| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಅಧಿಕರಣಭೇದವಣ್ಣನಾ
Adhikaraṇabhedavaṇṇanā
೩೪೦. ಯಸ್ಮಾ ಅಧಿಕರಣಂ ಉಕ್ಕೋಟೇನ್ತೋ ಸಮಥಪ್ಪತ್ತಮೇವ ಉಕ್ಕೋಟೇತಿ, ತಸ್ಮಾ ‘‘ವಿವಾದಾಧಿಕರಣಂ ಉಕ್ಕೋಟೇನ್ತೋ ಕತಿ ಸಮಥೇ ಉಕ್ಕೋಟೇತೀ’’ತಿಆದಿ ವುತ್ತಂ।
340. Yasmā adhikaraṇaṃ ukkoṭento samathappattameva ukkoṭeti, tasmā ‘‘vivādādhikaraṇaṃ ukkoṭento kati samathe ukkoṭetī’’tiādi vuttaṃ.
೩೪೧. ಪಾಳಿಮುತ್ತಕವಿನಿಚ್ಛಯೇನೇವಾತಿ ವಿನಯಲಕ್ಖಣಂ ವಿನಾ ಕೇವಲಂ ಧಮ್ಮದೇಸನಾಮತ್ತವಸೇನೇವಾತಿ ಅತ್ಥೋ। ಯೇನಾಪಿ ವಿನಿಚ್ಛಯೇನಾತಿ ಪಾಳಿಮುತ್ತಕವಿನಿಚ್ಛಯಮೇವ ಸನ್ಧಾಯ ವುತ್ತಂ। ಖನ್ಧಕತೋ ಚ ಪರಿವಾರತೋ ಚ ಸುತ್ತೇನಾತಿ ಖನ್ಧಕಪರಿವಾರತೋ ಆನೀತಸುತ್ತೇನ। ನಿಜ್ಝಾಪೇನ್ತೀತಿ ಪಞ್ಞಾಪೇನ್ತಿ।
341.Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Yenāpi vinicchayenāti pāḷimuttakavinicchayameva sandhāya vuttaṃ. Khandhakato ca parivārato ca suttenāti khandhakaparivārato ānītasuttena. Nijjhāpentīti paññāpenti.
೩೪೨. ಕಿಚ್ಚಂ ನಿಸ್ಸಾಯ ಉಪ್ಪಜ್ಜನಕಕಿಚ್ಚಾನನ್ತಿ ಪುಬ್ಬೇ ಕತಉಕ್ಖೇಪನೀಯಾದಿಕಿಚ್ಚಂ ನಿಸ್ಸಾಯ ಉಪ್ಪಜ್ಜನಕಕಿಚ್ಚಾನಂ। ಕೀದಿಸಾನಂ? ಯಾವತತಿಯಸಮನುಭಾಸನಾದೀನಂ।
342.Kiccaṃ nissāya uppajjanakakiccānanti pubbe kataukkhepanīyādikiccaṃ nissāya uppajjanakakiccānaṃ. Kīdisānaṃ? Yāvatatiyasamanubhāsanādīnaṃ.
೩೪೩. ತಂ ಹೀತಿ ತಂ ವಿವಾದಾಧಿಕರಣಂ।
343.Taṃ hīti taṃ vivādādhikaraṇaṃ.
೩೪೪. ಅಧಿಕರಣೇಸು ಯೇನ ಅಧಿಕರಣೇನ ಸಮ್ಮನ್ತಿ, ತಂ ದಸ್ಸೇತುಂ ವುತ್ತನ್ತಿ ಯದಾ ಅಧಿಕರಣೇಹಿ ಸಮ್ಮನ್ತಿ, ತದಾ ಕಿಚ್ಚಾಧಿಕರಣೇನೇವ ಸಮ್ಮನ್ತಿ, ನ ಅಞ್ಞೇಹಿ ಅಧಿಕರಣೇಹೀತಿ ದಸ್ಸನತ್ಥಂ ವುತ್ತನ್ತಿ ಅಧಿಪ್ಪಾಯೋ।
344.Adhikaraṇesu yena adhikaraṇena sammanti, taṃ dassetuṃ vuttanti yadā adhikaraṇehi sammanti, tadā kiccādhikaraṇeneva sammanti, na aññehi adhikaraṇehīti dassanatthaṃ vuttanti adhippāyo.
೩೫೩. ‘‘ಸತ್ತನ್ನಂ ಸಮಥಾನಂ ಕತಮೇ ಛತ್ತಿಂಸ ಸಮುಟ್ಠಾನಾ’’ತಿ ಪುಚ್ಛಿತ್ವಾಪಿ ‘‘ಕಮ್ಮಸ್ಸ ಕಿರಿಯಾ ಕರಣ’’ನ್ತಿಆದಿನಾ ಸಮ್ಮುಖಾವಿನಯಸ್ಸ ಸಮುಟ್ಠಾನಾನಿ ಅವಿಭಜಿತ್ವಾವ ಸತಿವಿನಯಾದೀನಂ ಛನ್ನಞ್ಞೇವ ಛ ಸಮುಟ್ಠಾನಾನಿ ವಿಭತ್ತಾನಿ, ತಂ ಕಸ್ಮಾತಿ ಆಹ ‘‘ಕಿಞ್ಚಾಪಿ ಸತ್ತನ್ನಂ ಸಮಥಾನ’’ನ್ತಿಆದಿ। ಸತಿವಿನಯಾದೀನಂ ವಿಯ ಸಙ್ಘಸಮ್ಮುಖತಾದೀನಂ ಕಿಚ್ಚಯತಾ ನಾಮ ನತ್ಥೀತಿ ಆಹ ‘‘ಕಮ್ಮಸಙ್ಗಹಾಭಾವೇನಾ’’ತಿ।
353. ‘‘Sattannaṃ samathānaṃ katame chattiṃsa samuṭṭhānā’’ti pucchitvāpi ‘‘kammassa kiriyā karaṇa’’ntiādinā sammukhāvinayassa samuṭṭhānāni avibhajitvāva sativinayādīnaṃ channaññeva cha samuṭṭhānāni vibhattāni, taṃ kasmāti āha ‘‘kiñcāpi sattannaṃ samathāna’’ntiādi. Sativinayādīnaṃ viya saṅghasammukhatādīnaṃ kiccayatā nāma natthīti āha ‘‘kammasaṅgahābhāvenā’’ti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೧. ಉಕ್ಕೋಟನಭೇದಾದಿ • 1. Ukkoṭanabhedādi
೨. ಅಧಿಕರಣನಿದಾನಾದಿ • 2. Adhikaraṇanidānādi
೩. ಅಧಿಕರಣಮೂಲಾದಿ • 3. Adhikaraṇamūlādi
೪. ಅಧಿಕರಣಪಚ್ಚಯಾಪತ್ತಿ • 4. Adhikaraṇapaccayāpatti
೯. ಸತ್ತಸಮಥನಿದಾನಂ • 9. Sattasamathanidānaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā
ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಸತ್ತಸಮಥನಿದಾನವಣ್ಣನಾ • Sattasamathanidānavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā
ಉಕ್ಕೋಟನಭೇದಾದಿಕಥಾವಣ್ಣನಾ • Ukkoṭanabhedādikathāvaṇṇanā
ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಸತ್ತಸಮಥನಿದಾನವಣ್ಣನಾ • Sattasamathanidānavaṇṇanā
