| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
ад̇хигаран̣агат̇ааван̣н̣анаа
Adhikaraṇakathāvaṇṇanā
215. вируубад̇о вибарин̣аамадтзна жид̇д̇ам̣ д̣̇угкам̣ вибажжад̇ийд̇и ааха ‘‘жид̇д̇ад̣̇угкад̇т̇ам̣ вохааро’’д̇иаад̣̇и. убавад̣̇анаад̇и жод̣̇анаа. д̇ад̇т̇зваад̇и анувад̣̇анз.
215. Virūpato vipariṇāmaṭṭhena cittaṃ dukkhaṃ vipaccatīti āha ‘‘cittadukkhatthaṃ vohāro’’tiādi. Upavadanāti codanā. Tatthevāti anuvadane.
аад̣̇ид̇о бадтааяа жа д̇асса д̇асса гаммасса вин̃н̃аад̇ад̇д̇аад̇и вид̇т̇аарад̇о ааг̇ад̇агаммаваг̇г̇асса аад̣̇ид̇о бадтааяа ван̣н̣анаамукзна вин̃н̃аад̇ад̇д̇аа винижчаяо бхависсад̇ийд̇и яож̇анаа.
Ādito paṭṭhāya ca tassa tassa kammassa viññātattāti vitthārato āgatakammavaggassa ādito paṭṭhāya vaṇṇanāmukhena viññātattā vinicchayo bhavissatīti yojanā.
216. баал̣ияам̣ аж̇жхад̇д̇ам̣ ваад̇и ад̇д̇ани ваа ад̇д̇ано барисааяа ваа. б̣ахид̣̇д̇хаа ваад̇и барасмим̣ ваа барасса барисааяа ваа. анавассавааяаад̇и ануббаад̣̇ааяа.
216. Pāḷiyaṃ ajjhattaṃ vāti attani vā attano parisāya vā. Bahiddhā vāti parasmiṃ vā parassa parisāya vā. Anavassavāyāti anuppādāya.
220. ‘‘виваад̣̇аад̇хигаран̣ам̣ гусалам̣ агусалам̣ аб̣яаагад̇а’’нд̇и ид̣̇ам̣ бужчааважанам̣. виваад̣̇аад̇хигаран̣ам̣ сияаа гусаланд̇иаад̣̇и висаж̇ж̇анам̣. зса наяо сзсзсуби.
220.‘‘Vivādādhikaraṇaṃ kusalaṃ akusalaṃ abyākata’’nti idaṃ pucchāvacanaṃ. Vivādādhikaraṇaṃ siyā kusalantiādi visajjanaṃ. Esa nayo sesesupi.
222. саммуд̇исабхаавааяаби аабад̇д̇ияаа гааран̣уубажаарзна агусалааб̣яаагад̇абхаавзна вужжамаанз гусалассааби аабад̇д̇игааран̣ад̇д̇аа д̇ад̣̇убажаарзна ‘‘аабад̇д̇аад̇хигаран̣ам̣ сияаа гусала’’нд̇и вад̇д̇аб̣б̣ам̣ бхавзяяа , д̇ат̇аа авад̇ваа ‘‘над̇т̇и аабад̇д̇аад̇хигаран̣ам̣ гусала’’нд̇и звам̣важанасса гааран̣ам̣ д̣̇ассзд̇ум̣ ‘‘зд̇т̇а санд̇хааяабхаасид̇авасзна ад̇т̇о взд̣̇ид̇аб̣б̣о’’д̇и вуд̇д̇ам̣. зд̇т̇а жааяамад̇хиббааяо – яад̣̇и хи аабад̇д̇и наама барамад̇т̇ад̇хаммасабхааваа бхавзяяа, д̇ад̣̇аа ‘‘аабад̇д̇аад̇хигаран̣ам̣ сияаа агусала’’нд̇иаад̣̇иважанам̣ яуж̇ж̇зяяа. яасмаа д̣̇удтад̣̇осасигкаабад̣̇адтагат̇аад̣̇ийсу д̣̇ассид̇ад̣̇осаббасан̇г̇ад̇о барамад̇т̇асабхааавад̇аа на яуд̇д̇аа, зганд̇асаммуд̇исабхааваа зва саа ход̇и, д̇асмаа ‘‘сияаа агусалам̣ сияаа аб̣яаагад̇а’’нд̇иби ниббарияааяад̇о на вад̇д̇аб̣б̣аа. яад̣̇и бана агусалааб̣яаагад̇ад̇хаммасамудтид̇ад̇д̇амзва убаад̣̇ааяа барияааяад̇о ‘‘сияаа агусалам̣ сияаа аб̣яаагад̇а’’нд̇и вуд̇д̇ам̣. д̇ад̣̇аа гусалад̇хаммасамаудтид̇ад̇д̇амби убаад̣̇ааяа барияааяад̇о ‘‘аабад̇д̇аад̇хигаран̣ам̣ сияаа гусала’’нд̇иби вад̇д̇аб̣б̣ам̣ бхавзяяа. яад̇о жзд̇ам̣ важанам̣ аабад̇д̇ияаа агусалааб̣яаагад̇уубажаараарахад̇д̇асса гусалуубажаараанаарахад̇д̇асса висум̣ гааран̣асаб̣бхаавам̣ санд̇хааяа бхаасид̇ам̣, д̇асмаа яам̣ д̇ам̣ гааран̣ависзсам̣ санд̇хааяа ид̣̇ам̣ бхаасид̇ам̣, д̇асса васзнзвзд̇т̇а ад̇т̇о взд̣̇ид̇аб̣б̣о.
