| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៥. អធិគមសុត្តវណ្ណនា
5. Adhigamasuttavaṇṇanā
៧៩. បញ្ចមេ អាគច្ឆន្តិ ឯតេន កុសលា វា អកុសលា វាតិ អាគមនំ, កុសលាកុសលានំ ឧប្បត្តិការណំ។ តត្ថ កុសលោតិ អាគមនកុសលោ។ ឯវំ ធម្មេ មនសិករោតោ កុសលា វា អកុសលា វា ធម្មា អភិវឌ្ឍន្តីតិ ឯវំ ជានន្តោ។ អបគច្ឆន្តិ កុសលា វា អកុសលា វា ឯតេនាតិ អបគមនំ។ តេសំ ឯវ អនុប្បត្តិការណំ, តត្ថ កុសលោតិ អបគមនកុសលោ។ ឯវំ ធម្មេ មនសិករោតោ កុសលា វា អកុសលា វា ធម្មា នាភិវឌ្ឍន្តីតិ ឯវំ ជានន្តោ។ ឧបាយកុសលោតិ ឋានុប្បត្តិកបញ្ញាសមន្នាគតោ។ ឥទញ្ច អច្ចាយិកកិច្ចេ វា ភយេ វា ឧប្បន្នេ តស្ស តិកិច្ឆនត្ថំ ឋានុប្បត្តិយា ការណជាននវសេន វេទិតព្ពំ។
79. Pañcame āgacchanti etena kusalā vā akusalā vāti āgamanaṃ, kusalākusalānaṃ uppattikāraṇaṃ. Tattha kusaloti āgamanakusalo. Evaṃ dhamme manasikaroto kusalā vā akusalā vā dhammā abhivaḍḍhantīti evaṃ jānanto. Apagacchanti kusalā vā akusalā vā etenāti apagamanaṃ. Tesaṃ eva anuppattikāraṇaṃ, tattha kusaloti apagamanakusalo. Evaṃ dhamme manasikaroto kusalā vā akusalā vā dhammā nābhivaḍḍhantīti evaṃ jānanto. Upāyakusaloti ṭhānuppattikapaññāsamannāgato. Idañca accāyikakicce vā bhaye vā uppanne tassa tikicchanatthaṃ ṭhānuppattiyā kāraṇajānanavasena veditabbaṃ.
អធិគមសុត្តវណ្ណនា និដ្ឋិតា។
Adhigamasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៥. អធិគមសុត្តំ • 5. Adhigamasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៥. អធិគមសុត្តវណ្ណនា • 5. Adhigamasuttavaṇṇanā
