| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. ад̇хигаран̣агат̇аа
8. Adhikaraṇakathā
215. вибажжад̇ааяаад̇и зд̇т̇а вигаарабхаавзна бад̇ад̇и бавад̇д̇ад̇ийд̇и вибажжам̣, жид̇д̇ад̣̇угкам̣, д̇ад̣̇зва вибажжад̇аа, д̇ад̣̇ад̇т̇ааяаад̇и д̣̇ассзнд̇о ааха ‘‘жид̇д̇ад̣̇угкад̇т̇а’’нд̇и. ‘‘парусаважана’’нд̇и иминаа вохаара сад̣̇д̣̇о важанабарияааяод̇и д̣̇ассзд̇и. яо д̇ад̇т̇аад̇и зд̇т̇а д̇асад̣̇д̣̇асса висаяам̣ д̣̇ассзнд̇о ааха ‘‘д̇зсу анувад̣̇анд̇зсуу’’д̇и. яо убаваад̣̇од̇и яож̇анаа. ‘‘анувад̣̇анаа’’д̇и зд̇ам̣ бад̣̇анд̇и яож̇анаа. аагаарад̣̇ассананд̇и анувад̣̇анасса аагаарад̣̇ассанам̣, д̣̇ассанахзд̇у ваа. ‘‘бунаббуна’’нд̇и иминаа анусамбаван̇гад̇аад̇и зд̇т̇а анусад̣̇д̣̇асса на убажчиннад̇т̇ам̣ д̣̇ассзд̇и. д̇ад̇т̇зваад̇и анувад̣̇анз зва. самбаван̇гад̇аад̇и саммаа багаарзна ниннабонабаб̣бхаарад̇аа. аб̣бхуссаханад̇аад̇и зд̇т̇а ад̇ирзгам̣ уссааханад̇аад̇и д̣̇ассзнд̇о ааха ‘‘гасмаа’’д̇иаад̣̇и. ануб̣алаббад̣̇аананд̇и зд̇т̇а бунаббунам̣ б̣аласса бад̣̇аананд̇и д̣̇ассзнд̇о ааха ‘‘буримаважанассаа’’д̇иаад̣̇и.
215.Vipaccatāyāti ettha vikārabhāvena patati pavattatīti vipaccaṃ, cittadukkhaṃ, tadeva vipaccatā, tadatthāyāti dassento āha ‘‘cittadukkhattha’’nti. ‘‘Pharusavacana’’nti iminā vohāra saddo vacanapariyāyoti dasseti. Yo tatthāti ettha tasaddassa visayaṃ dassento āha ‘‘tesu anuvadantesū’’ti. Yo upavādoti yojanā. ‘‘Anuvadanā’’ti etaṃ padanti yojanā. Ākāradassananti anuvadanassa ākāradassanaṃ, dassanahetu vā. ‘‘Punappuna’’nti iminā anusampavaṅkatāti ettha anusaddassa na upacchinnatthaṃ dasseti. Tatthevāti anuvadane eva. Sampavaṅkatāti sammā pakārena ninnaponapabbhāratā. Abbhussahanatāti ettha atirekaṃ ussāhanatāti dassento āha ‘‘kasmā’’tiādi. Anubalappadānanti ettha punappunaṃ balassa padānanti dassento āha ‘‘purimavacanassā’’tiādi.
