| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
5. ад̇хигаран̣аад̇хиббааяо
5. Adhikaraṇādhippāyo
348. виваад̣̇аад̇хигаран̣ам̣ ход̇и ануваад̣̇аад̇хигаран̣ам̣, ход̇и аабад̇д̇аад̇хигаран̣ам̣, ход̇и гижжаад̇хигаран̣ам̣. виваад̣̇аад̇хигаран̣ам̣ на ход̇и ануваад̣̇аад̇хигаран̣ам̣, на ход̇и аабад̇д̇аад̇хигаран̣ам̣, на ход̇и гижжаад̇хигаран̣ам̣; аби жа, виваад̣̇аад̇хигаран̣абажжаяаа ход̇и ануваад̣̇аад̇хигаран̣ам̣, ход̇и аабад̇д̇аад̇хигаран̣ам̣, ход̇и гижжаад̇хигаран̣ам̣. яат̇аа гат̇ам̣ вияа? 1 ид̇ха бхигкуу вивад̣̇анд̇и – д̇хаммод̇и ваа ад̇хаммод̇и ваа д̣̇удтуллаабад̇д̇ийд̇и ваа ад̣̇удтуллаабад̇д̇ийд̇и ваа. яам̣ д̇ад̇т̇а бхан̣д̣анам̣ галахо виг̇г̇ахо виваад̣̇о наанааваад̣̇о ан̃н̃ат̇ааваад̣̇о вибажжад̇ааяа вохааро мзд̇хагам̣, ид̣̇ам̣ вужжад̇и виваад̣̇аад̇хигаран̣ам̣. виваад̣̇аад̇хигаран̣з сан̇гхо вивад̣̇ад̇и виваад̣̇аад̇хигаран̣ам̣. вивад̣̇амаано анувад̣̇ад̇и ануваад̣̇аад̇хигаран̣ам̣. анувад̣̇амаано аабад̇д̇им̣ аабаж̇ж̇ад̇и аабад̇д̇аад̇хигаран̣ам̣. д̇ааяа аабад̇д̇ияаа сан̇гхо гаммам̣ гарод̇и гижжаад̇хигаран̣ам̣. звам̣ виваад̣̇аад̇хигаран̣абажжаяаа ход̇и ануваад̣̇аад̇хигаран̣ам̣, ход̇и аабад̇д̇аад̇хигаран̣ам̣, ход̇и гижжаад̇хигаран̣ам̣.
348. Vivādādhikaraṇaṃ hoti anuvādādhikaraṇaṃ, hoti āpattādhikaraṇaṃ, hoti kiccādhikaraṇaṃ. Vivādādhikaraṇaṃ na hoti anuvādādhikaraṇaṃ, na hoti āpattādhikaraṇaṃ, na hoti kiccādhikaraṇaṃ; api ca, vivādādhikaraṇapaccayā hoti anuvādādhikaraṇaṃ, hoti āpattādhikaraṇaṃ, hoti kiccādhikaraṇaṃ. Yathā kathaṃ viya? 2 Idha bhikkhū vivadanti – dhammoti vā adhammoti vā duṭṭhullāpattīti vā aduṭṭhullāpattīti vā. Yaṃ tattha bhaṇḍanaṃ kalaho viggaho vivādo nānāvādo aññathāvādo vipaccatāya vohāro medhakaṃ, idaṃ vuccati vivādādhikaraṇaṃ. Vivādādhikaraṇe saṅgho vivadati vivādādhikaraṇaṃ. Vivadamāno anuvadati anuvādādhikaraṇaṃ. Anuvadamāno āpattiṃ āpajjati āpattādhikaraṇaṃ. Tāya āpattiyā saṅgho kammaṃ karoti kiccādhikaraṇaṃ. Evaṃ vivādādhikaraṇapaccayā hoti anuvādādhikaraṇaṃ, hoti āpattādhikaraṇaṃ, hoti kiccādhikaraṇaṃ.
