| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೩. ಅಧಿಕರಣಮೂಲಾದಿ
3. Adhikaraṇamūlādi
೩೪೩. ಚತುನ್ನಂ ಅಧಿಕರಣಾನಂ ಕತಿ ಮೂಲಾನಿ, ಕತಿ ಸಮುಟ್ಠಾನಾ? ಚತುನ್ನಂ ಅಧಿಕರಣಾನಂ ತೇತ್ತಿಂಸ ಮೂಲಾನಿ, ತೇತ್ತಿಂಸ ಸಮುಟ್ಠಾನಾ।
343. Catunnaṃ adhikaraṇānaṃ kati mūlāni, kati samuṭṭhānā? Catunnaṃ adhikaraṇānaṃ tettiṃsa mūlāni, tettiṃsa samuṭṭhānā.
ಚತುನ್ನಂ ಅಧಿಕರಣಾನಂ ಕತಮಾನಿ ತೇತ್ತಿಂಸ ಮೂಲಾನಿ? ವಿವಾದಾಧಿಕರಣಸ್ಸ ದ್ವಾದಸ ಮೂಲಾನಿ, ಅನುವಾದಾಧಿಕರಣಸ್ಸ ಚುದ್ದಸ ಮೂಲಾನಿ, ಆಪತ್ತಾಧಿಕರಣಸ್ಸ ಛ ಮೂಲಾನಿ, ಕಿಚ್ಚಾಧಿಕರಣಸ್ಸ ಏಕಂ ಮೂಲಂ, ಸಙ್ಘೋ – ಚತುನ್ನಂ ಅಧಿಕರಣಾನಂ ಇಮಾನಿ ತೇತ್ತಿಂಸ ಮೂಲಾನಿ।
Catunnaṃ adhikaraṇānaṃ katamāni tettiṃsa mūlāni? Vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaṃ mūlaṃ, saṅgho – catunnaṃ adhikaraṇānaṃ imāni tettiṃsa mūlāni.
ಚತುನ್ನಂ ಅಧಿಕರಣಾನಂ ಕತಮೇ ತೇತ್ತಿಂಸ ಸಮುಟ್ಠಾನಾ? ವಿವಾದಾಧಿಕರಣಸ್ಸ ಅಟ್ಠಾರಸಭೇದಕರವತ್ಥೂನಿ ಸಮುಟ್ಠಾನಾ, ಅನುವಾದಾಧಿಕರಣಸ್ಸ ಚತಸ್ಸೋ ವಿಪತ್ತಿಯೋ ಸಮುಟ್ಠಾನಾ, ಆಪತ್ತಾಧಿಕರಣಸ್ಸ ಸತ್ತಾಪತ್ತಿಕ್ಖನ್ಧಾ ಸಮುಟ್ಠಾನಾ, ಕಿಚ್ಚಾಧಿಕರಣಸ್ಸ ಚತ್ತಾರಿ ಕಮ್ಮಾನಿ ಸಮುಟ್ಠಾನಾ – ಚತುನ್ನಂ ಅಧಿಕರಣಾನಂ ಇಮೇ ತೇತ್ತಿಂಸ ಸಮುಟ್ಠಾನಾ।
Catunnaṃ adhikaraṇānaṃ katame tettiṃsa samuṭṭhānā? Vivādādhikaraṇassa aṭṭhārasabhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa sattāpattikkhandhā samuṭṭhānā, kiccādhikaraṇassa cattāri kammāni samuṭṭhānā – catunnaṃ adhikaraṇānaṃ ime tettiṃsa samuṭṭhānā.
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅಧಿಕರಣಭೇದವಣ್ಣನಾ • Adhikaraṇabhedavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