гижжаяад̇аад̇и зд̇т̇а ‘‘маа бан̣д̣ижжаяа’’нд̇иаад̣̇ийсу (ж̇аа. 2.22.1) вияа б̣яан̃ж̇анавад̣дханавасзна яагаарааг̇амод̇и ааха ‘‘гижжамзва гижжаяа’’нд̇и. ‘‘убхаяам̣бзд̇ам̣ сан̇гхассзва ад̇хиважана’’нд̇и иминаа гижжагаран̣ийяасад̣̇д̣̇о гад̇д̇уваажагод̇и д̣̇ассзд̇и, сан̇гхо хи гарод̇ийд̇и важанад̇т̇зна гижжод̇и жа гаран̣ийяод̇и жа вужжад̇и. д̇асса бхааво, гижжаяад̇аа гаран̣ийяад̇аад̇и вуд̇д̇з сан̇гхагаммам̣язва лаб̣бхад̇и. д̇зна вуд̇д̇ам̣ ‘‘убхаяам̣бзд̇ам̣ сан̇гхагаммассзва ад̇хиважана’’нд̇и. яад̣̇и гаммаваажаго бхавзяяа, ‘‘гад̇д̇аб̣б̣анд̇и гижжам̣, гаран̣ийяа’’нд̇и вуд̇д̇зязва сан̇гхагаммасса лабханад̇о д̇аабажжаяо свад̇т̇о бхавзяяа. зван̃хи сад̇и гижжаяасса бхааво гижжаяад̇аа гаран̣ийяасса бхааво гаран̣ийяад̇аад̇и важанад̇т̇о на гад̇д̇аб̣б̣о бхавзяяа, гад̇о жа, д̇асмаа на гаммаваажагод̇и д̣̇адтаб̣б̣ам̣. д̇ассзваад̇и сан̇гхагаммассзва. д̇ад̇т̇аад̇и абалоганаад̣̇ийсу жад̇уусу гаммзсу. сиймадтагасан̇гханд̇и ‘‘убажаарасиймаад̣̇ийсу тид̇ам̣ сан̇гхам̣. сод̇хзд̇ваад̇и зд̇т̇а сод̇ханам̣ наама сиймадтагасан̇гхасса хад̇т̇абаасанаяанам̣, чанд̣̇аарахаанам̣ чанд̣̇асса аахаран̣ам̣, сиймад̇о б̣ахигаран̣ам̣. д̇амзвад̇т̇ам̣ згад̣̇зсад̇о д̣̇ассзд̇ум̣ вуд̇д̇ам̣ ‘‘чанд̣̇аарахаанам̣ чанд̣̇ам̣ аахарид̇ваа’’д̇и. абалогзд̇и аабужчад̇и анзнаад̇и абалоганам̣, д̇ам̣язва гаммам̣ абалоганагаммам̣. вуд̇д̇анаязнзваад̇и ‘‘сиймадтагасан̇гхам̣ сод̇хзд̇ваа’’д̇иаад̣̇инаа вуд̇д̇анаязнзва. ‘‘сун̣аад̇у мз’’д̇иаад̣̇инаа сан̇гхаг̇ан̣абуг̇г̇алз н̃аабзд̇и зд̇ааяаад̇и н̃ад̇д̇и, сааязва гаммам̣ н̃ад̇д̇игаммам̣, н̃ад̇д̇иязва д̣̇уд̇ияам̣ н̃ад̇д̇ид̣̇уд̇ияам̣, д̇амзва гаммам̣ н̃ад̇д̇ид̣̇уд̇ияагаммам̣. зд̇т̇а гин̃жааби н̃ад̇д̇и батамам̣ табид̇аа, гаммаваажааязва д̣̇уд̇ияаа ход̇и, ‘‘пассабан̃жамаа’’д̇иаад̣̇ийсу (д̇хаад̇у. 316) вияа бана бадиломавасзна вохаарам̣ гад̇ваа ‘‘н̃ад̇д̇ид̣̇уд̇ияаа’’д̇и вуд̇д̇ам̣. пассабан̃жамаад̇и зд̇т̇а гин̃жааби д̇хаммасан̇г̇ан̣ияам̣ (д̇ха. са. 1 аад̣̇аяо) ‘‘пассо ход̇и, взд̣̇анаа ход̇и, сан̃н̃аа ход̇и, жзд̇анаа ход̇и , жид̇д̇ам̣ ход̇ий’’д̇и пассам̣ батамам̣ вуд̇д̇ам̣, бадиломавасзна бана вохаарам̣ гад̇ваа ‘‘пассабан̃жамаа’’д̇и д̇хаад̇угат̇ааяам̣ вуд̇д̇анд̇и д̣̇адтаб̣б̣ам̣. зсзва наяо н̃ад̇д̇и жад̇уд̇т̇агаммзби. згааяа жа анусааванааяаад̇и н̃ад̇д̇ид̇о анубажчаа саавзд̇аб̣б̣аад̇и анусааванаа, д̇ааяа, д̇ийхи жа анусааванаахийд̇и н̃ад̇д̇ид̇оану бажчаа, бунаббунам̣ ваа д̇игкад̇д̇ум̣ саавзд̇аб̣б̣аад̇и анусааванаа, д̇аахи. д̇ад̇т̇аад̇и жад̇уусу гаммзсу.
