| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ад̇хигаран̣агат̇аа
Adhikaraṇakathā
215. бхигкунийнам̣ анубакаж̇ж̇аад̇и бхигкунийнам̣ анд̇о бависид̇ваа. виваад̣̇аад̇хигаран̣аад̣̇ийнам̣ важанад̇т̇о д̣̇удтад̣̇осаван̣н̣анааяам̣ вуд̇д̇оязва. вибажжад̇ааяа вохаарод̇и жид̇д̇ад̣̇угкад̇т̇ам̣ вохааро; парусаважананд̇и ад̇т̇о. яо д̇ад̇т̇а ануваад̣̇од̇и яо д̇зсу анувад̣̇анд̇зсу убаваад̣̇о. анувад̣̇анаад̇и аагааранид̣̇ассанамзд̇ам̣; убавад̣̇анаад̇и ад̇т̇о. ануллабанаа анубхан̣анаад̇и убхаяам̣ анувад̣̇анавзважанамад̇д̇амзва. анусамбаван̇гад̇аад̇и бунаббунам̣ гааяажид̇д̇аваажаахи д̇ад̇т̇зва самбаван̇гад̇аа; анувад̣̇анабхаавод̇и ад̇т̇о. аб̣бхуссаханад̇аад̇и ‘‘гасмаа звам̣ на убавад̣̇иссаами, убавад̣̇иссаамиязваа’’д̇и уссаахам̣ гад̇ваа анувад̣̇анаа. ануб̣алаббад̣̇аананд̇и буримаважанасса гааран̣ам̣ д̣̇ассзд̇ваа бажчимаважанзна б̣алаббад̣̇аанам̣.
215.Bhikkhunīnaṃ anupakhajjāti bhikkhunīnaṃ anto pavisitvā. Vivādādhikaraṇādīnaṃ vacanattho duṭṭhadosavaṇṇanāyaṃ vuttoyeva. Vipaccatāya vohāroti cittadukkhatthaṃ vohāro; pharusavacananti attho. Yo tattha anuvādoti yo tesu anuvadantesu upavādo. Anuvadanāti ākāranidassanametaṃ; upavadanāti attho. Anullapanā anubhaṇanāti ubhayaṃ anuvadanavevacanamattameva. Anusampavaṅkatāti punappunaṃ kāyacittavācāhi tattheva sampavaṅkatā; anuvadanabhāvoti attho. Abbhussahanatāti ‘‘kasmā evaṃ na upavadissāmi, upavadissāmiyevā’’ti ussāhaṃ katvā anuvadanā. Anubalappadānanti purimavacanassa kāraṇaṃ dassetvā pacchimavacanena balappadānaṃ.
гижжаяад̇аа гаран̣ийяад̇аад̇и зд̇т̇а гижжамзва гижжаяам̣, гижжаяасса бхааво гижжаяад̇аа, гаран̣ийяасса бхааво гаран̣ийяад̇аа; убхаяамбзд̇ам̣ сан̇гхагаммассзва ад̇хиважанам̣. абалоганагамманд̇иаад̣̇и бана д̇ассзва бабхзд̣̇аважанам̣. д̇ад̇т̇а абалоганагаммам̣ наама сиймадтагасан̇гхам̣ сод̇хзд̇ваа чанд̣̇аарахаанам̣ чанд̣̇ам̣ аахарид̇ваа самаг̇г̇асса сан̇гхасса анумад̇ияаа д̇игкад̇д̇ум̣ саавзд̇ваа гад̇д̇аб̣б̣агаммам̣. н̃ад̇д̇игаммам̣ наама вуд̇д̇анаязнзва самаг̇г̇асса сан̇гхасса анумад̇ияаа згааяа н̃ад̇д̇ияаа гад̇д̇аб̣б̣агаммам̣. н̃ад̇д̇ид̣̇уд̇ияагаммам̣ наама вуд̇д̇анаязнзва самаг̇г̇асса сан̇гхасса анумад̇ияаа згааяа н̃ад̇д̇ияаа згааяа жа ануссааванааяаад̇и звам̣ н̃ад̇д̇ид̣̇уд̇ияааяа ануссааванааяа гад̇д̇аб̣б̣агаммам̣. н̃ад̇д̇ижад̇уд̇т̇агаммам̣ наама вуд̇д̇анаязнзва самаг̇г̇асса сан̇гхасса анумад̇ияаа згааяа н̃ад̇д̇ияаа д̇ийхи жа ануссааванаахийд̇и звам̣ н̃ад̇д̇ижад̇уд̇т̇аахи д̇ийхи ануссааванаахи гад̇д̇аб̣б̣агаммам̣.
