| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
අධිකරණනිදානාදිවණ්‌ණනා
Adhikaraṇanidānādivaṇṇanā
342-3. කිංසම්‌භාරන්‌ති කිංපරික්‌ඛාරං, එත්‌ථ කින්‌ති ලිඞ්‌ගසාමඤ්‌ඤමබ්‍යයං. පුබ්‌බෙ උප්‌පන්‌නවිවාදං නිස්‌සාය පච්‌ඡා උප්‌පජ්‌ජනකවිවාදො විවාදනිදානං නාම. ආපත්‌තාධිකරණපච්‌චයා චතස්‌සො ආපත්‌තියො ආපජ්‌ජතීති භික්‌ඛුනී ජානං පාරාජිකං ධම්‌මං පටිච්‌ඡාදෙති පාරාජිකං, වෙමතිකා පටිච්‌ඡාදෙති ථුල්‌ලච්‌චයං, භික්‌ඛු සඞ්‌ඝාදිසෙසං පටිච්‌ඡාදෙති පාචිත්‌තියං, ආචාරවිපත්‌තිං පටිච්‌ඡාදෙති දුක්‌කටං. පුබ්‌බෙ කතඋක්‌ඛෙපනියාදිකිච්‌චං නිස්‌සාය උප්‌පජ්‌ජනකකිච්‌චානං. කීදිසානං? සමනුභාසනාදීනං වසෙන. තං හීති අධිකරණං.
342-3.Kiṃsambhāranti kiṃparikkhāraṃ, ettha kinti liṅgasāmaññamabyayaṃ. Pubbe uppannavivādaṃ nissāya pacchā uppajjanakavivādo vivādanidānaṃ nāma. Āpattādhikaraṇapaccayā catasso āpattiyo āpajjatīti bhikkhunī jānaṃ pārājikaṃ dhammaṃ paṭicchādeti pārājikaṃ, vematikā paṭicchādeti thullaccayaṃ, bhikkhu saṅghādisesaṃ paṭicchādeti pācittiyaṃ, ācāravipattiṃ paṭicchādeti dukkaṭaṃ. Pubbe kataukkhepaniyādikiccaṃ nissāya uppajjanakakiccānaṃ. Kīdisānaṃ? Samanubhāsanādīnaṃ vasena. Taṃ hīti adhikaraṇaṃ.
344. අධිකරණෙසු යෙන අධිකරණෙන සම්‌මන්‌ති, තං දස්‌සෙතුන්‌ති යදා අධිකරණෙහි සම්‌මන්‌ති, තදා කිච්‌චාධිකරණෙනෙව සම්‌මන්‌ති, න අඤ්‌ඤෙහීති දස්‌සනත්‌ථං වුත්‌තං, න එකන්‌තතො අධිකරණෙනෙව සම්‌මන්‌තීති දස්‌සනත්‌ථං.
344. Adhikaraṇesu yena adhikaraṇena sammanti, taṃ dassetunti yadā adhikaraṇehi sammanti, tadā kiccādhikaraṇeneva sammanti, na aññehīti dassanatthaṃ vuttaṃ, na ekantato adhikaraṇeneva sammantīti dassanatthaṃ.
348. ආපත්‌තාධිකරණෙ සඞ්‌ඝො විවදතීති ආපත්‌තානාපත්‌තීති එවං.
348.Āpattādhikaraṇesaṅgho vivadatīti āpattānāpattīti evaṃ.
353. සමුට්‌ඨානාභාවතො සම්‌මුඛාවිනයෙ කම්‌මස්‌ස කිරියාකරණමිච්‌චාදිනා අවිභජිත්‌වාව සතිවිනයාදීනං ඡන්‌නංයෙව ඡ සමුට්‌ඨානානි විභත්‌තානි. තං කස්‌මා? කම්‌මසඞ්‌ගහාභාවෙන, සතිවිනයාදීනං විය සඞ්‌ඝසම්‌මුඛතාදීනං කිච්‌චයතා නාම නත්‌ථීති අධිප්‌පායො.
353. Samuṭṭhānābhāvato sammukhāvinaye kammassa kiriyākaraṇamiccādinā avibhajitvāva sativinayādīnaṃ channaṃyeva cha samuṭṭhānāni vibhattāni. Taṃ kasmā? Kammasaṅgahābhāvena, sativinayādīnaṃ viya saṅghasammukhatādīnaṃ kiccayatā nāma natthīti adhippāyo.
අධිකරණභෙදවණ්‌ණනා නිට්‌ඨිතා.
Adhikaraṇabhedavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
2. අධිකරණනිදානාදි • 2. Adhikaraṇanidānādi
3. අධිකරණමූලාදි • 3. Adhikaraṇamūlādi
4. අධිකරණපච්‌චයාපත්‌ති • 4. Adhikaraṇapaccayāpatti
5. අධිකරණාධිප්‌පායො • 5. Adhikaraṇādhippāyo
9. සත්‌තසමථනිදානං • 9. Sattasamathanidānaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
අධිකරණනිදානාදිවණ්‌ණනා • Adhikaraṇanidānādivaṇṇanā
සත්‌තසමථනිදානවණ්‌ණනා • Sattasamathanidānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අධිකරණභෙදවණ්‌ණනා • Adhikaraṇabhedavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අධිකරණනිදානාදිවණ්‌ණනා • Adhikaraṇanidānādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
අධිකරණනිදානාදිවණ්‌ණනා • Adhikaraṇanidānādivaṇṇanā
සත්‌තසමථනිදානවණ්‌ණනා • Sattasamathanidānavaṇṇanā
