| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
២. អធិករណនិទានាទិ
2. Adhikaraṇanidānādi
៣៤២. វិវាទាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ? អនុវាទាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ? អាបត្តាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ ? កិច្ចាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ?
342. Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Āpattādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ ? Kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
វិវាទាធិករណំ វិវាទនិទានំ វិវាទសមុទយំ វិវាទជាតិកំ វិវាទបភវំ វិវាទសម្ភារំ វិវាទសមុដ្ឋានំ។ អនុវាទាធិករណំ អនុវាទនិទានំ អនុវាទសមុទយំ អនុវាទជាតិកំ អនុវាទបភវំ អនុវាទសម្ភារំ អនុវាទសមុដ្ឋានំ។ អាបត្តាធិករណំ អាបត្តិនិទានំ អាបត្តិសមុទយំ អាបត្តិជាតិកំ អាបត្តិបភវំ អាបត្តិសម្ភារំ អាបត្តិសមុដ្ឋានំ។ កិច្ចាធិករណំ កិច្ចយនិទានំ កិច្ចយសមុទយំ កិច្ចយជាតិកំ កិច្ចយបភវំ កិច្ចយសម្ភារំ កិច្ចយសមុដ្ឋានំ។
Vivādādhikaraṇaṃ vivādanidānaṃ vivādasamudayaṃ vivādajātikaṃ vivādapabhavaṃ vivādasambhāraṃ vivādasamuṭṭhānaṃ. Anuvādādhikaraṇaṃ anuvādanidānaṃ anuvādasamudayaṃ anuvādajātikaṃ anuvādapabhavaṃ anuvādasambhāraṃ anuvādasamuṭṭhānaṃ. Āpattādhikaraṇaṃ āpattinidānaṃ āpattisamudayaṃ āpattijātikaṃ āpattipabhavaṃ āpattisambhāraṃ āpattisamuṭṭhānaṃ. Kiccādhikaraṇaṃ kiccayanidānaṃ kiccayasamudayaṃ kiccayajātikaṃ kiccayapabhavaṃ kiccayasambhāraṃ kiccayasamuṭṭhānaṃ.
វិវាទាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ? អនុវាទាធិករណំ…បេ.… អាបត្តាធិករណំ…បេ.… កិច្ចាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ?
Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
វិវាទាធិករណំ ហេតុនិទានំ, ហេតុសមុទយំ, ហេតុជាតិកំ, ហេតុបភវំ, ហេតុសម្ភារំ, ហេតុសមុដ្ឋានំ។ អនុវាទាធិករណំ…បេ.… អាបត្តាធិករណំ…បេ.… កិច្ចាធិករណំ ហេតុនិទានំ, ហេតុសមុទយំ, ហេតុជាតិកំ, ហេតុបភវំ, ហេតុសម្ភារំ, ហេតុសមុដ្ឋានំ។
Vivādādhikaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ. Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ.
វិវាទាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ? អនុវាទាធិករណំ …បេ.… អាបត្តាធិករណំ…បេ.… កិច្ចាធិករណំ កិំនិទានំ, កិំសមុទយំ, កិំជាតិកំ, កិំបភវំ, កិំសម្ភារំ, កិំសមុដ្ឋានំ?
Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ …pe… āpattādhikaraṇaṃ…pe… kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
វិវាទាធិករណំ បច្ចយនិទានំ, បច្ចយសមុទយំ, បច្ចយជាតិកំ, បច្ចយបភវំ, បច្ចយសម្ភារំ, បច្ចយសមុដ្ឋានំ។ អនុវាទាធិករណំ…បេ.… អាបត្តាធិករណំ…បេ.… កិច្ចាធិករណំ បច្ចយនិទានំ, បច្ចយសមុទយំ, បច្ចយជាតិកំ, បច្ចយបភវំ, បច្ចយសម្ភារំ, បច្ចយសមុដ្ឋានំ។
Vivādādhikaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ. Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ.
Related texts:
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អធិករណភេទវណ្ណនា • Adhikaraṇabhedavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អធិករណនិទានាទិវណ្ណនា • Adhikaraṇanidānādivaṇṇanā
