| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဓိကရဏနိဒာနာဒိဝဏ္ဏနာ
Adhikaraṇanidānādivaṇṇanā
၃၄၂. အာပတ္တိံ နိသ္သာယ ဥပ္ပဇ္ဇနကအာပတ္တိဝသေနာတိ ပရေသံ, အတ္တနော စ အာပတ္တိံ ပဋိစ္ဆာဒေန္တာနံ ဝဇ္ဇပဋိစ္ဆာဒီနံ ပာရာဇိကာဒိအာပတ္တိမေဝ သန္ဓာယ ဝုတ္တံ, န သဗ္ဗာပတ္တိယော။ ကိစ္စံ နိသ္သာယ ဥပ္ပဇ္ဇနကကိစ္စာနန္တိ ဥက္ခေပနီယာဒိကမ္မံ နိသ္သာယ ဥပ္ပဇ္ဇနကာနံ တဒနုဝတ္တိကာယ ဘိက္ခုနိယာ ယာဝတတိယာနုသ္သာဝနာနံ ကိစ္စာနံ ဝသေန, န သဗ္ဗေသံ ကိစ္စာနံ ဝသေနာတိ။
342.Āpattiṃ nissāya uppajjanakaāpattivasenāti paresaṃ, attano ca āpattiṃ paṭicchādentānaṃ vajjapaṭicchādīnaṃ pārājikādiāpattimeva sandhāya vuttaṃ, na sabbāpattiyo. Kiccaṃ nissāya uppajjanakakiccānanti ukkhepanīyādikammaṃ nissāya uppajjanakānaṃ tadanuvattikāya bhikkhuniyā yāvatatiyānussāvanānaṃ kiccānaṃ vasena, na sabbesaṃ kiccānaṃ vasenāti.
၃၄၄. ပာဠိယံ ‘‘ကတိဟိ အဓိကရဏေဟီ’’တိ ပုစ္ဆာယ ‘‘ဧကေန အဓိကရဏေန ကိစ္စာဓိကရဏေနာ’’တိ ဝုတ္တံ။ ‘‘ကတိသု ဌာနေသူ’’တိ ပုစ္ဆာယ ‘‘တီသု ဌာနေသု သင္ဃမဇ္ဈေ, ဂဏမဇ္ဈေ, ပုဂ္ဂလသ္သ သန္တိကေ’’တိ ဝုတ္တံ။ ‘‘ကတိဟိ သမထေဟီ’’တိ ပုစ္ဆာယ ‘‘တီဟိ သမထေဟီ’’တိ ဝုတ္တံ။ တီဟိပိ ဧတေဟိ ဧကော ဝူပသမနပ္ပကာရောဝ ပုစ္ဆိတော, ဝိသ္သဇ္ဇိတော စာတိ ဝေဒိတဗ္ဗော။
344. Pāḷiyaṃ ‘‘katihi adhikaraṇehī’’ti pucchāya ‘‘ekena adhikaraṇena kiccādhikaraṇenā’’ti vuttaṃ. ‘‘Katisu ṭhānesū’’ti pucchāya ‘‘tīsu ṭhānesu saṅghamajjhe, gaṇamajjhe, puggalassa santike’’ti vuttaṃ. ‘‘Katihi samathehī’’ti pucchāya ‘‘tīhi samathehī’’ti vuttaṃ. Tīhipi etehi eko vūpasamanappakārova pucchito, vissajjito cāti veditabbo.
၃၄၈. ဝိဝာဒာဓိကရဏံ ဟောတိ အနုဝာဒာဓိကရဏန္တိအာဒီသု ဝိဝာဒာဓိကရဏမေဝ အနုဝာဒာဓိကရဏာဒိပိ ဟောတီတိ ပုစ္ဆာယ ဝိဝာဒာဓိကရဏံ ဝိဝာဒာဓိကရဏမေဝ ဟောတိ, အနုဝာဒာဒယော န ဟောတီတိ ဝိသ္သဇ္ဇနံ။
348.Vivādādhikaraṇaṃhoti anuvādādhikaraṇantiādīsu vivādādhikaraṇameva anuvādādhikaraṇādipi hotīti pucchāya vivādādhikaraṇaṃ vivādādhikaraṇameva hoti, anuvādādayo na hotīti vissajjanaṃ.
အဓိကရဏနိဒာနာဒိဝဏ္ဏနာ နိဋ္ဌိတာ။
Adhikaraṇanidānādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၂. အဓိကရဏနိဒာနာဒိ • 2. Adhikaraṇanidānādi
၄. အဓိကရဏပစ္စယာပတ္တိ • 4. Adhikaraṇapaccayāpatti
၅. အဓိကရဏာဓိပ္ပာယော • 5. Adhikaraṇādhippāyo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဓိကရဏဘေဒဝဏ္ဏနာ • Adhikaraṇabhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အဓိကရဏနိဒာနာဒိဝဏ္ဏနာ • Adhikaraṇanidānādivaṇṇanā
