| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
অধিকরণভেদৰণ্ণনা
Adhikaraṇabhedavaṇṇanā
৩৪০. যস্মা অধিকরণং উক্কোটেন্তো সমথপ্পত্তমেৰ উক্কোটেতি, তস্মা ‘‘ৰিৰাদাধিকরণং উক্কোটেন্তো কতি সমথে উক্কোটেতী’’তিআদি ৰুত্তং।
340. Yasmā adhikaraṇaṃ ukkoṭento samathappattameva ukkoṭeti, tasmā ‘‘vivādādhikaraṇaṃ ukkoṭento kati samathe ukkoṭetī’’tiādi vuttaṃ.
৩৪১. পাল়িমুত্তকৰিনিচ্ছযেনেৰাতি ৰিনযলক্খণং ৰিনা কেৰলং ধম্মদেসনামত্তৰসেনেৰাতি অত্থো। যেনাপি ৰিনিচ্ছযেনাতি পাল়িমুত্তকৰিনিচ্ছযমেৰ সন্ধায ৰুত্তং। খন্ধকতো চ পরিৰারতো চ সুত্তেনাতি খন্ধকপরিৰারতো আনীতসুত্তেন। নিজ্ঝাপেন্তীতি পঞ্ঞাপেন্তি।
341.Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Yenāpi vinicchayenāti pāḷimuttakavinicchayameva sandhāya vuttaṃ. Khandhakato ca parivārato ca suttenāti khandhakaparivārato ānītasuttena. Nijjhāpentīti paññāpenti.
৩৪২. কিচ্চং নিস্সায উপ্পজ্জনককিচ্চানন্তি পুব্বে কতউক্খেপনীযাদিকিচ্চং নিস্সায উপ্পজ্জনককিচ্চানং। কীদিসানং? যাৰততিযসমনুভাসনাদীনং।
342.Kiccaṃ nissāya uppajjanakakiccānanti pubbe kataukkhepanīyādikiccaṃ nissāya uppajjanakakiccānaṃ. Kīdisānaṃ? Yāvatatiyasamanubhāsanādīnaṃ.
৩৪৩. তং হীতি তং ৰিৰাদাধিকরণং।
343.Taṃ hīti taṃ vivādādhikaraṇaṃ.
৩৪৪. অধিকরণেসু যেন অধিকরণেন সম্মন্তি, তং দস্সেতুং ৰুত্তন্তি যদা অধিকরণেহি সম্মন্তি, তদা কিচ্চাধিকরণেনেৰ সম্মন্তি, ন অঞ্ঞেহি অধিকরণেহীতি দস্সনত্থং ৰুত্তন্তি অধিপ্পাযো।
344.Adhikaraṇesu yena adhikaraṇena sammanti, taṃ dassetuṃ vuttanti yadā adhikaraṇehi sammanti, tadā kiccādhikaraṇeneva sammanti, na aññehi adhikaraṇehīti dassanatthaṃ vuttanti adhippāyo.
৩৫৩. ‘‘সত্তন্নং সমথানং কতমে ছত্তিংস সমুট্ঠানা’’তি পুচ্ছিত্ৰাপি ‘‘কম্মস্স কিরিযা করণ’’ন্তিআদিনা সম্মুখাৰিনযস্স সমুট্ঠানানি অৰিভজিত্ৰাৰ সতিৰিনযাদীনং ছন্নঞ্ঞেৰ ছ সমুট্ঠানানি ৰিভত্তানি, তং কস্মাতি আহ ‘‘কিঞ্চাপি সত্তন্নং সমথান’’ন্তিআদি। সতিৰিনযাদীনং ৰিয সঙ্ঘসম্মুখতাদীনং কিচ্চযতা নাম নত্থীতি আহ ‘‘কম্মসঙ্গহাভাৰেনা’’তি।
353. ‘‘Sattannaṃ samathānaṃ katame chattiṃsa samuṭṭhānā’’ti pucchitvāpi ‘‘kammassa kiriyā karaṇa’’ntiādinā sammukhāvinayassa samuṭṭhānāni avibhajitvāva sativinayādīnaṃ channaññeva cha samuṭṭhānāni vibhattāni, taṃ kasmāti āha ‘‘kiñcāpi sattannaṃ samathāna’’ntiādi. Sativinayādīnaṃ viya saṅghasammukhatādīnaṃ kiccayatā nāma natthīti āha ‘‘kammasaṅgahābhāvenā’’ti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
১. উক্কোটনভেদাদি • 1. Ukkoṭanabhedādi
২. অধিকরণনিদানাদি • 2. Adhikaraṇanidānādi
৩. অধিকরণমূলাদি • 3. Adhikaraṇamūlādi
৪. অধিকরণপচ্চযাপত্তি • 4. Adhikaraṇapaccayāpatti
৯. সত্তসমথনিদানং • 9. Sattasamathanidānaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
উক্কোটনভেদাদিৰণ্ণনা • Ukkoṭanabhedādivaṇṇanā
অধিকরণনিদানাদিৰণ্ণনা • Adhikaraṇanidānādivaṇṇanā
সত্তসমথনিদানৰণ্ণনা • Sattasamathanidānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
উক্কোটনভেদাদিৰণ্ণনা • Ukkoṭanabhedādivaṇṇanā
অধিকরণনিদানাদিৰণ্ণনা • Adhikaraṇanidānādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā
উক্কোটনভেদাদিকথাৰণ্ণনা • Ukkoṭanabhedādikathāvaṇṇanā
অধিকরণনিদানাদিৰণ্ণনা • Adhikaraṇanidānādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
উক্কোটনভেদাদিৰণ্ণনা • Ukkoṭanabhedādivaṇṇanā
অধিকরণনিদানাদিৰণ্ণনা • Adhikaraṇanidānādivaṇṇanā
সত্তসমথনিদানৰণ্ণনা • Sattasamathanidānavaṇṇanā
