| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
2. அதி⁴கரணனிதா³னாதி³
2. Adhikaraṇanidānādi
342. விவாதா³தி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்? அனுவாதா³தி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்? ஆபத்தாதி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங் ? கிச்சாதி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்?
342. Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Āpattādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ ? Kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
விவாதா³தி⁴கரணங் விவாத³னிதா³னங் விவாத³ஸமுத³யங் விவாத³ஜாதிகங் விவாத³பப⁴வங் விவாத³ஸம்பா⁴ரங் விவாத³ஸமுட்டா²னங். அனுவாதா³தி⁴கரணங் அனுவாத³னிதா³னங் அனுவாத³ஸமுத³யங் அனுவாத³ஜாதிகங் அனுவாத³பப⁴வங் அனுவாத³ஸம்பா⁴ரங் அனுவாத³ஸமுட்டா²னங். ஆபத்தாதி⁴கரணங் ஆபத்தினிதா³னங் ஆபத்திஸமுத³யங் ஆபத்திஜாதிகங் ஆபத்திபப⁴வங் ஆபத்திஸம்பா⁴ரங் ஆபத்திஸமுட்டா²னங். கிச்சாதி⁴கரணங் கிச்சயனிதா³னங் கிச்சயஸமுத³யங் கிச்சயஜாதிகங் கிச்சயபப⁴வங் கிச்சயஸம்பா⁴ரங் கிச்சயஸமுட்டா²னங்.
Vivādādhikaraṇaṃ vivādanidānaṃ vivādasamudayaṃ vivādajātikaṃ vivādapabhavaṃ vivādasambhāraṃ vivādasamuṭṭhānaṃ. Anuvādādhikaraṇaṃ anuvādanidānaṃ anuvādasamudayaṃ anuvādajātikaṃ anuvādapabhavaṃ anuvādasambhāraṃ anuvādasamuṭṭhānaṃ. Āpattādhikaraṇaṃ āpattinidānaṃ āpattisamudayaṃ āpattijātikaṃ āpattipabhavaṃ āpattisambhāraṃ āpattisamuṭṭhānaṃ. Kiccādhikaraṇaṃ kiccayanidānaṃ kiccayasamudayaṃ kiccayajātikaṃ kiccayapabhavaṃ kiccayasambhāraṃ kiccayasamuṭṭhānaṃ.
விவாதா³தி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்? அனுவாதா³தி⁴கரணங்…பே॰… ஆபத்தாதி⁴கரணங்…பே॰… கிச்சாதி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்?
Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
விவாதா³தி⁴கரணங் ஹேதுனிதா³னங், ஹேதுஸமுத³யங், ஹேதுஜாதிகங், ஹேதுபப⁴வங், ஹேதுஸம்பா⁴ரங், ஹேதுஸமுட்டா²னங். அனுவாதா³தி⁴கரணங்…பே॰… ஆபத்தாதி⁴கரணங்…பே॰… கிச்சாதி⁴கரணங் ஹேதுனிதா³னங், ஹேதுஸமுத³யங், ஹேதுஜாதிகங், ஹேதுபப⁴வங், ஹேதுஸம்பா⁴ரங், ஹேதுஸமுட்டா²னங்.
Vivādādhikaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ. Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ.
விவாதா³தி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்? அனுவாதா³தி⁴கரணங் …பே॰… ஆபத்தாதி⁴கரணங்…பே॰… கிச்சாதி⁴கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்?
Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ …pe… āpattādhikaraṇaṃ…pe… kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
விவாதா³தி⁴கரணங் பச்சயனிதா³னங், பச்சயஸமுத³யங், பச்சயஜாதிகங், பச்சயபப⁴வங், பச்சயஸம்பா⁴ரங், பச்சயஸமுட்டா²னங். அனுவாதா³தி⁴கரணங்…பே॰… ஆபத்தாதி⁴கரணங்…பே॰… கிச்சாதி⁴கரணங் பச்சயனிதா³னங், பச்சயஸமுத³யங், பச்சயஜாதிகங், பச்சயபப⁴வங், பச்சயஸம்பா⁴ரங், பச்சயஸமுட்டா²னங்.
Vivādādhikaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ. Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அதி⁴கரணனிதா³னாதி³வண்ணனா • Adhikaraṇanidānādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அதி⁴கரணபே⁴த³வண்ணனா • Adhikaraṇabhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அதி⁴கரணனிதா³னாதி³வண்ணனா • Adhikaraṇanidānādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அதி⁴கரணனிதா³னாதி³வண்ணனா • Adhikaraṇanidānādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / அதி⁴கரணனிதா³னாதி³வண்ணனா • Adhikaraṇanidānādivaṇṇanā