Kiccayatāti ettha ‘‘mā paṇḍiccaya’’ntiādīsu (jā. 2.22.1) viya byañjanavaḍḍhanavasena yakārāgamoti āha ‘‘kiccameva kiccaya’’nti. ‘‘Ubhayaṃpetaṃ saṅghasseva adhivacana’’nti iminā kiccakaraṇīyasaddo kattuvācakoti dasseti, saṅgho hi karotīti vacanatthena kiccoti ca karaṇīyoti ca vuccati. Tassa bhāvo, kiccayatā karaṇīyatāti vutte saṅghakammaṃyeva labbhati. Tena vuttaṃ ‘‘ubhayaṃpetaṃ saṅghakammasseva adhivacana’’nti. Yadi kammavācako bhaveyya, ‘‘kattabbanti kiccaṃ, karaṇīya’’nti vutteyeva saṅghakammassa labhanato tāpaccayo svattho bhaveyya. Evañhi sati kiccayassa bhāvo kiccayatā karaṇīyassa bhāvo karaṇīyatāti vacanattho na kattabbo bhaveyya, kato ca, tasmā na kammavācakoti daṭṭhabbaṃ. Tassevāti saṅghakammasseva. Tatthāti apalokanādīsu catūsu kammesu. Sīmaṭṭhakasaṅghanti ‘‘upacārasīmādīsu ṭhitaṃ saṅghaṃ. Sodhetvāti ettha sodhanaṃ nāma sīmaṭṭhakasaṅghassa hatthapāsanayanaṃ, chandārahānaṃ chandassa āharaṇaṃ, sīmato bahikaraṇaṃ. Tamevatthaṃ ekadesato dassetuṃ vuttaṃ ‘‘chandārahānaṃ chandaṃ āharitvā’’ti. Apaloketi āpucchati anenāti apalokanaṃ, taṃyeva kammaṃ apalokanakammaṃ. Vuttanayenevāti ‘‘sīmaṭṭhakasaṅghaṃ sodhetvā’’tiādinā vuttanayeneva. ‘‘Suṇātu me’’tiādinā saṅghagaṇapuggale ñāpeti etāyāti ñatti, sāyeva kammaṃ ñattikammaṃ, ñattiyeva dutiyaṃ ñattidutiyaṃ, tameva kammaṃ ñattidutiyakammaṃ. Ettha kiñcāpi ñatti paṭhamaṃ ṭhapitā, kammavācāyeva dutiyā hoti, ‘‘phassapañcamā’’tiādīsu (dhātu. 316) viya pana paṭilomavasena vohāraṃ katvā ‘‘ñattidutiyā’’ti vuttaṃ. Phassapañcamāti ettha kiñcāpi dhammasaṅgaṇiyaṃ (dha. sa. 1 ādayo) ‘‘phasso hoti, vedanā hoti, saññā hoti, cetanā hoti , cittaṃ hotī’’ti phassaṃ paṭhamaṃ vuttaṃ, paṭilomavasena pana vohāraṃ katvā ‘‘phassapañcamā’’ti dhātukathāyaṃ vuttanti daṭṭhabbaṃ. Eseva nayo ñatti catutthakammepi. Ekāya ca anusāvanāyāti ñattito anupacchā sāvetabbāti anusāvanā, tāya, tīhi ca anusāvanāhīti ñattitoanu pacchā, punappunaṃ vā tikkhattuṃ sāvetabbāti anusāvanā, tāhi. Tatthāti catūsu kammesu.
абалогзд̇вааваад̇и зд̇т̇а звапалам̣ д̣̇ассзнд̇о ааха ‘‘н̃ад̇д̇игаммаад̣̇ивасзна на гаад̇аб̣б̣а’’нд̇и. н̃ад̇д̇игаммамбийд̇и бисад̣̇д̣̇зна на гзвалам̣ абалоганагаммамзва, ат̇а ко н̃ад̇д̇игаммамбийд̇и д̣̇ассзд̇и. н̃ад̇д̇ид̣̇уд̇ияагаммам̣ банаад̇и зд̇т̇а банасад̣̇д̣̇о висзсад̇т̇аж̇од̇аго, багканд̇араж̇од̇аго ваа. д̇ад̇т̇аад̇и д̣̇вийсу гаммзсу. г̇аругаанийд̇и алахугаани. авасзсаанийд̇и чахи гаммзхи авасзсаани, зваруубаани лахугагаммаанийд̇и самб̣анд̇хо. ‘‘авасзсаа’’д̇иби баато, саммуд̇ияод̇и самб̣анд̇хо. абалогзд̇ваабийд̇и бисад̣̇д̣̇о н̃ад̇д̇ид̣̇уд̇ияагаммаваажам̣ саавзд̇ваабийд̇и самбин̣д̣зд̇и. ан̃н̃ад̇т̇аабоханам̣ д̣̇ассзнд̇о ааха ‘‘н̃ад̇д̇игамман̃ад̇д̇ижад̇уд̇т̇агаммавасзна бана на гаад̇аб̣б̣амзваа’’д̇и. н̃ад̇д̇ижад̇уд̇т̇агаммам̣ гаад̇аб̣б̣анд̇и самб̣анд̇хо. зд̇т̇аад̇и самат̇агканд̇хагз.
