| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. ад̇хиг̇аяхаманасигаарагат̇ааван̣н̣анаа
4. Adhigayhamanasikārakathāvaṇṇanā
749-753. ид̣̇аани ад̇хиг̇аяха манасигаарагат̇аа наама ход̇и. д̇ад̇т̇а д̣̇увид̇хо манасигааро наяад̇о жа аарамман̣ад̇о жа. д̇ад̇т̇а згасан̇каарассааби анижжад̇ааяа д̣̇идтааяа саб̣б̣з сан̇каараа анижжаад̇и авасзсзсу наяад̇о манасигааро ход̇и. ад̇ийд̇з бана сан̇каарз манасигаронд̇о на анааг̇ад̇з манасигаад̇ум̣ саггод̇и. ад̇ийд̇аад̣̇ийсу ан̃н̃ад̇арам̣ манасигарод̇о аарамман̣ад̇о манасигааро ход̇и . д̇ад̇т̇а бажжуббаннз манасигаронд̇о язна жид̇д̇зна д̇з манасигарод̇и, д̇ам̣ бажжуббаннагкан̣з манасигаад̇ум̣ на саггод̇и. д̇ад̇т̇а язсам̣ ‘‘саб̣б̣з сан̇каараа анижжаа’’д̇иаад̣̇иважанам̣ ниссааяа ‘‘манасигаронд̇о наама ад̇хиг̇аяха ад̇хиг̇ан̣хид̇ваа сан̇г̇ан̣хид̇ваа саб̣б̣з сан̇каарз згад̇о манасигарод̇ий’’д̇и лад̣̇д̇хи, сзяяат̇ааби буб̣б̣асзлияаабарасзлияаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса.
749-753. Idāni adhigayha manasikārakathā nāma hoti. Tattha duvidho manasikāro nayato ca ārammaṇato ca. Tattha ekasaṅkhārassāpi aniccatāya diṭṭhāya sabbe saṅkhārā aniccāti avasesesu nayato manasikāro hoti. Atīte pana saṅkhāre manasikaronto na anāgate manasikātuṃ sakkoti. Atītādīsu aññataraṃ manasikaroto ārammaṇato manasikāro hoti . Tattha paccuppanne manasikaronto yena cittena te manasikaroti, taṃ paccuppannakkhaṇe manasikātuṃ na sakkoti. Tattha yesaṃ ‘‘sabbe saṅkhārā aniccā’’tiādivacanaṃ nissāya ‘‘manasikaronto nāma adhigayha adhigaṇhitvā saṅgaṇhitvā sabbe saṅkhāre ekato manasikarotī’’ti laddhi, seyyathāpi pubbaseliyāparaseliyānaṃ; te sandhāya pucchā sakavādissa, paṭiññā itarassa.
ат̇а нам̣ яасмаа саб̣б̣з згад̇о манасигаронд̇зна язна жид̇д̇зна д̇з манасигарод̇и, д̇амби манасигаад̇аб̣б̣ам̣ ход̇и. д̇асмаа д̇ам̣жид̇д̇ад̇ааяа жод̣̇зд̇ум̣ д̇зна жид̇д̇знаад̇и ааха. ид̇аро аарамман̣ам̣ гад̇ваа на саггаа ж̇аанид̇унд̇и санд̇хааяа бадигкибад̇и. звам̣лагкан̣ам̣ жид̇д̇анд̇и н̃аад̇ад̇д̇аа бана д̇амби жид̇д̇ам̣ н̃аад̇амзва ход̇ийд̇и санд̇хааяа бадиж̇аанаад̇и. ат̇а ваа д̇ан̃н̃зва д̇асса аарамман̣ам̣ на ход̇ийд̇и бадигкибад̇и. ‘‘саб̣б̣з сан̇каараа анижжаа, яад̣̇аа бан̃н̃ааяа бассад̇ий’’д̇иаад̣̇ийни ниссааяа уббанналад̣̇д̇хивасзна бадиж̇аанаад̇и. сзсабан̃хад̣̇ваязби зсзва наяо. д̇зна пассзнаад̇иаад̣̇ийсу бана д̇ат̇ааруубам̣ суд̇д̇ам̣ абассанд̇о бадигкибад̇зва. ад̇ийд̇аад̣̇ибан̃хзсу хздтаа вуд̇д̇анаязнзва бадигкзбабадин̃н̃аа взд̣̇ид̇аб̣б̣аа. сзсам̣ яат̇аабаал̣имзва нияяаад̇ийд̇и. саб̣б̣з сан̇каараад̇иаад̣̇иважанам̣ наяад̇о д̣̇ассанам̣ санд̇хааяа вуд̇д̇ам̣, на згагкан̣з аарамман̣ад̇о, д̇асмаа асаад̇хаганд̇и.
Atha naṃ yasmā sabbe ekato manasikarontena yena cittena te manasikaroti, tampi manasikātabbaṃ hoti. Tasmā taṃcittatāya codetuṃ tena cittenāti āha. Itaro ārammaṇaṃ katvā na sakkā jānitunti sandhāya paṭikkhipati. Evaṃlakkhaṇaṃ cittanti ñātattā pana tampi cittaṃ ñātameva hotīti sandhāya paṭijānāti. Atha vā taññeva tassa ārammaṇaṃ na hotīti paṭikkhipati. ‘‘Sabbe saṅkhārā aniccā, yadā paññāya passatī’’tiādīni nissāya uppannaladdhivasena paṭijānāti. Sesapañhadvayepi eseva nayo. Tena phassenātiādīsu pana tathārūpaṃ suttaṃ apassanto paṭikkhipateva. Atītādipañhesu heṭṭhā vuttanayeneva paṭikkhepapaṭiññā veditabbā. Sesaṃ yathāpāḷimeva niyyātīti. Sabbe saṅkhārātiādivacanaṃ nayato dassanaṃ sandhāya vuttaṃ, na ekakkhaṇe ārammaṇato, tasmā asādhakanti.
ад̇хиг̇аяхаманасигаарагат̇ааван̣н̣анаа.
Adhigayhamanasikārakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (159) 4. ад̇хиг̇аяхаманасигаарагат̇аа • (159) 4. Adhigayhamanasikārakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. ад̇хиг̇аяхаманасигаарагат̇ааван̣н̣анаа • 4. Adhigayhamanasikārakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. ад̇хиг̇аяхаманасигаарагат̇ааван̣н̣анаа • 4. Adhigayhamanasikārakathāvaṇṇanā