222. Sammutisabhāvāyapi āpattiyā kāraṇūpacārena akusalābyākatabhāvena vuccamāne kusalassāpi āpattikāraṇattā tadupacārena ‘‘āpattādhikaraṇaṃ siyā kusala’’nti vattabbaṃ bhaveyya , tathā avatvā ‘‘natthi āpattādhikaraṇaṃ kusala’’nti evaṃvacanassa kāraṇaṃ dassetuṃ ‘‘ettha sandhāyabhāsitavasena attho veditabbo’’ti vuttaṃ. Ettha cāyamadhippāyo – yadi hi āpatti nāma paramatthadhammasabhāvā bhaveyya, tadā ‘‘āpattādhikaraṇaṃ siyā akusala’’ntiādivacanaṃ yujjeyya. Yasmā duṭṭhadosasikkhāpadaṭṭhakathādīsu dassitadosappasaṅgato paramatthasabhaāvatā na yuttā, ekantasammutisabhāvā eva sā hoti, tasmā ‘‘siyā akusalaṃ siyā abyākata’’ntipi nippariyāyato na vattabbā. Yadi pana akusalaabyākatadhammasamuṭṭhitattameva upādāya pariyāyato ‘‘siyā akusalaṃ siyā abyākata’’nti vuttaṃ. Tadā kusaladhammasamauṭṭhitattampi upādāya pariyāyato ‘‘āpattādhikaraṇaṃ siyā kusala’’ntipi vattabbaṃ bhaveyya. Yato cetaṃ vacanaṃ āpattiyā akusalābyākatūpacārārahattassa kusalūpacārānārahattassa visuṃ kāraṇasabbhāvaṃ sandhāya bhāsitaṃ, tasmā yaṃ taṃ kāraṇavisesaṃ sandhāya idaṃ bhāsitaṃ, tassa vasenevettha attho veditabbo.
ид̣̇аани бана яо ан̇г̇аббахонагажид̇д̇амзва санд̇хааяа аабад̇д̇ияаа агусалаад̣̇ибхааво вуд̇д̇о, наан̃н̃ам̣ висзсагааран̣ам̣ санд̇хааяаад̇и г̇ан̣хзяяа, д̇асса г̇аахз д̣̇осам̣ д̣̇ассзнд̇о ‘‘яасмим̣ хий’’д̇иаад̣̇имааха. д̇ад̇т̇а бат̇авийкан̣анаад̣̇игзд̇и бат̇авийкан̣анаад̣̇инимид̇д̇з бан̣н̣ад̇д̇иваж̇ж̇з. аабад̇д̇аад̇хигаран̣з гусалажид̇д̇ам̣ ан̇г̇анд̇и бан̣н̣ад̇д̇им̣ аж̇аанид̇ваа гусалажид̇д̇зна жзд̇ияан̇г̇ан̣аад̣̇ийсу бхуумисод̇ханаад̣̇ивасзна бат̇авийбхууд̇аг̇аамавигобанаад̣̇игаалз гусалажид̇д̇ам̣ гааран̣ам̣ ход̇и. д̇асмим̣ сад̇ийд̇и д̇асмим̣ аабад̇д̇аад̇хигаран̣з виж̇ж̇амаанз гусалажид̇д̇асамудтид̇ад̇д̇зна гусалавохаараарахааяа аабад̇д̇ияаа виж̇ж̇амаанааяаад̇и ад̇хиббааяо. саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.222) бана ‘‘д̇асмим̣ сад̇ий’’д̇и имасса ‘‘д̇асмим̣ гусалажид̇д̇з аабад̇д̇ибхаавзна г̇ахид̇з’’д̇и ад̇т̇о вуд̇д̇о, д̇ам̣ на яуж̇ж̇ад̇и ‘‘яасми’’нд̇и яа-сад̣̇д̣̇зна бараамадтассзва аабад̇д̇аад̇хигаран̣асса ‘‘д̇асми’’нд̇и бараамасид̇аб̣б̣ад̇о.