ануваад̣̇аад̇хигаран̣ам̣ ход̇и аабад̇д̇аад̇хигаран̣ам̣, ход̇и гижжаад̇хигаран̣ам̣, ход̇и виваад̣̇аад̇хигаран̣ам̣. ануваад̣̇аад̇хигаран̣ам̣ на ход̇и аабад̇д̇аад̇хигаран̣ам̣, на ход̇и гижжаад̇хигаран̣ам̣, на ход̇и виваад̣̇аад̇хигаран̣ам̣; аби жа, ануваад̣̇аад̇хигаран̣абажжаяаа ход̇и аабад̇д̇аад̇хигаран̣ам̣, ход̇и гижжаад̇хигаран̣ам̣, ход̇и виваад̣̇аад̇хигаран̣ам̣. яат̇аа гат̇ам̣ вияа? ид̇ха бхигкуу бхигкум̣ анувад̣̇анд̇и сийлавибад̇д̇ияаа ваа аажааравибад̇д̇ияаа ваа д̣̇идтивибад̇д̇ияаа ваа ааж̇ийвавибад̇д̇ияаа ваа. яо д̇ад̇т̇а ануваад̣̇о анувад̣̇анаа ануллабанаа анубхан̣анаа анусамбаван̇гад̇аа аб̣бхуссаханад̇аа ануб̣алаббад̣̇аанам̣, ид̣̇ам̣ вужжад̇и ануваад̣̇аад̇хигаран̣ам̣. ануваад̣̇аад̇хигаран̣з сан̇гхо вивад̣̇ад̇и, виваад̣̇аад̇хигаран̣ам̣. вивад̣̇амаано анувад̣̇ад̇и, ануваад̣̇аад̇хигаран̣ам̣. анувад̣̇амаано аабад̇д̇им̣ аабаж̇ж̇ад̇и, аабад̇д̇аад̇хигаран̣ам̣. д̇ааяа аабад̇д̇ияаа сан̇гхо гаммам̣ гарод̇и, гижжаад̇хигаран̣ам̣. звам̣ ануваад̣̇аад̇хигаран̣абажжаяаа ход̇и аабад̇д̇аад̇хигаран̣ам̣, ход̇и гижжаад̇хигаран̣ам̣, ход̇и виваад̣̇аад̇хигаран̣ам̣.
Anuvādādhikaraṇaṃ hoti āpattādhikaraṇaṃ, hoti kiccādhikaraṇaṃ, hoti vivādādhikaraṇaṃ. Anuvādādhikaraṇaṃ na hoti āpattādhikaraṇaṃ, na hoti kiccādhikaraṇaṃ, na hoti vivādādhikaraṇaṃ; api ca, anuvādādhikaraṇapaccayā hoti āpattādhikaraṇaṃ, hoti kiccādhikaraṇaṃ, hoti vivādādhikaraṇaṃ. Yathā kathaṃ viya? Idha bhikkhū bhikkhuṃ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā. Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṃ, idaṃ vuccati anuvādādhikaraṇaṃ. Anuvādādhikaraṇe saṅgho vivadati, vivādādhikaraṇaṃ. Vivadamāno anuvadati, anuvādādhikaraṇaṃ. Anuvadamāno āpattiṃ āpajjati, āpattādhikaraṇaṃ. Tāya āpattiyā saṅgho kammaṃ karoti, kiccādhikaraṇaṃ. Evaṃ anuvādādhikaraṇapaccayā hoti āpattādhikaraṇaṃ, hoti kiccādhikaraṇaṃ, hoti vivādādhikaraṇaṃ.
аабад̇д̇аад̇хигаран̣ам̣ ход̇и гижжаад̇хигаран̣ам̣, ход̇и виваад̣̇аад̇хигаран̣ам̣, ход̇и ануваад̣̇аад̇хигаран̣ам̣. аабад̇д̇аад̇хигаран̣ам̣ на ход̇и гижжаад̇хигаран̣ам̣, на ход̇и виваад̣̇аад̇хигаран̣ам̣, на ход̇и ануваад̣̇аад̇хигаран̣ам̣; аби жа, аабад̇д̇аад̇хигаран̣абажжаяаа ход̇и гижжаад̇хигаран̣ам̣, ход̇и виваад̣̇аад̇хигаран̣ам̣, ход̇и ануваад̣̇аад̇хигаран̣ам̣. яат̇аа гат̇ам̣ вияа? 3 бан̃жаби аабад̇д̇игканд̇хаа аабад̇д̇аад̇хигаран̣ам̣, сад̇д̇аби аабад̇д̇игканд̇хаа аабад̇д̇аад̇хигаран̣ам̣, ид̣̇ам̣ вужжад̇и аабад̇д̇аад̇хигаран̣ам̣. аабад̇д̇аад̇хигаран̣з сан̇гхо вивад̣̇ад̇и виваад̣̇аад̇хигаран̣ам̣. вивад̣̇амаано анувад̣̇ад̇и ануваад̣̇аад̇хигаран̣ам̣. анувад̣̇амаано аабад̇д̇им̣ аабаж̇ж̇ад̇и аабад̇д̇аад̇хигаран̣ам̣. д̇ааяа аабад̇д̇ияаа сан̇гхо гаммам̣ гарод̇и гижжаад̇хигаран̣ам̣. звам̣ аабад̇д̇аад̇хигаран̣абажжаяаа ход̇и гижжаад̇хигаран̣ам̣, ход̇и виваад̣̇аад̇хигаран̣ам̣, ход̇и ануваад̣̇аад̇хигаран̣ам̣.