Apaloketvāvāti ettha evaphalaṃ dassento āha ‘‘ñattikammādivasena na kātabba’’nti. Ñattikammampīti pisaddena na kevalaṃ apalokanakammameva, atha kho ñattikammampīti dasseti. Ñattidutiyakammaṃ panāti ettha panasaddo visesatthajotako, pakkhantarajotako vā. Tatthāti dvīsu kammesu. Garukānīti alahukāni. Avasesānīti chahi kammehi avasesāni, evarūpāni lahukakammānīti sambandho. ‘‘Avasesā’’tipi pāṭho, sammutiyoti sambandho. Apaloketvāpīti pisaddo ñattidutiyakammavācaṃ sāvetvāpīti sampiṇḍeti. Aññatthāpohanaṃ dassento āha ‘‘ñattikammañatticatutthakammavasena pana na kātabbamevā’’ti. Ñatticatutthakammaṃ kātabbanti sambandho. Etthāti samathakkhandhake.
вид̇т̇аарад̇о бана ааг̇ад̇оязваад̇и самб̣анд̇хо. зд̇зсанд̇и жад̇уннам̣ гаммаанам̣. яам̣ бана ад̇т̇аж̇аад̇ам̣ ануд̇д̇аананд̇и самб̣анд̇хо. д̇ад̇т̇аад̇и жад̇уусу гаммзсу. д̇анд̇и ад̇т̇аж̇аад̇ам̣. званд̇и звам̣ гаммаваг̇г̇зязва ван̣н̣аяамаанз. хийд̇и лад̣̇д̇хаг̇ун̣аж̇од̇аго. сувин̃н̃зяяаад̇и сукзна вин̃н̃аад̇аб̣б̣аа.
Vitthārato pana āgatoyevāti sambandho. Etesanti catunnaṃ kammānaṃ. Yaṃ pana atthajātaṃ anuttānanti sambandho. Tatthāti catūsu kammesu. Tanti atthajātaṃ. Evanti evaṃ kammavaggeyeva vaṇṇayamāne. Hīti laddhaguṇajotako. Suviññeyyāti sukhena viññātabbā.
216. баал̣ивасзнзваад̇и на адтагат̇аавасзнаад̇и ад̇хиббааяо.
216.Pāḷivasenevāti na aṭṭhakathāvasenāti adhippāyo.
220. язнаад̇и жид̇д̇уббаад̣̇зна. иминаа вивад̣̇анд̇и анзнаад̇и виваад̣̇од̇и важанад̇т̇ам̣ д̣̇ассзд̇и. самат̇зхи жаад̇и жасад̣̇д̣̇о самбин̣д̣анад̇т̇о. д̇зна на гзвалам̣ виваад̣̇оязва, ат̇а ко ад̇хигаран̣ан̃жаад̇и самбин̣д̣зд̇и, ат̇а ваа самат̇зхи жаад̇и самат̇зхи зва. иминаа самат̇зхи ад̇хигарийяад̇и вуубасамийяад̇ийд̇и ад̇хигаран̣анд̇и важанад̇т̇ам̣ д̣̇ассзд̇и. виваад̣̇оязва ад̇хигаран̣ам̣ виваад̣̇аад̇хигаран̣ам̣. звамаад̣̇инаа наязнаад̇и аад̣̇исад̣̇д̣̇зна ануд̣̇д̇хам̣санзна вад̣̇анд̇и анзна жид̇д̇уббаад̣̇знаад̇и ануваад̣̇од̇иаад̣̇аяо важанад̇т̇з сан̇г̇ан̣хаад̇и.
