| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
අධිකරණභෙදවණ්‌ණනා
Adhikaraṇabhedavaṇṇanā
340. යස්‌මා අධිකරණං උක්‌කොටෙන්‌තො සමථප්‌පත්‌තමෙව උක්‌කොටෙති, තස්‌මා ‘‘විවාදාධිකරණං උක්‌කොටෙන්‌තො කති සමථෙ උක්‌කොටෙතී’’තිආදි වුත්‌තං.
340. Yasmā adhikaraṇaṃ ukkoṭento samathappattameva ukkoṭeti, tasmā ‘‘vivādādhikaraṇaṃ ukkoṭento kati samathe ukkoṭetī’’tiādi vuttaṃ.
341. පාළිමුත්‌තකවිනිච්‌ඡයෙනෙවාති විනයලක්‌ඛණං විනා කෙවලං ධම්‌මදෙසනාමත්‌තවසෙනෙවාති අත්‌ථො. යෙනාපි විනිච්‌ඡයෙනාති පාළිමුත්‌තකවිනිච්‌ඡයමෙව සන්‌ධාය වුත්‌තං. ඛන්‌ධකතො ච පරිවාරතො ච සුත්‌තෙනාති ඛන්‌ධකපරිවාරතො ආනීතසුත්‌තෙන. නිජ්‌ඣාපෙන්‌තීති පඤ්‌ඤාපෙන්‌ති.
341.Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Yenāpi vinicchayenāti pāḷimuttakavinicchayameva sandhāya vuttaṃ. Khandhakato ca parivārato ca suttenāti khandhakaparivārato ānītasuttena. Nijjhāpentīti paññāpenti.
342. කිච්‌චං නිස්‌සාය උප්‌පජ්‌ජනකකිච්‌චානන්‌ති පුබ්‌බෙ කතඋක්‌ඛෙපනීයාදිකිච්‌චං නිස්‌සාය උප්‌පජ්‌ජනකකිච්‌චානං. කීදිසානං? යාවතතියසමනුභාසනාදීනං.
342.Kiccaṃ nissāya uppajjanakakiccānanti pubbe kataukkhepanīyādikiccaṃ nissāya uppajjanakakiccānaṃ. Kīdisānaṃ? Yāvatatiyasamanubhāsanādīnaṃ.
343. තං හීති තං විවාදාධිකරණං.
343.Taṃ hīti taṃ vivādādhikaraṇaṃ.
344. අධිකරණෙසු යෙන අධිකරණෙන සම්‌මන්‌ති, තං දස්‌සෙතුං වුත්‌තන්‌ති යදා අධිකරණෙහි සම්‌මන්‌ති, තදා කිච්‌චාධිකරණෙනෙව සම්‌මන්‌ති, න අඤ්‌ඤෙහි අධිකරණෙහීති දස්‌සනත්‌ථං වුත්‌තන්‌ති අධිප්‌පායො.
344.Adhikaraṇesu yena adhikaraṇena sammanti, taṃ dassetuṃ vuttanti yadā adhikaraṇehi sammanti, tadā kiccādhikaraṇeneva sammanti, na aññehi adhikaraṇehīti dassanatthaṃ vuttanti adhippāyo.
353. ‘‘සත්‌තන්‌නං සමථානං කතමෙ ඡත්‌තිංස සමුට්‌ඨානා’’ති පුච්‌ඡිත්‌වාපි ‘‘කම්‌මස්‌ස කිරියා කරණ’’න්‌තිආදිනා සම්‌මුඛාවිනයස්‌ස සමුට්‌ඨානානි අවිභජිත්‌වාව සතිවිනයාදීනං ඡන්‌නඤ්‌ඤෙව ඡ සමුට්‌ඨානානි විභත්‌තානි, තං කස්‌මාති ආහ ‘‘කිඤ්‌චාපි සත්‌තන්‌නං සමථාන’’න්‌තිආදි. සතිවිනයාදීනං විය සඞ්‌ඝසම්‌මුඛතාදීනං කිච්‌චයතා නාම නත්‌ථීති ආහ ‘‘කම්‌මසඞ්‌ගහාභාවෙනා’’ති.
353. ‘‘Sattannaṃ samathānaṃ katame chattiṃsa samuṭṭhānā’’ti pucchitvāpi ‘‘kammassa kiriyā karaṇa’’ntiādinā sammukhāvinayassa samuṭṭhānāni avibhajitvāva sativinayādīnaṃ channaññeva cha samuṭṭhānāni vibhattāni, taṃ kasmāti āha ‘‘kiñcāpi sattannaṃ samathāna’’ntiādi. Sativinayādīnaṃ viya saṅghasammukhatādīnaṃ kiccayatā nāma natthīti āha ‘‘kammasaṅgahābhāvenā’’ti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
1. උක්‌කොටනභෙදාදි • 1. Ukkoṭanabhedādi
2. අධිකරණනිදානාදි • 2. Adhikaraṇanidānādi
3. අධිකරණමූලාදි • 3. Adhikaraṇamūlādi
4. අධිකරණපච්‌චයාපත්‌ති • 4. Adhikaraṇapaccayāpatti
9. සත්‌තසමථනිදානං • 9. Sattasamathanidānaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
උක්‌කොටනභෙදාදිවණ්‌ණනා • Ukkoṭanabhedādivaṇṇanā
අධිකරණනිදානාදිවණ්‌ණනා • Adhikaraṇanidānādivaṇṇanā
සත්‌තසමථනිදානවණ්‌ණනා • Sattasamathanidānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
උක්‌කොටනභෙදාදිවණ්‌ණනා • Ukkoṭanabhedādivaṇṇanā
අධිකරණනිදානාදිවණ්‌ණනා • Adhikaraṇanidānādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā
උක්‌කොටනභෙදාදිකථාවණ්‌ණනා • Ukkoṭanabhedādikathāvaṇṇanā
අධිකරණනිදානාදිවණ්‌ණනා • Adhikaraṇanidānādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
උක්‌කොටනභෙදාදිවණ්‌ණනා • Ukkoṭanabhedādivaṇṇanā
අධිකරණනිදානාදිවණ්‌ණනා • Adhikaraṇanidānādivaṇṇanā
සත්‌තසමථනිදානවණ්‌ණනා • Sattasamathanidānavaṇṇanā
