| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
अधिकरणनिदानादिवण्णना
Adhikaraṇanidānādivaṇṇanā
३४२. आपत्तिं निस्साय उप्पज्जनकआपत्तिवसेनाति परेसं, अत्तनो च आपत्तिं पटिच्छादेन्तानं वज्जपटिच्छादीनं पाराजिकादिआपत्तिमेव सन्धाय वुत्तं, न सब्बापत्तियो। किच्चं निस्साय उप्पज्जनककिच्चानन्ति उक्खेपनीयादिकम्मं निस्साय उप्पज्जनकानं तदनुवत्तिकाय भिक्खुनिया यावततियानुस्सावनानं किच्चानं वसेन, न सब्बेसं किच्चानं वसेनाति।
342.Āpattiṃ nissāya uppajjanakaāpattivasenāti paresaṃ, attano ca āpattiṃ paṭicchādentānaṃ vajjapaṭicchādīnaṃ pārājikādiāpattimeva sandhāya vuttaṃ, na sabbāpattiyo. Kiccaṃ nissāya uppajjanakakiccānanti ukkhepanīyādikammaṃ nissāya uppajjanakānaṃ tadanuvattikāya bhikkhuniyā yāvatatiyānussāvanānaṃ kiccānaṃ vasena, na sabbesaṃ kiccānaṃ vasenāti.
३४४. पाळियं ‘‘कतिहि अधिकरणेही’’ति पुच्छाय ‘‘एकेन अधिकरणेन किच्चाधिकरणेना’’ति वुत्तं। ‘‘कतिसु ठानेसू’’ति पुच्छाय ‘‘तीसु ठानेसु सङ्घमज्झे, गणमज्झे, पुग्गलस्स सन्तिके’’ति वुत्तं। ‘‘कतिहि समथेही’’ति पुच्छाय ‘‘तीहि समथेही’’ति वुत्तं। तीहिपि एतेहि एको वूपसमनप्पकारोव पुच्छितो, विस्सज्जितो चाति वेदितब्बो।
344. Pāḷiyaṃ ‘‘katihi adhikaraṇehī’’ti pucchāya ‘‘ekena adhikaraṇena kiccādhikaraṇenā’’ti vuttaṃ. ‘‘Katisu ṭhānesū’’ti pucchāya ‘‘tīsu ṭhānesu saṅghamajjhe, gaṇamajjhe, puggalassa santike’’ti vuttaṃ. ‘‘Katihi samathehī’’ti pucchāya ‘‘tīhi samathehī’’ti vuttaṃ. Tīhipi etehi eko vūpasamanappakārova pucchito, vissajjito cāti veditabbo.
३४८. विवादाधिकरणं होति अनुवादाधिकरणन्तिआदीसु विवादाधिकरणमेव अनुवादाधिकरणादिपि होतीति पुच्छाय विवादाधिकरणं विवादाधिकरणमेव होति, अनुवादादयो न होतीति विस्सज्जनं।
348.Vivādādhikaraṇaṃhoti anuvādādhikaraṇantiādīsu vivādādhikaraṇameva anuvādādhikaraṇādipi hotīti pucchāya vivādādhikaraṇaṃ vivādādhikaraṇameva hoti, anuvādādayo na hotīti vissajjanaṃ.
अधिकरणनिदानादिवण्णना निट्ठिता।
Adhikaraṇanidānādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
२. अधिकरणनिदानादि • 2. Adhikaraṇanidānādi
४. अधिकरणपच्चयापत्ति • 4. Adhikaraṇapaccayāpatti
५. अधिकरणाधिप्पायो • 5. Adhikaraṇādhippāyo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / अधिकरणनिदानादिवण्णना • Adhikaraṇanidānādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / अधिकरणभेदवण्णना • Adhikaraṇabhedavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अधिकरणनिदानादिवण्णना • Adhikaraṇanidānādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / अधिकरणनिदानादिवण्णना • Adhikaraṇanidānādivaṇṇanā
