| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
ад̇хигаран̣анид̣̇аанаад̣̇иван̣н̣анаа
Adhikaraṇanidānādivaṇṇanā
342. виваад̣̇аад̇хигаран̣ам̣ гим̣нид̣̇аананд̇иаад̣̇ийсу гим̣ нид̣̇аанамассаад̇и гим̣нид̣̇аанам̣. го самуд̣̇аяо ассаад̇и гим̣самуд̣̇аяам̣. гаа ж̇аад̇и ассаад̇и гим̣ж̇аад̇игам̣. го бабхаво ассаад̇и гим̣бабхавам̣. го самбхааро ассаад̇и гим̣самбхаарам̣. гим̣ самудтаанам̣ ассаад̇и гим̣самудтаанам̣. саб̣б̣аанзд̇аани гааран̣авзважанааниязва.
342.Vivādādhikaraṇaṃ kiṃnidānantiādīsu kiṃ nidānamassāti kiṃnidānaṃ. Ko samudayo assāti kiṃsamudayaṃ. Kā jāti assāti kiṃjātikaṃ. Ko pabhavo assāti kiṃpabhavaṃ. Ko sambhāro assāti kiṃsambhāraṃ. Kiṃ samuṭṭhānaṃ assāti kiṃsamuṭṭhānaṃ. Sabbānetāni kāraṇavevacanāniyeva.
виваад̣̇анид̣̇аананд̇иаад̣̇ийсуби адтаарасабхзд̣̇агаравад̇т̇усан̇каад̇о виваад̣̇о нид̣̇аанамзд̇ассаад̇и виваад̣̇анид̣̇аанам̣. виваад̣̇ам̣ ниссааяа уббаж̇ж̇анагавиваад̣̇авасзнзд̇ам̣ вуд̇д̇ам̣. ануваад̣̇о нид̣̇аанам̣ ассаад̇и ануваад̣̇анид̣̇аанам̣ . ид̣̇амби ануваад̣̇ам̣ ниссааяа уббаж̇ж̇анагаануваад̣̇авасзна вуд̇д̇ам̣. аабад̇д̇и нид̣̇аанам̣ ассаад̇и аабад̇д̇инид̣̇аанам̣. аабад̇д̇аад̇хигаран̣абажжаяаа жад̇ассо аабад̇д̇ияо аабаж̇ж̇ад̇ийд̇и звам̣ аабад̇д̇им̣ ниссааяа уббаж̇ж̇анагааабад̇д̇ивасзнзд̇ам̣ вуд̇д̇ам̣. гижжаяам̣ нид̣̇аанамассаад̇и гижжаяанид̣̇аанам̣; жад̇уб̣б̣ид̇хам̣ сан̇гхагаммам̣ гааран̣амассаад̇и ад̇т̇о. угкид̇д̇аанувад̇д̇игааяа бхигкунияаа яаавад̇ад̇ияам̣ саманубхаасанаад̣̇ийнам̣ гижжам̣ ниссааяа уббаж̇ж̇анагагижжаанам̣ васзнзд̇ам̣ вуд̇д̇ам̣. аяам̣ жад̇уннамби ад̇хигаран̣аанам̣ виссаж̇ж̇анабагкз згабад̣̇аяож̇анаа. зд̇знаанусаарзна саб̣б̣абад̣̇аани яож̇зд̇аб̣б̣аани.
Vivādanidānantiādīsupi aṭṭhārasabhedakaravatthusaṅkhāto vivādo nidānametassāti vivādanidānaṃ. Vivādaṃ nissāya uppajjanakavivādavasenetaṃ vuttaṃ. Anuvādo nidānaṃ assāti anuvādanidānaṃ. Idampi anuvādaṃ nissāya uppajjanakaanuvādavasena vuttaṃ. Āpatti nidānaṃ assāti āpattinidānaṃ. Āpattādhikaraṇapaccayā catasso āpattiyo āpajjatīti evaṃ āpattiṃ nissāya uppajjanakaāpattivasenetaṃ vuttaṃ. Kiccayaṃ nidānamassāti kiccayanidānaṃ; catubbidhaṃ saṅghakammaṃ kāraṇamassāti attho. Ukkhittānuvattikāya bhikkhuniyā yāvatatiyaṃ samanubhāsanādīnaṃ kiccaṃ nissāya uppajjanakakiccānaṃ vasenetaṃ vuttaṃ. Ayaṃ catunnampi adhikaraṇānaṃ vissajjanapakkhe ekapadayojanā. Etenānusārena sabbapadāni yojetabbāni.