Kiccayatākaraṇīyatāti ettha kiccameva kiccayaṃ, kiccayassa bhāvo kiccayatā, karaṇīyassa bhāvo karaṇīyatā; ubhayampetaṃ saṅghakammasseva adhivacanaṃ. Apalokanakammantiādi pana tasseva pabhedavacanaṃ. Tattha apalokanakammaṃ nāma sīmaṭṭhakasaṅghaṃ sodhetvā chandārahānaṃ chandaṃ āharitvā samaggassa saṅghassa anumatiyā tikkhattuṃ sāvetvā kattabbakammaṃ. Ñattikammaṃ nāma vuttanayeneva samaggassa saṅghassa anumatiyā ekāya ñattiyā kattabbakammaṃ. Ñattidutiyakammaṃ nāma vuttanayeneva samaggassa saṅghassa anumatiyā ekāya ñattiyā ekāya ca anussāvanāyāti evaṃ ñattidutiyāya anussāvanāya kattabbakammaṃ. Ñatticatutthakammaṃ nāma vuttanayeneva samaggassa saṅghassa anumatiyā ekāya ñattiyā tīhi ca anussāvanāhīti evaṃ ñatticatutthāhi tīhi anussāvanāhi kattabbakammaṃ.
д̇ад̇т̇а абалоганагаммам̣ абалогзд̇ваава гаад̇аб̣б̣ам̣, н̃ад̇д̇игаммаад̣̇ивасзна на гаад̇аб̣б̣ам̣. н̃ад̇д̇игаммамби згам̣ н̃ад̇д̇им̣ табзд̇ваава гаад̇аб̣б̣ам̣, абалоганагаммаад̣̇ивасзна на гаад̇аб̣б̣ам̣. н̃ад̇д̇ид̣̇уд̇ияагаммам̣ бана абалогзд̇ваа гад̇д̇аб̣б̣амби ад̇т̇и, агад̇д̇аб̣б̣амби ад̇т̇и. д̇ад̇т̇а сиймаасаммуд̇и сиймаасамуухананам̣ гат̇инад̣̇аанам̣ гат̇инуб̣бхааро гудивад̇т̇уд̣̇зсанаа вихааравад̇т̇уд̣̇зсанаад̇и имаани ча гаммаани г̇аругаани, абалогзд̇ваа гаад̇ум̣ на вадданд̇и. н̃ад̇д̇ид̣̇уд̇ияагаммаваажам̣ саавзд̇ваава гаад̇аб̣б̣аани. авасзсаа д̇зраса саммуд̇ияо сзнаасанаг̇г̇аахагамад̇агажийварад̣̇аанаад̣̇исаммуд̇ияо жаад̇и зваруубаани лахугагаммаани абалогзд̇вааби гаад̇ум̣ вадданд̇и. н̃ад̇д̇игамман̃ад̇д̇ижад̇уд̇т̇агаммавасзна бана на гаад̇аб̣б̣амзва. н̃ад̇д̇ижад̇уд̇т̇агаммам̣ н̃ад̇д̇ин̃жа д̇иссо жа гаммаваажааяо саавзд̇ваава гаад̇аб̣б̣ам̣, абалоганагаммаад̣̇ивасзна на гаад̇аб̣б̣анд̇и аяамзд̇т̇а сан̇кзбо.