220.Yenāti cittuppādena. Iminā vivadanti anenāti vivādoti vacanatthaṃ dasseti. Samathehi cāti casaddo sampiṇḍanattho. Tena na kevalaṃ vivādoyeva, atha kho adhikaraṇañcāti sampiṇḍeti, atha vā samathehi cāti samathehi eva. Iminā samathehi adhikarīyati vūpasamīyatīti adhikaraṇanti vacanatthaṃ dasseti. Vivādoyeva adhikaraṇaṃ vivādādhikaraṇaṃ. Evamādinā nayenāti ādisaddena anuddhaṃsanena vadanti anena cittuppādenāti anuvādotiādayo vacanatthe saṅgaṇhāti.
222. санд̇хааяабхаасид̇авасзнаад̇и логаваж̇ж̇ам̣ санд̇хааяа бхаасид̇асса важанасса васзна. санд̇хааяабхаасид̇ад̇т̇ам̣ вид̇т̇аарзнд̇о ааха ‘‘яасмим̣ хий’’д̇иаад̣̇и. д̇ад̇т̇а бат̇авикан̣анаад̣̇игз яасмим̣ аабад̇д̇аад̇хигаран̣зд̇и яож̇анаа. д̇асминд̇и гусалажид̇д̇ан̇г̇з аабад̇д̇аад̇хигаран̣з. д̇асмаад̇и яасмаа на саггаа вад̇д̇ум̣, д̇асмаа. ид̣̇анд̇и ‘‘над̇т̇и аабад̇д̇аад̇хигаран̣ам̣ гусала’’нд̇и важанам̣, вуд̇д̇анд̇и самб̣анд̇хо. санд̇хааяа авуд̇д̇ам̣ д̣̇ассзд̇ваа санд̇хааяа вуд̇д̇ам̣ д̣̇ассзнд̇о ааха ‘‘ид̣̇ам̣ бана санд̇хааяа вуд̇д̇а’’нд̇и. д̇ад̇т̇а ид̣̇ам̣ банаад̇и гааран̣ам̣ бана санд̇хааяаад̇и самб̣анд̇хо. яам̣ аабад̇д̇аад̇хигаран̣анд̇и яож̇анаа. ‘‘логаваж̇ж̇а’’нд̇и бад̣̇з д̇уляаад̇хигаран̣ам̣. логасмим̣, логзхи ваа важ̇ж̇зд̇аб̣б̣анд̇и логаваж̇ж̇ам̣. д̇анд̇и аабад̇д̇аад̇хигаран̣ам̣. д̇ад̇т̇аад̇и аабад̇д̇аад̇хигаран̣з. вигаббод̇и вивид̇хаа габбанам̣, вивид̇хад̇агго ваа. яам̣ банаад̇и аабад̇д̇аад̇хигаран̣ам̣ бана. ‘‘бан̣н̣ад̇д̇иваж̇ж̇а’’нд̇и бад̣̇з д̇уляаад̇хигаран̣ам̣. бхаг̇авад̇о бан̃н̃ад̇д̇ияаа хзд̇убхууд̇ааяа важ̇ж̇зд̇аб̣б̣анд̇и бан̣н̣ад̇д̇иваж̇ж̇ам̣. д̇анд̇и аабад̇д̇аад̇хигаран̣ам̣, агусалам̣ ход̇ийд̇и самб̣анд̇хо. гин̃жийд̇и аббамад̇д̇агам̣, аабад̇д̇аанаабад̇д̇им̣ аж̇аананд̇асса аабаж̇ж̇анад̇од̇и самб̣анд̇хо. д̇асмаад̇и яасмаа аб̣яаагад̇ам̣ ход̇и, д̇асмаа. д̇ад̇т̇аад̇и бан̣н̣ад̇д̇иваж̇ж̇абхууд̇з аабад̇д̇аад̇хигаран̣з. ‘‘аабад̇д̇аад̇хигаран̣ам̣…бз… гусала’’нд̇и ид̣̇ам̣ важанам̣ вуд̇д̇анд̇и яож̇анаа.
