| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អធិករណនិទានាទិវណ្ណនា
Adhikaraṇanidānādivaṇṇanā
៣៤២. អាបត្តិំ និស្សាយ ឧប្បជ្ជនកអាបត្តិវសេនាតិ បរេសំ, អត្តនោ ច អាបត្តិំ បដិច្ឆាទេន្តានំ វជ្ជបដិច្ឆាទីនំ បារាជិកាទិអាបត្តិមេវ សន្ធាយ វុត្តំ, ន សព្ពាបត្តិយោ។ កិច្ចំ និស្សាយ ឧប្បជ្ជនកកិច្ចានន្តិ ឧក្ខេបនីយាទិកម្មំ និស្សាយ ឧប្បជ្ជនកានំ តទនុវត្តិកាយ ភិក្ខុនិយា យាវតតិយានុស្សាវនានំ កិច្ចានំ វសេន, ន សព្ពេសំ កិច្ចានំ វសេនាតិ។
342.Āpattiṃ nissāya uppajjanakaāpattivasenāti paresaṃ, attano ca āpattiṃ paṭicchādentānaṃ vajjapaṭicchādīnaṃ pārājikādiāpattimeva sandhāya vuttaṃ, na sabbāpattiyo. Kiccaṃ nissāya uppajjanakakiccānanti ukkhepanīyādikammaṃ nissāya uppajjanakānaṃ tadanuvattikāya bhikkhuniyā yāvatatiyānussāvanānaṃ kiccānaṃ vasena, na sabbesaṃ kiccānaṃ vasenāti.
៣៤៤. បាឡិយំ ‘‘កតិហិ អធិករណេហី’’តិ បុច្ឆាយ ‘‘ឯកេន អធិករណេន កិច្ចាធិករណេនា’’តិ វុត្តំ។ ‘‘កតិសុ ឋានេសូ’’តិ បុច្ឆាយ ‘‘តីសុ ឋានេសុ សង្ឃមជ្ឈេ, គណមជ្ឈេ, បុគ្គលស្ស សន្តិកេ’’តិ វុត្តំ។ ‘‘កតិហិ សមថេហី’’តិ បុច្ឆាយ ‘‘តីហិ សមថេហី’’តិ វុត្តំ។ តីហិបិ ឯតេហិ ឯកោ វូបសមនប្បការោវ បុច្ឆិតោ, វិស្សជ្ជិតោ ចាតិ វេទិតព្ពោ។
344. Pāḷiyaṃ ‘‘katihi adhikaraṇehī’’ti pucchāya ‘‘ekena adhikaraṇena kiccādhikaraṇenā’’ti vuttaṃ. ‘‘Katisu ṭhānesū’’ti pucchāya ‘‘tīsu ṭhānesu saṅghamajjhe, gaṇamajjhe, puggalassa santike’’ti vuttaṃ. ‘‘Katihi samathehī’’ti pucchāya ‘‘tīhi samathehī’’ti vuttaṃ. Tīhipi etehi eko vūpasamanappakārova pucchito, vissajjito cāti veditabbo.
៣៤៨. វិវាទាធិករណំ ហោតិ អនុវាទាធិករណន្តិអាទីសុ វិវាទាធិករណមេវ អនុវាទាធិករណាទិបិ ហោតីតិ បុច្ឆាយ វិវាទាធិករណំ វិវាទាធិករណមេវ ហោតិ, អនុវាទាទយោ ន ហោតីតិ វិស្សជ្ជនំ។
348.Vivādādhikaraṇaṃhoti anuvādādhikaraṇantiādīsu vivādādhikaraṇameva anuvādādhikaraṇādipi hotīti pucchāya vivādādhikaraṇaṃ vivādādhikaraṇameva hoti, anuvādādayo na hotīti vissajjanaṃ.
អធិករណនិទានាទិវណ្ណនា និដ្ឋិតា។
Adhikaraṇanidānādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. អធិករណនិទានាទិ • 2. Adhikaraṇanidānādi
៤. អធិករណបច្ចយាបត្តិ • 4. Adhikaraṇapaccayāpatti
៥. អធិករណាធិប្បាយោ • 5. Adhikaraṇādhippāyo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អធិករណភេទវណ្ណនា • Adhikaraṇabhedavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អធិករណនិទានាទិវណ្ណនា • Adhikaraṇanidānādivaṇṇanā