Idāni pana yo aṅgappahonakacittameva sandhāya āpattiyā akusalādibhāvo vutto, nāññaṃ visesakāraṇaṃ sandhāyāti gaṇheyya, tassa gāhe dosaṃ dassento ‘‘yasmiṃ hī’’tiādimāha. Tattha pathavīkhaṇanādiketi pathavīkhaṇanādinimitte paṇṇattivajje. Āpattādhikaraṇe kusalacittaṃ aṅganti paṇṇattiṃ ajānitvā kusalacittena cetiyaṅgaṇādīsu bhūmisodhanādivasena pathavībhūtagāmavikopanādikāle kusalacittaṃ kāraṇaṃ hoti. Tasmiṃ satīti tasmiṃ āpattādhikaraṇe vijjamāne kusalacittasamuṭṭhitattena kusalavohārārahāya āpattiyā vijjamānāyāti adhippāyo. Sāratthadīpaniyaṃ (sārattha. ṭī. cūḷavagga 3.222) pana ‘‘tasmiṃ satī’’ti imassa ‘‘tasmiṃ kusalacitte āpattibhāvena gahite’’ti attho vutto, taṃ na yujjati ‘‘yasmi’’nti ya-saddena parāmaṭṭhasseva āpattādhikaraṇassa ‘‘tasmi’’nti parāmasitabbato.
на саггаа вад̇д̇унд̇и яад̣̇и саммуд̇исабхаавааяаби аабад̇д̇ияаа агусалаад̣̇исамудтид̇ад̇д̇зна агусалаад̣̇ивохааро гарийяад̇и, д̇ад̣̇аа гусалавохаароби гад̇д̇аб̣б̣од̇и ‘‘над̇т̇и аабад̇д̇аад̇хигаран̣ам̣ гусала’’нд̇и на саггаа вад̇д̇ум̣, ан̃н̃ат̇аа агусалаад̣̇ибхаавобисса бадигкибид̇аб̣б̣од̇и ад̇хиббааяо. д̇асмаад̇и яасмаа гусалаад̣̇ийнам̣ д̇ин̣н̣ам̣ самаанзби аабад̇д̇ияаа ан̇г̇аббахонагад̇д̇з гусалавохаарова аабад̇д̇ияаа бадигкид̇д̇о, на агусалаад̣̇ивохааро, д̇асмаа наяид̣̇ам̣ ан̇г̇аббахонагам̣ жид̇д̇ам̣ санд̇хааяа вуд̇д̇анд̇и ‘‘аабад̇д̇аад̇хигаран̣ам̣ сияаа агусалам̣ сияаа аб̣яаагад̇ам̣, над̇т̇и аабад̇д̇аад̇хигаран̣ам̣ гусала’’нд̇и ид̣̇ам̣ аабад̇д̇ияаа самудтаабагад̇д̇зна ан̇г̇аббахонагам̣ гааран̣абхууд̇ам̣ жид̇д̇амад̇д̇ам̣ санд̇хааяа на вуд̇д̇ам̣ , ан̃н̃ат̇аа ‘‘аабад̇д̇аад̇хигаран̣ам̣ сияаа гусала’’нд̇иби вад̇д̇аб̣б̣ад̇од̇и ад̇хиббааяо. зд̇зна аабад̇д̇ияаа агусалаад̣̇ибхаавоби гзнажи нимид̇д̇зна барияааяад̇ова вуд̇д̇о, на барамад̇т̇ад̇од̇и д̣̇ассзд̇и. яат̇ааха ‘‘яам̣ гусалажид̇д̇зна аабаж̇ж̇ад̇и, д̇ам̣ гусалам̣, ид̇арзхи ид̇ара’’нд̇и.