222.Sandhāyabhāsitavasenāti lokavajjaṃ sandhāya bhāsitassa vacanassa vasena. Sandhāyabhāsitatthaṃ vitthārento āha ‘‘yasmiṃ hī’’tiādi. Tattha pathavikhaṇanādike yasmiṃ āpattādhikaraṇeti yojanā. Tasminti kusalacittaṅge āpattādhikaraṇe. Tasmāti yasmā na sakkā vattuṃ, tasmā. Idanti ‘‘natthi āpattādhikaraṇaṃ kusala’’nti vacanaṃ, vuttanti sambandho. Sandhāya avuttaṃ dassetvā sandhāya vuttaṃ dassento āha ‘‘idaṃ pana sandhāya vutta’’nti. Tattha idaṃ panāti kāraṇaṃ pana sandhāyāti sambandho. Yaṃ āpattādhikaraṇanti yojanā. ‘‘Lokavajja’’nti pade tulyādhikaraṇaṃ. Lokasmiṃ, lokehi vā vajjetabbanti lokavajjaṃ. Tanti āpattādhikaraṇaṃ. Tatthāti āpattādhikaraṇe. Vikappoti vividhā kappanaṃ, vividhatakko vā. Yaṃ panāti āpattādhikaraṇaṃ pana. ‘‘Paṇṇattivajja’’nti pade tulyādhikaraṇaṃ. Bhagavato paññattiyā hetubhūtāya vajjetabbanti paṇṇattivajjaṃ. Tanti āpattādhikaraṇaṃ, akusalaṃ hotīti sambandho. Kiñcīti appamattakaṃ, āpattānāpattiṃ ajānantassa āpajjanatoti sambandho. Tasmāti yasmā abyākataṃ hoti, tasmā. Tatthāti paṇṇattivajjabhūte āpattādhikaraṇe. ‘‘Āpattādhikaraṇaṃ…pe… kusala’’nti idaṃ vacanaṃ vuttanti yojanā.
яад̣̇и гусалажид̇д̇о аабаж̇ж̇ад̇и, ат̇а нану аабад̇д̇аад̇хигаран̣ам̣ гулаланд̇и вад̇д̇аб̣б̣о бхавзяяаад̇и ааха ‘‘сажз банаа’’д̇иаад̣̇и. яанд̇и аабад̇д̇аад̇хигаран̣ам̣. ‘‘ид̣̇ам̣ вужжад̇и…бз… гусала’’нд̇и вад̣̇зяяа сажзд̇и яож̇анаа. зл̣агаломан̃жа бад̣̇асод̇хамман̃жа зл̣агаломабад̣̇асод̇хаммаани, д̇аани аад̣̇ийни язсам̣ д̇аанийд̇и зл̣агаломабад̣̇асод̇хаммаад̣̇ийни, д̇аани самудтаанаани яаасанд̇и зл̣агаломабад̣̇асод̇хаммаад̣̇исамудтаанаа, д̇аасам̣ аабад̇д̇ийнамбийд̇и самб̣анд̇хо. д̇ад̇т̇аад̇и зл̣агаломабад̣̇асод̇хаммаад̣̇исамудтаанаасу аабад̇д̇ийсу. аабад̇д̇ияаа ан̇г̇анд̇и аабад̇д̇ияаа гааран̣ам̣. звам̣ аабад̇д̇ияаа анан̇г̇ам̣ д̣̇ассзд̇ваа д̇ассааязва ан̇г̇ам̣ д̣̇ассзнд̇о ааха ‘‘гааяаважийвин̃н̃ад̇д̇ивасзна банаа’’д̇иаад̣̇и. д̇ад̇т̇а жалид̇аббавад̇д̇аананд̇и жалид̇зна хзд̇убхууд̇зна бавад̇д̇аанам̣. ат̇а ваа жалид̇о жа гааяо, бавад̇д̇аа жа ваажаад̇и жалид̇аббавад̇д̇аа, д̇аасам̣ жалид̇аббавад̇д̇аанам̣ гааяаваажаанам̣. д̇ан̃жаад̇и гааяаваажаанам̣ ан̃н̃ад̇аран̃жа. аб̣яаагад̇анд̇и зд̇т̇а ид̇исад̣̇д̣̇о барисамаабанад̇т̇о.