Āpattādhikaraṇaṃ hoti kiccādhikaraṇaṃ, hoti vivādādhikaraṇaṃ, hoti anuvādādhikaraṇaṃ. Āpattādhikaraṇaṃ na hoti kiccādhikaraṇaṃ, na hoti vivādādhikaraṇaṃ, na hoti anuvādādhikaraṇaṃ; api ca, āpattādhikaraṇapaccayā hoti kiccādhikaraṇaṃ, hoti vivādādhikaraṇaṃ, hoti anuvādādhikaraṇaṃ. Yathā kathaṃ viya? 4 Pañcapi āpattikkhandhā āpattādhikaraṇaṃ, sattapi āpattikkhandhā āpattādhikaraṇaṃ, idaṃ vuccati āpattādhikaraṇaṃ. Āpattādhikaraṇe saṅgho vivadati vivādādhikaraṇaṃ. Vivadamāno anuvadati anuvādādhikaraṇaṃ. Anuvadamāno āpattiṃ āpajjati āpattādhikaraṇaṃ. Tāya āpattiyā saṅgho kammaṃ karoti kiccādhikaraṇaṃ. Evaṃ āpattādhikaraṇapaccayā hoti kiccādhikaraṇaṃ, hoti vivādādhikaraṇaṃ, hoti anuvādādhikaraṇaṃ.
гижжаад̇хигаран̣ам̣ ход̇и виваад̣̇аад̇хигаран̣ам̣, ход̇и ануваад̣̇аад̇хигаран̣ам̣, ход̇и аабад̇д̇аад̇хигаран̣ам̣. гижжаад̇хигаран̣ам̣ на ход̇и виваад̣̇аад̇хигаран̣ам̣, на ход̇и ануваад̣̇аад̇хигаран̣ам̣, на ход̇и аабад̇д̇аад̇хигаран̣ам̣; аби жа, гижжаад̇хигаран̣абажжаяаа ход̇и виваад̣̇аад̇хигаран̣ам̣, ход̇и ануваад̣̇аад̇хигаран̣ам̣, ход̇и аабад̇д̇аад̇хигаран̣ам̣. яат̇аа гат̇ам̣ вияа? яаа сан̇гхасса гижжаяад̇аа гаран̣ийяад̇аа абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агаммам̣, ид̣̇ам̣ вужжад̇и гижжаад̇хигаран̣ам̣. гижжаад̇хигаран̣з сан̇гхо вивад̣̇ад̇и виваад̣̇аад̇хигаран̣ам̣. вивад̣̇амаано анувад̣̇ад̇и ануваад̣̇аад̇хигаран̣ам̣. анувад̣̇амаано аабад̇д̇им̣ аабаж̇ж̇ад̇и аабад̇д̇аад̇хигаран̣ам̣. д̇ааяа аабад̇д̇ияаа сан̇гхо гаммам̣ гарод̇и гижжаад̇хигаран̣ам̣. звам̣ гижжаад̇хигаран̣абажжаяаа ход̇и виваад̣̇аад̇хигаран̣ам̣, ход̇и ануваад̣̇аад̇хигаран̣ам̣, ход̇и аабад̇д̇аад̇хигаран̣ам̣.
Kiccādhikaraṇaṃ hoti vivādādhikaraṇaṃ, hoti anuvādādhikaraṇaṃ, hoti āpattādhikaraṇaṃ. Kiccādhikaraṇaṃ na hoti vivādādhikaraṇaṃ, na hoti anuvādādhikaraṇaṃ, na hoti āpattādhikaraṇaṃ; api ca, kiccādhikaraṇapaccayā hoti vivādādhikaraṇaṃ, hoti anuvādādhikaraṇaṃ, hoti āpattādhikaraṇaṃ. Yathā kathaṃ viya? Yā saṅghassa kiccayatā karaṇīyatā apalokanakammaṃ ñattikammaṃ ñattidutiyakammaṃ ñatticatutthakammaṃ, idaṃ vuccati kiccādhikaraṇaṃ. Kiccādhikaraṇe saṅgho vivadati vivādādhikaraṇaṃ. Vivadamāno anuvadati anuvādādhikaraṇaṃ. Anuvadamāno āpattiṃ āpajjati āpattādhikaraṇaṃ. Tāya āpattiyā saṅgho kammaṃ karoti kiccādhikaraṇaṃ. Evaṃ kiccādhikaraṇapaccayā hoti vivādādhikaraṇaṃ, hoti anuvādādhikaraṇaṃ, hoti āpattādhikaraṇaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