Na sakkā vattunti yadi sammutisabhāvāyapi āpattiyā akusalādisamuṭṭhitattena akusalādivohāro karīyati, tadā kusalavohāropi kattabboti ‘‘natthi āpattādhikaraṇaṃ kusala’’nti na sakkā vattuṃ, aññathā akusalādibhāvopissa paṭikkhipitabboti adhippāyo. Tasmāti yasmā kusalādīnaṃ tiṇṇaṃ samānepi āpattiyā aṅgappahonakatte kusalavohārova āpattiyā paṭikkhitto, na akusalādivohāro, tasmā nayidaṃ aṅgappahonakaṃ cittaṃ sandhāya vuttanti ‘‘āpattādhikaraṇaṃ siyā akusalaṃ siyā abyākataṃ, natthi āpattādhikaraṇaṃ kusala’’nti idaṃ āpattiyā samuṭṭhāpakattena aṅgappahonakaṃ kāraṇabhūtaṃ cittamattaṃ sandhāya na vuttaṃ , aññathā ‘‘āpattādhikaraṇaṃ siyā kusala’’ntipi vattabbatoti adhippāyo. Etena āpattiyā akusalādibhāvopi kenaci nimittena pariyāyatova vutto, na paramatthatoti dasseti. Yathāha ‘‘yaṃ kusalacittena āpajjati, taṃ kusalaṃ, itarehi itara’’nti.
ид̣̇ам̣ банаад̇иаад̣̇ийсу аяам̣ ад̇хиббааяо – ‘‘аабад̇д̇аад̇хигаран̣ам̣ сияаа агусалам̣ сияаа аб̣яаагад̇а’’нд̇и ид̣̇ан̃хи яам̣ гин̃жи гад̣̇аажи гад̇т̇ажи гааран̣ам̣ бхаванд̇ам̣ анияад̇агааран̣ам̣ санд̇хааяа вуд̇д̇ам̣ на ход̇и. яам̣ бана саб̣б̣асигкаабад̣̇зсу аабад̇д̇ияаа гааран̣ам̣ бхавид̇умарахад̇и, ид̣̇амзва гааран̣ам̣ санд̇хааяа вуд̇д̇ам̣. агусалан̃хи бан̣н̣ад̇д̇им̣ н̃ад̇ваа вийд̇иггаманд̇асса саб̣б̣аабад̇д̇ияаа гааран̣ам̣ ход̇и, логаваж̇ж̇аабад̇д̇ияаа бана бан̣н̣ад̇д̇им̣ аж̇аананд̇ассаби гааран̣ам̣ ход̇и. гзвалам̣ бан̣н̣ад̇д̇иваж̇ж̇аабад̇д̇ийсу гусалааб̣яаагад̇ажид̇д̇абавад̇д̇игкан̣з зва агусалам̣ на вад̇д̇ад̇и, д̇ад̣̇ан̃н̃ад̇т̇а саяамзва бавад̇д̇ад̇и. аб̣яаагад̇ам̣ бана гааяаважийбхууд̇ам̣ гусалаагусалаад̣̇ийнам̣ бавад̇д̇игкан̣з нирод̇хасамаабаннасса сахасзяяаабад̇д̇ияанд̇и саб̣б̣аабад̇д̇ияаа ан̇г̇амзва ход̇и чаннам̣ аабад̇д̇исамудтаанаанам̣ гааяаваажан̇г̇авирахид̇ад̇д̇аабхааваа. д̇асмаа имзсам̣ агусалааб̣яаагад̇аанам̣ саб̣б̣аабад̇д̇имуулагад̇д̇амзва санд̇хааяа ид̣̇ам̣ аабад̇д̇ияаа агусалад̇д̇ам̣, аб̣яаагад̇ад̇д̇ан̃жа вуд̇д̇ам̣. яад̇т̇а бана бат̇авийкан̣анаад̣̇ийсу гусаламби аабад̇д̇ияаа гааран̣ам̣ ход̇и, д̇ад̇т̇ааби аабад̇д̇ияаа д̇ад̣̇убажаарзна гусалад̇д̇авохааро аяуд̇д̇о сааваж̇ж̇аанаваж̇ж̇аанам̣ згад̇д̇авохаарасса вируд̣̇д̇хад̇д̇аа. яад̣̇аг̇г̇зна ан̃н̃аман̃н̃ам̣ вируд̣̇д̇хаа, д̇ад̣̇аг̇г̇зна гааран̣агаарияавохаароби нзсам̣ аяуд̇д̇о. д̇асмаа д̇ад̇т̇а виж̇ж̇амаанамби гусалам̣ аб̣б̣охааригам̣, гааяаважийд̣̇ваарамзва аавзн̣игам̣ гааран̣анд̇и.