Tattha apalokanakammaṃ apaloketvāva kātabbaṃ, ñattikammādivasena na kātabbaṃ. Ñattikammampi ekaṃ ñattiṃ ṭhapetvāva kātabbaṃ, apalokanakammādivasena na kātabbaṃ. Ñattidutiyakammaṃ pana apaloketvā kattabbampi atthi, akattabbampi atthi. Tattha sīmāsammuti sīmāsamūhananaṃ kathinadānaṃ kathinubbhāro kuṭivatthudesanā vihāravatthudesanāti imāni cha kammāni garukāni, apaloketvā kātuṃ na vaṭṭanti. Ñattidutiyakammavācaṃ sāvetvāva kātabbāni. Avasesā terasa sammutiyo senāsanaggāhakamatakacīvaradānādisammutiyo cāti evarūpāni lahukakammāni apaloketvāpi kātuṃ vaṭṭanti. Ñattikammañatticatutthakammavasena pana na kātabbameva. Ñatticatutthakammaṃ ñattiñca tisso ca kammavācāyo sāvetvāva kātabbaṃ, apalokanakammādivasena na kātabbanti ayamettha saṅkhepo.
вид̇т̇аарад̇о бана имаани жад̇д̇аари гаммаани ‘‘гад̇ихаагаарзхи вибаж̇ж̇анд̇ий’’д̇иаад̣̇инаа наязна бариваараавасаанз гаммаваг̇г̇з зд̇зсам̣ винижчаяо ааг̇ад̇оязва. яам̣ бана д̇ад̇т̇а ануд̇д̇аанам̣, д̇ам̣ гаммаваг̇г̇зязва ван̣н̣аяиссаама. зван̃хи сад̇и на адтаанз ван̣н̣анаа бхависсад̇и, аад̣̇ид̇о бадтааяа жа д̇асса д̇асса гаммасса вин̃н̃аад̇ад̇д̇аа сувин̃н̃зяяо бхависсад̇и.
Vitthārato pana imāni cattāri kammāni ‘‘katihākārehi vipajjantī’’tiādinā nayena parivārāvasāne kammavagge etesaṃ vinicchayo āgatoyeva. Yaṃ pana tattha anuttānaṃ, taṃ kammavaggeyeva vaṇṇayissāma. Evañhi sati na aṭṭhāne vaṇṇanā bhavissati, ādito paṭṭhāya ca tassa tassa kammassa viññātattā suviññeyyo bhavissati.
216. виваад̣̇аад̇хигаран̣асса гим̣ мууланд̇иаад̣̇ийни баал̣ивасзнзва взд̣̇ид̇аб̣б̣аани.
216.Vivādādhikaraṇassa kiṃ mūlantiādīni pāḷivaseneva veditabbāni.
220. ‘‘виваад̣̇аад̇хигаран̣ам̣ сияаа гусала’’нд̇иаад̣̇ийсу язна вивад̣̇анд̇и, со жид̇д̇уббаад̣̇о виваад̣̇о, самат̇зхи жа ад̇хигаран̣ийяад̇ааяа ад̇хигаран̣анд̇и звамаад̣̇инаа наязна ад̇т̇о д̣̇адтаб̣б̣о.
220.‘‘Vivādādhikaraṇaṃsiyā kusala’’ntiādīsu yena vivadanti, so cittuppādo vivādo, samathehi ca adhikaraṇīyatāya adhikaraṇanti evamādinā nayena attho daṭṭhabbo.
222. аабад̇д̇аад̇хигаран̣ам̣ сияаа агусалам̣ сияаа аб̣яаагад̇ам̣, над̇т̇и аабад̇д̇аад̇хигаран̣ам̣ гусаланд̇и зд̇т̇а санд̇хааяа бхаасид̇авасзна ад̇т̇о взд̣̇ид̇аб̣б̣о. яасмин̃хи бат̇авикан̣анаад̣̇игз аабад̇д̇аад̇хигаран̣з гусалажид̇д̇ам̣ ан̇г̇ам̣ ход̇и, д̇асмим̣ сад̇и на саггаа вад̇д̇ум̣ ‘‘над̇т̇и аабад̇д̇аад̇хигаран̣ам̣ гусала’’нд̇и, д̇асмаа наяид̣̇ам̣ ан̇г̇аббахонагажид̇д̇ам̣ санд̇хааяа вуд̇д̇ам̣. ид̣̇ам̣ бана санд̇хааяа вуд̇д̇ам̣. яам̣ д̇аава аабад̇д̇аад̇хигаран̣ам̣ логаваж̇ж̇ам̣, д̇ам̣ зганд̇ад̇о агусаламзва, д̇ад̇т̇а ‘‘сияаа агусала’’нд̇и вигаббо над̇т̇и. яам̣ бана бан̣н̣ад̇д̇иваж̇ж̇ам̣, д̇ам̣ яасмаа сан̃жижжа ‘‘имам̣ аабад̇д̇им̣ вийд̇иггамаамий’’д̇и вийд̇иггаманд̇ассзва агусалам̣ ход̇и, асан̃жижжа бана гин̃жи аж̇аананд̇асса сахасзяяаад̣̇ивасзна аабаж̇ж̇ад̇о аб̣яаагад̇ам̣ ход̇и, д̇асмаа д̇ад̇т̇а сан̃жижжаасан̃жижжавасзна имам̣ вигаббабхаавам̣ санд̇хааяа ид̣̇ам̣ вуд̇д̇ам̣ – ‘‘аабад̇д̇аад̇хигаран̣ам̣ сияаа агусалам̣, сияаа аб̣яаагад̇ам̣, над̇т̇и аабад̇д̇аад̇хигаран̣ам̣ гусала’’нд̇и.
