| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
অধিকরণনিদানাদিৰণ্ণনা
Adhikaraṇanidānādivaṇṇanā
৩৪২-৩. কিংসম্ভারন্তি কিংপরিক্খারং, এত্থ কিন্তি লিঙ্গসামঞ্ঞমব্যযং। পুব্বে উপ্পন্নৰিৰাদং নিস্সায পচ্ছা উপ্পজ্জনকৰিৰাদো ৰিৰাদনিদানং নাম। আপত্তাধিকরণপচ্চযা চতস্সো আপত্তিযো আপজ্জতীতি ভিক্খুনী জানং পারাজিকং ধম্মং পটিচ্ছাদেতি পারাজিকং, ৰেমতিকা পটিচ্ছাদেতি থুল্লচ্চযং, ভিক্খু সঙ্ঘাদিসেসং পটিচ্ছাদেতি পাচিত্তিযং, আচারৰিপত্তিং পটিচ্ছাদেতি দুক্কটং। পুব্বে কতউক্খেপনিযাদিকিচ্চং নিস্সায উপ্পজ্জনককিচ্চানং। কীদিসানং? সমনুভাসনাদীনং ৰসেন। তং হীতি অধিকরণং।
342-3.Kiṃsambhāranti kiṃparikkhāraṃ, ettha kinti liṅgasāmaññamabyayaṃ. Pubbe uppannavivādaṃ nissāya pacchā uppajjanakavivādo vivādanidānaṃ nāma. Āpattādhikaraṇapaccayā catasso āpattiyo āpajjatīti bhikkhunī jānaṃ pārājikaṃ dhammaṃ paṭicchādeti pārājikaṃ, vematikā paṭicchādeti thullaccayaṃ, bhikkhu saṅghādisesaṃ paṭicchādeti pācittiyaṃ, ācāravipattiṃ paṭicchādeti dukkaṭaṃ. Pubbe kataukkhepaniyādikiccaṃ nissāya uppajjanakakiccānaṃ. Kīdisānaṃ? Samanubhāsanādīnaṃ vasena. Taṃ hīti adhikaraṇaṃ.
৩৪৪. অধিকরণেসু যেন অধিকরণেন সম্মন্তি, তং দস্সেতুন্তি যদা অধিকরণেহি সম্মন্তি, তদা কিচ্চাধিকরণেনেৰ সম্মন্তি, ন অঞ্ঞেহীতি দস্সনত্থং ৰুত্তং, ন একন্ততো অধিকরণেনেৰ সম্মন্তীতি দস্সনত্থং।
344. Adhikaraṇesu yena adhikaraṇena sammanti, taṃ dassetunti yadā adhikaraṇehi sammanti, tadā kiccādhikaraṇeneva sammanti, na aññehīti dassanatthaṃ vuttaṃ, na ekantato adhikaraṇeneva sammantīti dassanatthaṃ.
৩৪৮. আপত্তাধিকরণে সঙ্ঘো ৰিৰদতীতি আপত্তানাপত্তীতি এৰং।
348.Āpattādhikaraṇesaṅgho vivadatīti āpattānāpattīti evaṃ.
৩৫৩. সমুট্ঠানাভাৰতো সম্মুখাৰিনযে কম্মস্স কিরিযাকরণমিচ্চাদিনা অৰিভজিত্ৰাৰ সতিৰিনযাদীনং ছন্নংযেৰ ছ সমুট্ঠানানি ৰিভত্তানি। তং কস্মা? কম্মসঙ্গহাভাৰেন, সতিৰিনযাদীনং ৰিয সঙ্ঘসম্মুখতাদীনং কিচ্চযতা নাম নত্থীতি অধিপ্পাযো।
353. Samuṭṭhānābhāvato sammukhāvinaye kammassa kiriyākaraṇamiccādinā avibhajitvāva sativinayādīnaṃ channaṃyeva cha samuṭṭhānāni vibhattāni. Taṃ kasmā? Kammasaṅgahābhāvena, sativinayādīnaṃ viya saṅghasammukhatādīnaṃ kiccayatā nāma natthīti adhippāyo.
অধিকরণভেদৰণ্ণনা নিট্ঠিতা।
Adhikaraṇabhedavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
২. অধিকরণনিদানাদি • 2. Adhikaraṇanidānādi
৩. অধিকরণমূলাদি • 3. Adhikaraṇamūlādi
৪. অধিকরণপচ্চযাপত্তি • 4. Adhikaraṇapaccayāpatti
৫. অধিকরণাধিপ্পাযো • 5. Adhikaraṇādhippāyo
৯. সত্তসমথনিদানং • 9. Sattasamathanidānaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
অধিকরণনিদানাদিৰণ্ণনা • Adhikaraṇanidānādivaṇṇanā
সত্তসমথনিদানৰণ্ণনা • Sattasamathanidānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অধিকরণভেদৰণ্ণনা • Adhikaraṇabhedavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অধিকরণনিদানাদিৰণ্ণনা • Adhikaraṇanidānādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
অধিকরণনিদানাদিৰণ্ণনা • Adhikaraṇanidānādivaṇṇanā
সত্তসমথনিদানৰণ্ণনা • Sattasamathanidānavaṇṇanā