Idaṃ panātiādīsu ayaṃ adhippāyo – ‘‘āpattādhikaraṇaṃ siyā akusalaṃ siyā abyākata’’nti idañhi yaṃ kiñci kadāci katthaci kāraṇaṃ bhavantaṃ aniyatakāraṇaṃ sandhāya vuttaṃ na hoti. Yaṃ pana sabbasikkhāpadesu āpattiyā kāraṇaṃ bhavitumarahati, idameva kāraṇaṃ sandhāya vuttaṃ. Akusalañhi paṇṇattiṃ ñatvā vītikkamantassa sabbāpattiyā kāraṇaṃ hoti, lokavajjāpattiyā pana paṇṇattiṃ ajānantassapi kāraṇaṃ hoti. Kevalaṃ paṇṇattivajjāpattīsu kusalābyākatacittapavattikkhaṇe eva akusalaṃ na vattati, tadaññattha sayameva pavattati. Abyākataṃ pana kāyavacībhūtaṃ kusalākusalādīnaṃ pavattikkhaṇe nirodhasamāpannassa sahaseyyāpattiyanti sabbāpattiyā aṅgameva hoti channaṃ āpattisamuṭṭhānānaṃ kāyavācaṅgavirahitattābhāvā. Tasmā imesaṃ akusalābyākatānaṃ sabbāpattimūlakattameva sandhāya idaṃ āpattiyā akusalattaṃ, abyākatattañca vuttaṃ. Yattha pana pathavīkhaṇanādīsu kusalampi āpattiyā kāraṇaṃ hoti, tatthāpi āpattiyā tadupacārena kusalattavohāro ayutto sāvajjānavajjānaṃ ekattavohārassa viruddhattā. Yadaggena aññamaññaṃ viruddhā, tadaggena kāraṇakāriyavohāropi nesaṃ ayutto. Tasmā tattha vijjamānampi kusalaṃ abbohārikaṃ, kāyavacīdvārameva āveṇikaṃ kāraṇanti.
д̇ад̇т̇а зганд̇ад̇о агусаламзваад̇и агусалажид̇д̇зна самудтаханад̇о гааран̣уубажаарад̇о звам̣ вуд̇д̇ам̣. д̇ад̇т̇аад̇и логаваж̇ж̇з. вигаббо над̇т̇ийд̇и сияаа-сад̣̇д̣̇асса вигаббанад̇т̇ад̇ам̣ д̣̇ассзд̇и. агусалам̣ ход̇ийд̇и агусаласамудтид̇ааяа гааран̣уубажаарзна агусалам̣ ход̇и. сахасзяяаад̣̇ивасзна аабаж̇ж̇анад̇о аб̣яаагад̇ам̣ ход̇ийд̇и ид̇т̇ияаад̣̇ийхи саха бидтибасааран̣авасаббавад̇д̇агааяад̣̇ваарасан̇каад̇аруубааб̣яаагад̇авасзнзва аабаж̇ж̇ид̇аб̣б̣ад̇о гааран̣уубажаарзнзва аабад̇д̇и аб̣яаагад̇ам̣ ход̇и. д̇ад̇т̇аад̇и д̇асмим̣ бан̣н̣ад̇д̇иваж̇ж̇аабад̇д̇аад̇хигаран̣з. сан̃жижжаасан̃жижжавасзнаад̇и бан̣н̣ад̇д̇им̣ н̃ад̇ваа, ан̃н̃ад̇ваа жа аабаж̇ж̇анавасзна имам̣ вигаббабхаавам̣ санд̇хааяа агусалад̇д̇ааб̣яаагад̇ад̇д̇асан̇каад̇ам̣ яат̇аавуд̇д̇ам̣ имам̣ вигаббасабхаавам̣ санд̇хааяа ид̣̇ам̣ важанам̣ вуд̇д̇ам̣.