222.Āpattādhikaraṇaṃ siyā akusalaṃ siyā abyākataṃ, natthi āpattādhikaraṇaṃ kusalanti ettha sandhāya bhāsitavasena attho veditabbo. Yasmiñhi pathavikhaṇanādike āpattādhikaraṇe kusalacittaṃ aṅgaṃ hoti, tasmiṃ sati na sakkā vattuṃ ‘‘natthi āpattādhikaraṇaṃ kusala’’nti, tasmā nayidaṃ aṅgappahonakacittaṃ sandhāya vuttaṃ. Idaṃ pana sandhāya vuttaṃ. Yaṃ tāva āpattādhikaraṇaṃ lokavajjaṃ, taṃ ekantato akusalameva, tattha ‘‘siyā akusala’’nti vikappo natthi. Yaṃ pana paṇṇattivajjaṃ, taṃ yasmā sañcicca ‘‘imaṃ āpattiṃ vītikkamāmī’’ti vītikkamantasseva akusalaṃ hoti, asañcicca pana kiñci ajānantassa sahaseyyādivasena āpajjato abyākataṃ hoti, tasmā tattha sañciccāsañciccavasena imaṃ vikappabhāvaṃ sandhāya idaṃ vuttaṃ – ‘‘āpattādhikaraṇaṃ siyā akusalaṃ, siyā abyākataṃ, natthi āpattādhikaraṇaṃ kusala’’nti.
сажз бана ‘‘яам̣ гусалажид̇д̇о аабаж̇ж̇ад̇и, ид̣̇ам̣ вужжад̇и аабад̇д̇аад̇хигаран̣ам̣ гусала’’нд̇и вад̣̇зяяа, ажид̇д̇агаанам̣ бана зл̣агаломабад̣̇асод̇хаммаад̣̇исамудтаанаанамби гусалажид̇д̇ам̣ аабаж̇ж̇зяяа, на жа д̇ад̇т̇а виж̇ж̇амаанамби гусалажид̇д̇ам̣ аабад̇д̇ияаа ан̇г̇ам̣. гааяаважийвин̃н̃ад̇д̇ивасзна бана жалид̇аббавад̇д̇аанам̣ гааяаваажаанам̣ ан̃н̃ад̇арамзва ан̇г̇ам̣, д̇ан̃жа руубагканд̇хабарияаабаннад̇д̇аа аб̣яаагад̇анд̇и.
Sace pana ‘‘yaṃ kusalacitto āpajjati, idaṃ vuccati āpattādhikaraṇaṃ kusala’’nti vadeyya, acittakānaṃ pana eḷakalomapadasodhammādisamuṭṭhānānampi kusalacittaṃ āpajjeyya, na ca tattha vijjamānampi kusalacittaṃ āpattiyā aṅgaṃ. Kāyavacīviññattivasena pana calitappavattānaṃ kāyavācānaṃ aññatarameva aṅgaṃ, tañca rūpakkhandhapariyāpannattā abyākatanti.
