| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၃. အဓိကရဏမူလာဒိ
3. Adhikaraṇamūlādi
၃၄၃. စတုန္နံ အဓိကရဏာနံ ကတိ မူလာနိ, ကတိ သမုဋ္ဌာနာ? စတုန္နံ အဓိကရဏာနံ တေတ္တိံသ မူလာနိ, တေတ္တိံသ သမုဋ္ဌာနာ။
343. Catunnaṃ adhikaraṇānaṃ kati mūlāni, kati samuṭṭhānā? Catunnaṃ adhikaraṇānaṃ tettiṃsa mūlāni, tettiṃsa samuṭṭhānā.
စတုန္နံ အဓိကရဏာနံ ကတမာနိ တေတ္တိံသ မူလာနိ? ဝိဝာဒာဓိကရဏသ္သ ဒ္ဝာဒသ မူလာနိ, အနုဝာဒာဓိကရဏသ္သ စုဒ္ဒသ မူလာနိ, အာပတ္တာဓိကရဏသ္သ ဆ မူလာနိ, ကိစ္စာဓိကရဏသ္သ ဧကံ မူလံ, သင္ဃော – စတုန္နံ အဓိကရဏာနံ ဣမာနိ တေတ္တိံသ မူလာနိ။
Catunnaṃ adhikaraṇānaṃ katamāni tettiṃsa mūlāni? Vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaṃ mūlaṃ, saṅgho – catunnaṃ adhikaraṇānaṃ imāni tettiṃsa mūlāni.
စတုန္နံ အဓိကရဏာနံ ကတမေ တေတ္တိံသ သမုဋ္ဌာနာ? ဝိဝာဒာဓိကရဏသ္သ အဋ္ဌာရသဘေဒကရဝတ္ထူနိ သမုဋ္ဌာနာ, အနုဝာဒာဓိကရဏသ္သ စတသ္သော ဝိပတ္တိယော သမုဋ္ဌာနာ, အာပတ္တာဓိကရဏသ္သ သတ္တာပတ္တိက္ခန္ဓာ သမုဋ္ဌာနာ, ကိစ္စာဓိကရဏသ္သ စတ္တာရိ ကမ္မာနိ သမုဋ္ဌာနာ – စတုန္နံ အဓိကရဏာနံ ဣမေ တေတ္တိံသ သမုဋ္ဌာနာ။
Catunnaṃ adhikaraṇānaṃ katame tettiṃsa samuṭṭhānā? Vivādādhikaraṇassa aṭṭhārasabhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa sattāpattikkhandhā samuṭṭhānā, kiccādhikaraṇassa cattāri kammāni samuṭṭhānā – catunnaṃ adhikaraṇānaṃ ime tettiṃsa samuṭṭhānā.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဓိကရဏဘေဒဝဏ္ဏနာ • Adhikaraṇabhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