д̣̇уд̇ияабужчааяа хзд̇унид̣̇аананд̇иаад̣̇имхи виссаж̇ж̇анз наваннам̣ гусалаагусалааб̣яаагад̇ахзд̇уунам̣ васзна хзд̇унид̣̇аанаад̣̇ид̇аа взд̣̇ид̇аб̣б̣аа. д̇ад̇ияабужчааяа виссаж̇ж̇анз б̣яан̃ж̇анамад̇д̇ам̣ наанам̣. хзд̇уязва хи зд̇т̇а бажжаяод̇и вуд̇д̇о.
Dutiyapucchāya hetunidānantiādimhi vissajjane navannaṃ kusalākusalābyākatahetūnaṃ vasena hetunidānāditā veditabbā. Tatiyapucchāya vissajjane byañjanamattaṃ nānaṃ. Hetuyeva hi ettha paccayoti vutto.
343. муулабужчааяа виссаж̇ж̇анз д̣̇ваад̣̇аса муулаанийд̇и год̇хаубанаахаяуг̇ал̣агаад̣̇ийни ча виваад̣̇аамуулаани, лобхад̣̇осамохаа д̇аяо, алобхаад̣̇осаамохаа д̇аяод̇и имаани аж̇жхад̇д̇асанд̇аанаббавад̇д̇аани д̣̇ваад̣̇аса муулаани. жуд̣̇д̣̇аса муулаанийд̇и д̇аанзва д̣̇ваад̣̇аса гааяаваажаахи сад̣̇д̇хим̣ жуд̣̇д̣̇аса хонд̇и. ча муулаанийд̇и гааяаад̣̇ийни ча самудтаанаани.
343. Mūlapucchāya vissajjane dvādasa mūlānīti kodhaupanāhayugaḷakādīni cha vivādāmūlāni, lobhadosamohā tayo, alobhādosāmohā tayoti imāni ajjhattasantānappavattāni dvādasa mūlāni. Cuddasa mūlānīti tāneva dvādasa kāyavācāhi saddhiṃ cuddasa honti. Cha mūlānīti kāyādīni cha samuṭṭhānāni.
самудтаанабужчааяа виссаж̇ж̇анз адтаараса бхзд̣̇агаравад̇т̇ууни самудтаанаани, д̇ан̃хи зд̇зсу адтаарасасу бхзд̣̇агаравад̇т̇уусу самудтаад̇и, зд̇зхи ваа гааран̣абхууд̇зхи самудтаад̇и. д̇знассзд̇аани самудтаанаани вужжанд̇и. зса наяо саб̣б̣ад̇т̇а.
Samuṭṭhānapucchāya vissajjane aṭṭhārasa bhedakaravatthūni samuṭṭhānāni, tañhi etesu aṭṭhārasasu bhedakaravatthūsu samuṭṭhāti, etehi vā kāraṇabhūtehi samuṭṭhāti. Tenassetāni samuṭṭhānāni vuccanti. Esa nayo sabbattha.
344. виваад̣̇аад̇хигаран̣ам̣ аабад̇д̇ийд̇иаад̣̇ибхзд̣̇з згзна ад̇хигаран̣зна гижжаад̇хигаран̣знаад̇и ид̣̇ам̣ язна ад̇хигаран̣зна самманд̇и, д̇ам̣ д̣̇ассзд̇ум̣ вуд̇д̇ам̣, на банзд̇аани згам̣сад̇о гижжаад̇хигаран̣знзва самманд̇и. на хи буг̇г̇аласса санд̇игз д̣̇зсзнд̇асса гижжаад̇хигаран̣ам̣ наама ад̇т̇и.