Yadi kusalacitto āpajjati, atha nanu āpattādhikaraṇaṃ kulalanti vattabbo bhaveyyāti āha ‘‘sace panā’’tiādi. Yanti āpattādhikaraṇaṃ. ‘‘Idaṃ vuccati…pe… kusala’’nti vadeyya saceti yojanā. Eḷakalomañca padasodhammañca eḷakalomapadasodhammāni, tāni ādīni yesaṃ tānīti eḷakalomapadasodhammādīni, tāni samuṭṭhānāni yāsanti eḷakalomapadasodhammādisamuṭṭhānā, tāsaṃ āpattīnampīti sambandho. Tatthāti eḷakalomapadasodhammādisamuṭṭhānāsu āpattīsu. Āpattiyā aṅganti āpattiyā kāraṇaṃ. Evaṃ āpattiyā anaṅgaṃ dassetvā tassāyeva aṅgaṃ dassento āha ‘‘kāyavacīviññattivasena panā’’tiādi. Tattha calitappavattānanti calitena hetubhūtena pavattānaṃ. Atha vā calito ca kāyo, pavattā ca vācāti calitappavattā, tāsaṃ calitappavattānaṃ kāyavācānaṃ. Tañcāti kāyavācānaṃ aññatarañca. Abyākatanti ettha itisaddo parisamāpanattho.
аяамад̇т̇о звам̣ взд̣̇ид̇аб̣б̣од̇и яож̇анаа. д̇знаад̇и жид̇д̇зна. ‘‘ид̣̇ам̣…бз… сад̣̇д̇хи’’нд̇и иминаа сан̃ж̇аананд̇од̇и зд̇т̇а сам̣сад̣̇д̣̇асса сунд̣̇арад̇т̇ам̣ саха аагаарзна д̣̇ассзд̇и. ‘‘вийд̇иггама…бз… габбзд̇ваа’’д̇и иминаа жзжжаад̇и бад̣̇асса ад̇т̇ам̣ саха висзсанзна д̣̇ассзд̇и. ‘‘убаггамавасзна…бз… бзсзд̇ваа’’д̇и иминаа абхивид̇арид̇ваад̇и бад̣̇асса ад̇т̇ам̣ д̣̇ассзд̇и. баал̣ияам̣ яам̣сад̣̇д̣̇овийд̇иггамависаяод̇и ааха ‘‘яам̣ аабад̇д̇аад̇хигаран̣ам̣ вийд̇иггама’’нд̇и. ‘‘аабаж̇ж̇ад̇ий’’д̇и иминаа баатасзсам̣ д̣̇ассзд̇и. звам̣ вийд̇иггамад̇о д̇асса бхигкунод̇и яож̇анаа.
Ayamattho evaṃ veditabboti yojanā. Tenāti cittena. ‘‘Idaṃ…pe… saddhi’’nti iminā sañjānantoti ettha saṃsaddassa sundaratthaṃ saha ākārena dasseti. ‘‘Vītikkama…pe… kappetvā’’ti iminā ceccāti padassa atthaṃ saha visesanena dasseti. ‘‘Upakkamavasena…pe… pesetvā’’ti iminā abhivitaritvāti padassa atthaṃ dasseti. Pāḷiyaṃ yaṃsaddovītikkamavisayoti āha ‘‘yaṃ āpattādhikaraṇaṃ vītikkama’’nti. ‘‘Āpajjatī’’ti iminā pāṭhasesaṃ dasseti. Evaṃ vītikkamato tassa bhikkhunoti yojanā.
аб̣яаагад̇аваарзбийд̇и бисад̣̇д̣̇о агусалаваарам̣ абзгкад̇и. д̇ассаад̇и жид̇д̇асса. аж̇аананд̇од̇иаад̣̇ийнам̣ бад̣̇аанамад̇т̇о агусалаваарз вуд̇д̇абадибагкавасзна взд̣̇ид̇аб̣б̣о. яам̣ аабад̇д̇аад̇хигаран̣анд̇иаад̣̇ийнам̣ бад̣̇аанамад̇т̇о агусалаваарзна сад̣̇исоязва.
Abyākatavārepīti pisaddo akusalavāraṃ apekkhati. Tassāti cittassa. Ajānantotiādīnaṃ padānamattho akusalavāre vuttapaṭipakkhavasena veditabbo. Yaṃ āpattādhikaraṇantiādīnaṃ padānamattho akusalavārena sadisoyeva.
224. аяам̣ виваад̣̇о но ад̇хигаран̣анд̇иаад̣̇ийсу звамад̇т̇о взд̣̇ид̇аб̣б̣од̇и самб̣анд̇хо.
224.Ayaṃ vivādo no adhikaraṇantiādīsu evamattho veditabboti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 8. ад̇хигаран̣ам̣ • 8. Adhikaraṇaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇хигаран̣агат̇аа • Adhikaraṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
