| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. අධිගමසුත්‌තං
5. Adhigamasuttaṃ
79. ‘‘ඡහි, භික්‌ඛවෙ, ධම්‌මෙහි සමන්‌නාගතො භික්‌ඛු අභබ්‌බො අනධිගතං වා කුසලං ධම්‌මං අධිගන්‌තුං, අධිගතං වා කුසලං ධම්‌මං ඵාතිං කාතුං 1. කතමෙහි ඡහි? ඉධ, භික්‌ඛවෙ, භික්‌ඛු න ආයකුසලො ච හොති, න අපායකුසලො ච හොති, න උපායකුසලො ච හොති, අනධිගතානං කුසලානං ධම්‌මානං අධිගමාය න ඡන්‌දං ජනෙති, අධිගතෙ කුසලෙ ධම්‌මෙ න ආරක්‌ඛති 2, සාතච්‌චකිරියාය න සම්‌පාදෙති. ඉමෙහි ඛො, භික්‌ඛවෙ, ඡහි ධම්‌මෙහි සමන්‌නාගතො භික්‌ඛු අභබ්‌බො අනධිගතං වා කුසලං ධම්‌මං අධිගන්‌තුං, අධිගතං වා කුසලං ධම්‌මං ඵාතිං කාතුං.
79. ‘‘Chahi, bhikkhave, dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ 3. Katamehi chahi? Idha, bhikkhave, bhikkhu na āyakusalo ca hoti, na apāyakusalo ca hoti, na upāyakusalo ca hoti, anadhigatānaṃ kusalānaṃ dhammānaṃ adhigamāya na chandaṃ janeti, adhigate kusale dhamme na ārakkhati 4, sātaccakiriyāya na sampādeti. Imehi kho, bhikkhave, chahi dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ.
‘‘ඡහි , භික්‌ඛවෙ, ධම්‌මෙහි සමන්‌නාගතො භික්‌ඛු භබ්‌බො අනධිගතං වා කුසලං ධම්‌මං අධිගන්‌තුං, අධිගතං වා කුසලං ධම්‌මං ඵාතිං කාතුං. කතමෙහි ඡහි? ඉධ, භික්‌ඛවෙ, භික්‌ඛු ආයකුසලො ච හොති, අපායකුසලො ච හොති, උපායකුසලො ච හොති, අනධිගතානං කුසලානං ධම්‌මානං අධිගමාය ඡන්‌දං ජනෙති, අධිගතෙ කුසලෙ ධම්‌මෙ ආරක්‌ඛති, සාතච්‌චකිරියාය සම්‌පාදෙති. ඉමෙහි ඛො, භික්‌ඛවෙ, ඡහි ධම්‌මෙහි සමන්‌නාගතො භික්‌ඛු භබ්‌බො අනධිගතං වා කුසලං ධම්‌මං අධිගන්‌තුං, අධිගතං වා කුසලං ධම්‌මං ඵාතිං කාතු’’න්‌ති. පඤ්‌චමං.
‘‘Chahi , bhikkhave, dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. Katamehi chahi? Idha, bhikkhave, bhikkhu āyakusalo ca hoti, apāyakusalo ca hoti, upāyakusalo ca hoti, anadhigatānaṃ kusalānaṃ dhammānaṃ adhigamāya chandaṃ janeti, adhigate kusale dhamme ārakkhati, sātaccakiriyāya sampādeti. Imehi kho, bhikkhave, chahi dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātu’’nti. Pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. අධිගමසුත්‌තවණ්‌ණනා • 5. Adhigamasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5. අධිගමසුත්‌තවණ්‌ණනා • 5. Adhigamasuttavaṇṇanā