344.Vivādādhikaraṇaṃ āpattītiādibhede ekena adhikaraṇena kiccādhikaraṇenāti idaṃ yena adhikaraṇena sammanti, taṃ dassetuṃ vuttaṃ, na panetāni ekaṃsato kiccādhikaraṇeneva sammanti. Na hi puggalassa santike desentassa kiccādhikaraṇaṃ nāma atthi.
на гад̇амзна самат̇знаад̇и саавасзсаабад̇д̇и вияа на саммад̇и. на хи саггаа саа д̣̇зсзд̇ум̣, на д̇ад̇о вудтааяа суд̣̇д̇ханд̇з бад̇идтаад̇ум̣.
Na katamena samathenāti sāvasesāpatti viya na sammati. Na hi sakkā sā desetuṃ, na tato vuṭṭhāya suddhante patiṭṭhātuṃ.
348. виваад̣̇аад̇хигаран̣ам̣ ход̇и ануваад̣̇аад̇хигаран̣анд̇иаад̣̇и наяо уд̇д̇ааноязва.
348.Vivādādhikaraṇaṃ hoti anuvādādhikaraṇantiādi nayo uttānoyeva.
349. д̇ад̇о барам̣ яад̇т̇а сад̇ивинаяод̇иаад̣̇игаа саммукаавинаяам̣ амун̃жид̇ваа ча яамагабужчаа вуд̇д̇аа, д̇аасам̣ виссаж̇ж̇анзнзва ад̇т̇о багаасид̇о.
349. Tato paraṃ yattha sativinayotiādikā sammukhāvinayaṃ amuñcitvā cha yamakapucchā vuttā, tāsaṃ vissajjaneneva attho pakāsito.
351. сам̣садтаад̣̇ибужчаанам̣ виссаж̇ж̇анз сам̣садтаад̇и сад̇ивинаяагаммаваажаагкан̣асмим̣язва д̣̇виннамби самат̇аанам̣ сид̣̇д̇хад̇д̇аа саммукаавинаяод̇и ваа сад̇ивинаяод̇и ваа имз д̇хаммаа сам̣садтаа, но висам̣садтаа. яасмаа бана гад̣̇алигканд̇хз бад̇д̇аваддийнам̣ вияа на саггаа д̇зсам̣ виниб̣бхуж̇ид̇ваа наанаагаран̣ам̣ д̣̇ассзд̇ум̣, д̇зна вуд̇д̇ам̣ ‘‘на жа лаб̣бхаа имзсам̣ д̇хаммаанам̣ виниб̣бхуж̇ид̇ваа виниб̣бхуж̇ид̇ваа наанаагаран̣ам̣ бан̃н̃аабзд̇у’’нд̇и. зса наяо саб̣б̣ад̇т̇а.
351. Saṃsaṭṭhādipucchānaṃ vissajjane saṃsaṭṭhāti sativinayakammavācākkhaṇasmiṃyeva dvinnampi samathānaṃ siddhattā sammukhāvinayoti vā sativinayoti vā ime dhammā saṃsaṭṭhā, no visaṃsaṭṭhā. Yasmā pana kadalikkhandhe pattavaṭṭīnaṃ viya na sakkā tesaṃ vinibbhujitvā nānākaraṇaṃ dassetuṃ, tena vuttaṃ ‘‘na ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetu’’nti. Esa nayo sabbattha.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
2. ад̇хигаран̣анид̣̇аанаад̣̇и • 2. Adhikaraṇanidānādi
3. ад̇хигаран̣амуулаад̣̇и • 3. Adhikaraṇamūlādi
4. ад̇хигаран̣абажжаяаабад̇д̇и • 4. Adhikaraṇapaccayāpatti
5. ад̇хигаран̣аад̇хиббааяо • 5. Adhikaraṇādhippāyo
6. бужчаавааро • 6. Pucchāvāro
8. сам̣садтавааро • 8. Saṃsaṭṭhavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абхзд̣̇аван̣н̣анаа • Adhikaraṇabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