Tattha ekantato akusalamevāti akusalacittena samuṭṭhahanato kāraṇūpacārato evaṃ vuttaṃ. Tatthāti lokavajje. Vikappo natthīti siyā-saddassa vikappanatthataṃ dasseti. Akusalaṃ hotīti akusalasamuṭṭhitāya kāraṇūpacārena akusalaṃ hoti. Sahaseyyādivasena āpajjanatoabyākataṃ hotīti itthiyādīhi saha piṭṭhipasāraṇavasappavattakāyadvārasaṅkhātarūpābyākatavaseneva āpajjitabbato kāraṇūpacāreneva āpatti abyākataṃ hoti. Tatthāti tasmiṃ paṇṇattivajjāpattādhikaraṇe. Sañciccāsañciccavasenāti paṇṇattiṃ ñatvā, aññatvā ca āpajjanavasena imaṃ vikappabhāvaṃ sandhāya akusalattaabyākatattasaṅkhātaṃ yathāvuttaṃ imaṃ vikappasabhāvaṃ sandhāya idaṃ vacanaṃ vuttaṃ.
яад̣̇и звам̣ асан̃жижжаабаж̇ж̇анабагкз гусалзнааби аабаж̇ж̇анад̇о д̇амби вигаббам̣ санд̇хааяа ‘‘аабад̇д̇аад̇хигаран̣ам̣ сияаа гусала’’нд̇иби гасмаа на вуд̇д̇анд̇и ааха ‘‘сажз банаа’’д̇иаад̣̇и. ‘‘ажид̇д̇агаана’’нд̇и вуд̇д̇амзвад̇т̇ам̣ самудтаанавасзна вибхаавзд̇ум̣ ‘‘зл̣агаломабад̣̇асод̇хаммаад̣̇исамудтаанаанамбий’’д̇и вуд̇д̇ам̣. ажид̇д̇агасамудтаанаанам̣ ‘‘гусалажид̇д̇ам̣ аабаж̇ж̇зяяаа’’д̇и зд̇зна сааваж̇ж̇абхууд̇ааяа аабад̇д̇ияаа гааран̣уубажаарзнааби анаваж̇ж̇абхууд̇агусалавохааро аяуд̇д̇од̇и д̣̇ассзд̇и. ‘‘на жа д̇ад̇т̇аа’’д̇иаад̣̇инаа гусаласса аабад̇д̇ияаа гааран̣ад̇д̇ам̣ виж̇ж̇амаанамби д̇ат̇аа вохарид̇ум̣ аяуд̇д̇анд̇и бадигкибид̇ваа гааяаваажаасан̇каад̇ам̣ аб̣яаагад̇ассзва гааран̣ад̇д̇ам̣ д̣̇ассзд̇и. д̇ад̇т̇а жалид̇аббавад̇д̇аананд̇и жалид̇аанам̣, бавад̇д̇аанан̃жа. жалид̇о хи гааяо, бавад̇д̇аа ваажаа. зд̇т̇а жа гааяаваажаанаман̃н̃ад̇арамзва ан̇г̇ам̣. д̇ан̃жа…бз… аб̣яаагад̇анд̇и звам̣ аб̣яаагад̇асса аабад̇д̇игааран̣абхаавзнзва вуд̇д̇ад̇д̇аа. ‘‘аабад̇д̇аад̇хигаран̣ам̣ сияаа агусалам̣ сияаа аб̣яаагад̇а’’нд̇и ид̣̇ам̣ гааран̣уубажаарзна барияааяад̇о вуд̇д̇ам̣, на ниббарияааяад̇од̇и сиж̇жхад̇и.
