. အဓမ္မိကကတိကာ • 117. Adhammikakatikā
၁၁၈. ပဋိသ္သဝဒုက္ကဋာပတ္တိ • 118. Paṭissavadukkaṭāpatti
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အဓမ္မိကကတိကာဒိကထာ • Adhammikakatikādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā
အဓမ္မိကကတိကကထာဝဏ္ဏနာ • Adhammikakatikakathāvaṇṇanā
ပဋိသ္သဝဒုက္ကဋာပတ္တိကထာဝဏ္ဏနာ • Paṭissavadukkaṭāpattikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓမ္မိကကတိကာဒိကထာဝဏ္ဏနာ • Adhammikakatikādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၁၁၇. အဓမ္မိကကတိကာကထာ • 117. Adhammikakatikākathā
၁၁၈. ပဋိသ္သဝဒုက္ကဋာပတ္တိကထာ • 118. Paṭissavadukkaṭāpattikathā
