| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
১০. অধম্মিকসুত্তৰণ্ণনা
10. Adhammikasuttavaṇṇanā
৭০. দসমে ৰিসমন্তি ভাৰনপুংসকমেতং। তেনাহ ‘‘ৰিসমা হুত্ৰা’’তি। অসমযেনাতি অকালে। ভুম্মত্থে হেতং করণৰচনং। পকট্ঠং পধানং অঞ্জসং এতেসন্তি পঞ্জসা, অঞ্জসং পগতা পটিপন্নাতি ৰা পঞ্জসা, পকতিমগ্গগামিনো। ন পঞ্জসা অপঞ্জসা, অমগ্গপ্পটিপন্না। তে পন যস্মা মগ্গতো অপগতা নাম হোন্তি, তস্মা ৰুত্তং ‘‘মগ্গতো অপগতা’’তিআদি।
70. Dasame visamanti bhāvanapuṃsakametaṃ. Tenāha ‘‘visamā hutvā’’ti. Asamayenāti akāle. Bhummatthe hetaṃ karaṇavacanaṃ. Pakaṭṭhaṃ padhānaṃ añjasaṃ etesanti pañjasā, añjasaṃ pagatā paṭipannāti vā pañjasā, pakatimaggagāmino. Na pañjasā apañjasā, amaggappaṭipannā. Te pana yasmā maggato apagatā nāma honti, tasmā vuttaṃ ‘‘maggato apagatā’’tiādi.
গাথাসু পন এৰমেত্থ সম্বন্ধো ৰেদিতব্বো। গুন্নং চে তরমানানন্তি গাৰীসু মহোঘং তরন্তীসু। জিম্হং গচ্ছতি পুঙ্গৰোতি যদি যূথপতি উসভো কুটিলং গচ্ছতি। সব্বা তা জিম্হং গচ্ছন্তীতি সব্বা তা গাৰিযো কুটিলমেৰ গচ্ছন্তি। কস্মা? নেত্তে জিম্হং গতে সতি তস্স কুটিলগতত্তা। সো হি তাসং পচ্চযিকো উপদ্দৰহরো চ। এৰমেৰন্তি যথা চেতং, এৰমেৰ যো মনুস্সেসু পধানসম্মতো, যদি সো অধম্মচারী সিযা, যে তস্স অনুজীৰিনো, সব্বেপি অধম্মিকা হোন্তি। সামিসম্পদা হি পকতিসম্পদং সম্পাদেতি। যস্মা এতদেৰং, তস্মা সব্বং রট্ঠং দুক্খং সেতি, রাজা চে হোতি অধম্মিকো।
Gāthāsu pana evamettha sambandho veditabbo. Gunnaṃ ce taramānānanti gāvīsu mahoghaṃ tarantīsu. Jimhaṃ gacchati puṅgavoti yadi yūthapati usabho kuṭilaṃ gacchati. Sabbā tā jimhaṃ gacchantīti sabbā tā gāviyo kuṭilameva gacchanti. Kasmā? Nette jimhaṃ gate sati tassa kuṭilagatattā. So hi tāsaṃ paccayiko upaddavaharo ca. Evamevanti yathā cetaṃ, evameva yo manussesu padhānasammato, yadi so adhammacārī siyā, ye tassa anujīvino, sabbepi adhammikā honti. Sāmisampadā hi pakatisampadaṃ sampādeti. Yasmā etadevaṃ, tasmā sabbaṃ raṭṭhaṃ dukkhaṃ seti, rājā ce hoti adhammiko.
অধম্মিকসুত্তৰণ্ণনা নিট্ঠিতা।
Adhammikasuttavaṇṇanā niṭṭhitā.
পত্তকম্মৰগ্গৰণ্ণনা নিট্ঠিতা।
Pattakammavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. অধম্মিকসুত্তং • 10. Adhammikasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. অধম্মিকসুত্তৰণ্ণনা • 10. Adhammikasuttavaṇṇanā