яам̣ ж̇аананд̇од̇иаад̣̇имхи бана аяамад̇т̇о – яам̣ жид̇д̇ам̣ аабад̇д̇ияаа ан̇г̇ам̣ ход̇и, д̇зна вад̇т̇ум̣ ж̇аананд̇о ‘‘ид̣̇ам̣ вийд̇иггамаамий’’д̇и жа вийд̇иггамаагаарзна сад̣̇д̇хим̣ ж̇аананд̇о сан̃ж̇аананд̇о вийд̇иггамажзд̇анаавасзна жзд̇зд̇ваа багаббзд̇ваа убаггамавасзна мад̣̇д̣̇анд̇о абхивид̇арид̇ваа нираасан̇гажид̇д̇ам̣ бзсзд̇ваа яам̣ аабад̇д̇аад̇хигаран̣ам̣ вийд̇иггамам̣ аабаж̇ж̇ад̇и, д̇асса звам̣ вийд̇иггамад̇о яо вийд̇иггамо, ид̣̇ам̣ вужжад̇и ‘‘аабад̇д̇аад̇хигаран̣ам̣ агусала’’нд̇и.
Yaṃ jānantotiādimhi pana ayamattho – yaṃ cittaṃ āpattiyā aṅgaṃ hoti, tena vatthuṃ jānanto ‘‘idaṃ vītikkamāmī’’ti ca vītikkamākārena saddhiṃ jānanto sañjānanto vītikkamacetanāvasena cetetvā pakappetvā upakkamavasena maddanto abhivitaritvā nirāsaṅkacittaṃ pesetvā yaṃ āpattādhikaraṇaṃ vītikkamaṃ āpajjati, tassa evaṃ vītikkamato yo vītikkamo, idaṃ vuccati ‘‘āpattādhikaraṇaṃ akusala’’nti.
аб̣яаагад̇аваарзби яам̣ жид̇д̇ам̣ аабад̇д̇ияаа ан̇г̇ам̣ ход̇и, д̇асса абхаавзна аж̇аананд̇о вийд̇иггамаагаарзна жа сад̣̇д̇хим̣ аж̇аананд̇о асан̃ж̇аананд̇о аабад̇д̇иан̇г̇абхууд̇ааяа вийд̇иггамажзд̇анааяа абхаавзна ажзд̇зд̇ваа сан̃жижжа мад̣̇д̣̇анасса абхаавзна анабхивид̇арид̇ваа нираасан̇гажид̇д̇ам̣ абзсзд̇ваа яам̣ аабад̇д̇аад̇хигаран̣ам̣ вийд̇иггамам̣ аабаж̇ж̇ад̇и, д̇асса звам̣ вийд̇иггамад̇о яо вийд̇иггамо, ид̣̇ам̣ вужжад̇и ‘‘аабад̇д̇аад̇хигаран̣ам̣ аб̣яаагад̇а’’нд̇и.
Abyākatavārepi yaṃ cittaṃ āpattiyā aṅgaṃ hoti, tassa abhāvena ajānanto vītikkamākārena ca saddhiṃ ajānanto asañjānanto āpattiaṅgabhūtāya vītikkamacetanāya abhāvena acetetvā sañcicca maddanassa abhāvena anabhivitaritvā nirāsaṅkacittaṃ apesetvā yaṃ āpattādhikaraṇaṃ vītikkamaṃ āpajjati, tassa evaṃ vītikkamato yo vītikkamo, idaṃ vuccati ‘‘āpattādhikaraṇaṃ abyākata’’nti.
224. аяам̣ виваад̣̇о но ад̇хигаран̣анд̇иаад̣̇ийсу самат̇зхи ад̇хигаран̣ийяад̇ааяа абхаавад̇о ноад̇хигаран̣анд̇и звамад̇т̇о взд̣̇ид̇аб̣б̣о.
224.Ayaṃ vivādo no adhikaraṇantiādīsu samathehi adhikaraṇīyatāya abhāvato noadhikaraṇanti evamattho veditabbo.
ад̇хигаран̣агат̇аа нидтид̇аа.
Adhikaraṇakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 8. ад̇хигаран̣ам̣ • 8. Adhikaraṇaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. ад̇хигаран̣агат̇аа • 8. Adhikaraṇakathā
