| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
អធិករណនិទានាទិវណ្ណនា
Adhikaraṇanidānādivaṇṇanā
៣៤២-៣. កិំសម្ភារន្តិ កិំបរិក្ខារំ, ឯត្ថ កិន្តិ លិង្គសាមញ្ញមព្យយំ។ បុព្ពេ ឧប្បន្នវិវាទំ និស្សាយ បច្ឆា ឧប្បជ្ជនកវិវាទោ វិវាទនិទានំ នាម។ អាបត្តាធិករណបច្ចយា ចតស្សោ អាបត្តិយោ អាបជ្ជតីតិ ភិក្ខុនី ជានំ បារាជិកំ ធម្មំ បដិច្ឆាទេតិ បារាជិកំ, វេមតិកា បដិច្ឆាទេតិ ថុល្លច្ចយំ, ភិក្ខុ សង្ឃាទិសេសំ បដិច្ឆាទេតិ បាចិត្តិយំ, អាចារវិបត្តិំ បដិច្ឆាទេតិ ទុក្កដំ។ បុព្ពេ កតឧក្ខេបនិយាទិកិច្ចំ និស្សាយ ឧប្បជ្ជនកកិច្ចានំ។ កីទិសានំ? សមនុភាសនាទីនំ វសេន។ តំ ហីតិ អធិករណំ។
342-3.Kiṃsambhāranti kiṃparikkhāraṃ, ettha kinti liṅgasāmaññamabyayaṃ. Pubbe uppannavivādaṃ nissāya pacchā uppajjanakavivādo vivādanidānaṃ nāma. Āpattādhikaraṇapaccayā catasso āpattiyo āpajjatīti bhikkhunī jānaṃ pārājikaṃ dhammaṃ paṭicchādeti pārājikaṃ, vematikā paṭicchādeti thullaccayaṃ, bhikkhu saṅghādisesaṃ paṭicchādeti pācittiyaṃ, ācāravipattiṃ paṭicchādeti dukkaṭaṃ. Pubbe kataukkhepaniyādikiccaṃ nissāya uppajjanakakiccānaṃ. Kīdisānaṃ? Samanubhāsanādīnaṃ vasena. Taṃ hīti adhikaraṇaṃ.
៣៤៤. អធិករណេសុ យេន អធិករណេន សម្មន្តិ, តំ ទស្សេតុន្តិ យទា អធិករណេហិ សម្មន្តិ, តទា កិច្ចាធិករណេនេវ សម្មន្តិ, ន អញ្ញេហីតិ ទស្សនត្ថំ វុត្តំ, ន ឯកន្តតោ អធិករណេនេវ សម្មន្តីតិ ទស្សនត្ថំ។
344. Adhikaraṇesu yena adhikaraṇena sammanti, taṃ dassetunti yadā adhikaraṇehi sammanti, tadā kiccādhikaraṇeneva sammanti, na aññehīti dassanatthaṃ vuttaṃ, na ekantato adhikaraṇeneva sammantīti dassanatthaṃ.
៣៤៨. អាបត្តាធិករណេ សង្ឃោ វិវទតីតិ អាបត្តានាបត្តីតិ ឯវំ។
348.Āpattādhikaraṇesaṅgho vivadatīti āpattānāpattīti evaṃ.
៣៥៣. សមុដ្ឋានាភាវតោ សម្មុខាវិនយេ កម្មស្ស កិរិយាករណមិច្ចាទិនា អវិភជិត្វាវ សតិវិនយាទីនំ ឆន្នំយេវ ឆ សមុដ្ឋានានិ វិភត្តានិ។ តំ កស្មា? កម្មសង្គហាភាវេន, សតិវិនយាទីនំ វិយ សង្ឃសម្មុខតាទីនំ កិច្ចយតា នាម នត្ថីតិ អធិប្បាយោ។
353. Samuṭṭhānābhāvato sammukhāvinaye kammassa kiriyākaraṇamiccādinā avibhajitvāva sativinayādīnaṃ channaṃyeva cha samuṭṭhānāni vibhattāni. Taṃ kasmā? Kammasaṅgahābhāvena, sativinayādīnaṃ viya saṅghasammukhatādīnaṃ kiccayatā nāma natthīti adhippāyo.
អធិករណភេទវណ្ណនា និដ្ឋិតា។
Adhikaraṇabhedavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. អធិករណនិទានាទិ • 2. Adhikaraṇanidānādi
៣. អធិករណមូលាទិ • 3. Adhikaraṇamūlādi
៤. អធិករណបច្ចយាបត្តិ • 4. Adhikaraṇapaccayāpatti
៥. អធិករណាធិប្បាយោ • 5. Adhikaraṇādhippāyo
៩. សត្តសមថនិទានំ • 9. Sattasamathanidānaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
អធិករណនិទានាទិវណ្ណនា • Adhikaraṇanidānādivaṇṇanā
សត្តសមថនិទានវណ្ណនា • Sattasamathanidānavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អធិករណភេទវណ្ណនា • Adhikaraṇabhedavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
អធិករណនិទានាទិវណ្ណនា • Adhikaraṇanidānādivaṇṇanā
សត្តសមថនិទានវណ្ណនា • Sattasamathanidānavaṇṇanā
