| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౩. అధికరణమూలాది
3. Adhikaraṇamūlādi
౩౪౩. చతున్నం అధికరణానం కతి మూలాని, కతి సముట్ఠానా? చతున్నం అధికరణానం తేత్తింస మూలాని, తేత్తింస సముట్ఠానా.
343. Catunnaṃ adhikaraṇānaṃ kati mūlāni, kati samuṭṭhānā? Catunnaṃ adhikaraṇānaṃ tettiṃsa mūlāni, tettiṃsa samuṭṭhānā.
చతున్నం అధికరణానం కతమాని తేత్తింస మూలాని? వివాదాధికరణస్స ద్వాదస మూలాని, అనువాదాధికరణస్స చుద్దస మూలాని, ఆపత్తాధికరణస్స ఛ మూలాని, కిచ్చాధికరణస్స ఏకం మూలం, సఙ్ఘో – చతున్నం అధికరణానం ఇమాని తేత్తింస మూలాని.
Catunnaṃ adhikaraṇānaṃ katamāni tettiṃsa mūlāni? Vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaṃ mūlaṃ, saṅgho – catunnaṃ adhikaraṇānaṃ imāni tettiṃsa mūlāni.
చతున్నం అధికరణానం కతమే తేత్తింస సముట్ఠానా? వివాదాధికరణస్స అట్ఠారసభేదకరవత్థూని సముట్ఠానా, అనువాదాధికరణస్స చతస్సో విపత్తియో సముట్ఠానా, ఆపత్తాధికరణస్స సత్తాపత్తిక్ఖన్ధా సముట్ఠానా, కిచ్చాధికరణస్స చత్తారి కమ్మాని సముట్ఠానా – చతున్నం అధికరణానం ఇమే తేత్తింస సముట్ఠానా.
Catunnaṃ adhikaraṇānaṃ katame tettiṃsa samuṭṭhānā? Vivādādhikaraṇassa aṭṭhārasabhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa sattāpattikkhandhā samuṭṭhānā, kiccādhikaraṇassa cattāri kammāni samuṭṭhānā – catunnaṃ adhikaraṇānaṃ ime tettiṃsa samuṭṭhānā.
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / అధికరణనిదానాదివణ్ణనా • Adhikaraṇanidānādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / అధికరణభేదవణ్ణనా • Adhikaraṇabhedavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / అధికరణనిదానాదివణ్ణనా • Adhikaraṇanidānādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / అధికరణనిదానాదివణ్ణనా • Adhikaraṇanidānādivaṇṇanā
