| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༢. ཨདྷིཀརཎནིདཱནཱདི
2. Adhikaraṇanidānādi
༣༤༢. ཝིཝཱདཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨནུཝཱདཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨཱཔཏྟཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ ? ཀིཙྩཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ?
342. Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Āpattādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ ? Kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
ཝིཝཱདཱདྷིཀརཎཾ ཝིཝཱདནིདཱནཾ ཝིཝཱདསམུདཡཾ ཝིཝཱདཛཱཏིཀཾ ཝིཝཱདཔབྷཝཾ ཝིཝཱདསམྦྷཱརཾ ཝིཝཱདསམུཊྛཱནཾ། ཨནུཝཱདཱདྷིཀརཎཾ ཨནུཝཱདནིདཱནཾ ཨནུཝཱདསམུདཡཾ ཨནུཝཱདཛཱཏིཀཾ ཨནུཝཱདཔབྷཝཾ ཨནུཝཱདསམྦྷཱརཾ ཨནུཝཱདསམུཊྛཱནཾ། ཨཱཔཏྟཱདྷིཀརཎཾ ཨཱཔཏྟིནིདཱནཾ ཨཱཔཏྟིསམུདཡཾ ཨཱཔཏྟིཛཱཏིཀཾ ཨཱཔཏྟིཔབྷཝཾ ཨཱཔཏྟིསམྦྷཱརཾ ཨཱཔཏྟིསམུཊྛཱནཾ། ཀིཙྩཱདྷིཀརཎཾ ཀིཙྩཡནིདཱནཾ ཀིཙྩཡསམུདཡཾ ཀིཙྩཡཛཱཏིཀཾ ཀིཙྩཡཔབྷཝཾ ཀིཙྩཡསམྦྷཱརཾ ཀིཙྩཡསམུཊྛཱནཾ།
Vivādādhikaraṇaṃ vivādanidānaṃ vivādasamudayaṃ vivādajātikaṃ vivādapabhavaṃ vivādasambhāraṃ vivādasamuṭṭhānaṃ. Anuvādādhikaraṇaṃ anuvādanidānaṃ anuvādasamudayaṃ anuvādajātikaṃ anuvādapabhavaṃ anuvādasambhāraṃ anuvādasamuṭṭhānaṃ. Āpattādhikaraṇaṃ āpattinidānaṃ āpattisamudayaṃ āpattijātikaṃ āpattipabhavaṃ āpattisambhāraṃ āpattisamuṭṭhānaṃ. Kiccādhikaraṇaṃ kiccayanidānaṃ kiccayasamudayaṃ kiccayajātikaṃ kiccayapabhavaṃ kiccayasambhāraṃ kiccayasamuṭṭhānaṃ.
ཝིཝཱདཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨནུཝཱདཱདྷིཀརཎཾ…པེ॰… ཨཱཔཏྟཱདྷིཀརཎཾ…པེ॰… ཀིཙྩཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ?
Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
ཝིཝཱདཱདྷིཀརཎཾ ཧེཏུནིདཱནཾ, ཧེཏུསམུདཡཾ, ཧེཏུཛཱཏིཀཾ, ཧེཏུཔབྷཝཾ, ཧེཏུསམྦྷཱརཾ, ཧེཏུསམུཊྛཱནཾ། ཨནུཝཱདཱདྷིཀརཎཾ…པེ॰… ཨཱཔཏྟཱདྷིཀརཎཾ…པེ॰… ཀིཙྩཱདྷིཀརཎཾ ཧེཏུནིདཱནཾ, ཧེཏུསམུདཡཾ, ཧེཏུཛཱཏིཀཾ, ཧེཏུཔབྷཝཾ, ཧེཏུསམྦྷཱརཾ, ཧེཏུསམུཊྛཱནཾ།
Vivādādhikaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ. Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ hetunidānaṃ, hetusamudayaṃ, hetujātikaṃ, hetupabhavaṃ, hetusambhāraṃ, hetusamuṭṭhānaṃ.
ཝིཝཱདཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ? ཨནུཝཱདཱདྷིཀརཎཾ …པེ॰… ཨཱཔཏྟཱདྷིཀརཎཾ…པེ॰… ཀིཙྩཱདྷིཀརཎཾ ཀིཾནིདཱནཾ, ཀིཾསམུདཡཾ, ཀིཾཛཱཏིཀཾ, ཀིཾཔབྷཝཾ, ཀིཾསམྦྷཱརཾ, ཀིཾསམུཊྛཱནཾ?
Vivādādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Anuvādādhikaraṇaṃ …pe… āpattādhikaraṇaṃ…pe… kiccādhikaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ?
ཝིཝཱདཱདྷིཀརཎཾ པཙྩཡནིདཱནཾ, པཙྩཡསམུདཡཾ, པཙྩཡཛཱཏིཀཾ, པཙྩཡཔབྷཝཾ, པཙྩཡསམྦྷཱརཾ, པཙྩཡསམུཊྛཱནཾ། ཨནུཝཱདཱདྷིཀརཎཾ…པེ॰… ཨཱཔཏྟཱདྷིཀརཎཾ…པེ॰… ཀིཙྩཱདྷིཀརཎཾ པཙྩཡནིདཱནཾ, པཙྩཡསམུདཡཾ, པཙྩཡཛཱཏིཀཾ, པཙྩཡཔབྷཝཾ, པཙྩཡསམྦྷཱརཾ, པཙྩཡསམུཊྛཱནཾ།
Vivādādhikaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ. Anuvādādhikaraṇaṃ…pe… āpattādhikaraṇaṃ…pe… kiccādhikaraṇaṃ paccayanidānaṃ, paccayasamudayaṃ, paccayajātikaṃ, paccayapabhavaṃ, paccayasambhāraṃ, paccayasamuṭṭhānaṃ.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨདྷིཀརཎབྷེདཝཎྞནཱ • Adhikaraṇabhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