Yadi evaṃ asañciccāpajjanapakkhe kusalenāpi āpajjanato tampi vikappaṃ sandhāya ‘‘āpattādhikaraṇaṃ siyā kusala’’ntipi kasmā na vuttanti āha ‘‘sace panā’’tiādi. ‘‘Acittakāna’’nti vuttamevatthaṃ samuṭṭhānavasena vibhāvetuṃ ‘‘eḷakalomapadasodhammādisamuṭṭhānānampī’’ti vuttaṃ. Acittakasamuṭṭhānānaṃ ‘‘kusalacittaṃ āpajjeyyā’’ti etena sāvajjabhūtāya āpattiyā kāraṇūpacārenāpi anavajjabhūtakusalavohāro ayuttoti dasseti. ‘‘Na ca tatthā’’tiādinā kusalassa āpattiyā kāraṇattaṃ vijjamānampi tathā voharituṃ ayuttanti paṭikkhipitvā kāyavācāsaṅkhātaṃ abyākatasseva kāraṇattaṃ dasseti. Tattha calitappavattānanti calitānaṃ, pavattānañca. Calito hi kāyo, pavattā vācā. Ettha ca kāyavācānamaññatarameva aṅgaṃ. Tañca…pe… abyākatanti evaṃ abyākatassa āpattikāraṇabhāveneva vuttattā. ‘‘Āpattādhikaraṇaṃ siyā akusalaṃ siyā abyākata’’nti idaṃ kāraṇūpacārena pariyāyato vuttaṃ, na nippariyāyatoti sijjhati.
яам̣ бана саарад̇т̇ад̣̇ийбанияам̣ (саарад̇т̇а. дий. жуул̣ава. 3.222) аабад̇д̇ияаа ниббарияааяад̇ова агусалаад̣̇исабхаавад̇ам̣ самад̇т̇зд̇ум̣ б̣ахум̣ бабан̃жид̇ам̣, д̇ам̣ на саарад̇о бажжзд̇аб̣б̣ам̣ д̣̇удтад̣̇осасигкаабад̣̇адтагат̇ааяамзва бадигкид̇д̇ад̇д̇аа. д̇знзвзд̇т̇ааби ‘‘яам̣ жид̇д̇ам̣ аабад̇д̇ияаа ан̇г̇ам̣ ход̇ий’’д̇иаад̣̇инаа агусалажид̇д̇ассааби аабад̇д̇ияаа гааран̣ад̇д̇зна бхиннад̇аава д̣̇ассид̇аа. яам̣ банзд̇т̇а вад̇д̇аб̣б̣ам̣, д̇ам̣ хздтаа д̣̇ассид̇амзваад̇и ид̇ха на вид̇т̇аараяимха. звам̣ вийд̇иггамад̇о яо вийд̇иггамод̇и зд̇т̇а агусалажид̇д̇зна н̃ад̇ваа вийд̇иггаманд̇асса гааяаважийвийд̇иггамасамудтид̇аа аабад̇д̇ивийд̇иггамод̇и вуд̇д̇о. зса наяо аб̣яаагад̇аваарзби.
Yaṃ pana sāratthadīpaniyaṃ (sārattha. ṭī. cūḷava. 3.222) āpattiyā nippariyāyatova akusalādisabhāvataṃ samatthetuṃ bahuṃ papañcitaṃ, taṃ na sārato paccetabbaṃ duṭṭhadosasikkhāpadaṭṭhakathāyameva paṭikkhittattā. Tenevetthāpi ‘‘yaṃ cittaṃ āpattiyā aṅgaṃ hotī’’tiādinā akusalacittassāpi āpattiyā kāraṇattena bhinnatāva dassitā. Yaṃ panettha vattabbaṃ, taṃ heṭṭhā dassitamevāti idha na vitthārayimha. Evaṃ vītikkamato yo vītikkamoti ettha akusalacittena ñatvā vītikkamantassa kāyavacīvītikkamasamuṭṭhitā āpattivītikkamoti vutto. Esa nayo abyākatavārepi.
ад̇хигаран̣агат̇ааван̣н̣анаа нидтид̇аа.
Adhikaraṇakathāvaṇṇanā niṭṭhitā.
Next: ад̇хигаран̣авуубасаманасамат̇агат̇аад̣̇иван̣н̣анаа • Adhikaraṇavūpasamanasamathakathādivaṇṇanā
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 8. ад̇хигаран̣ам̣ • 8. Adhikaraṇaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇хигаран̣агат̇аа • Adhikaraṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. ад̇хигаран̣агат̇аа • 8. Adhikaraṇakathā
