| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අධිකරණනිදානාදිවණ්‌ණනා
Adhikaraṇanidānādivaṇṇanā
342. ආපත්‌තිං නිස්‌සාය උප්‌පජ්‌ජනකආපත්‌තිවසෙනාති පරෙසං, අත්‌තනො ච ආපත්‌තිං පටිච්‌ඡාදෙන්‌තානං වජ්‌ජපටිච්‌ඡාදීනං පාරාජිකාදිආපත්‌තිමෙව සන්‌ධාය වුත්‌තං, න සබ්‌බාපත්‌තියො. කිච්‌චං නිස්‌සාය උප්‌පජ්‌ජනකකිච්‌චානන්‌ති උක්‌ඛෙපනීයාදිකම්‌මං නිස්‌සාය උප්‌පජ්‌ජනකානං තදනුවත්‌තිකාය භික්‌ඛුනියා යාවතතියානුස්‌සාවනානං කිච්‌චානං වසෙන, න සබ්‌බෙසං කිච්‌චානං වසෙනාති.
342.Āpattiṃ nissāya uppajjanakaāpattivasenāti paresaṃ, attano ca āpattiṃ paṭicchādentānaṃ vajjapaṭicchādīnaṃ pārājikādiāpattimeva sandhāya vuttaṃ, na sabbāpattiyo. Kiccaṃ nissāya uppajjanakakiccānanti ukkhepanīyādikammaṃ nissāya uppajjanakānaṃ tadanuvattikāya bhikkhuniyā yāvatatiyānussāvanānaṃ kiccānaṃ vasena, na sabbesaṃ kiccānaṃ vasenāti.
344. පාළියං ‘‘කතිහි අධිකරණෙහී’’ති පුච්‌ඡාය ‘‘එකෙන අධිකරණෙන කිච්‌චාධිකරණෙනා’’ති වුත්‌තං. ‘‘කතිසු ඨානෙසූ’’ති පුච්‌ඡාය ‘‘තීසු ඨානෙසු සඞ්‌ඝමජ්‌ඣෙ, ගණමජ්‌ඣෙ, පුග්‌ගලස්‌ස සන්‌තිකෙ’’ති වුත්‌තං. ‘‘කතිහි සමථෙහී’’ති පුච්‌ඡාය ‘‘තීහි සමථෙහී’’ති වුත්‌තං. තීහිපි එතෙහි එකො වූපසමනප්‌පකාරොව පුච්‌ඡිතො, විස්‌සජ්‌ජිතො චාති වෙදිතබ්‌බො.
344. Pāḷiyaṃ ‘‘katihi adhikaraṇehī’’ti pucchāya ‘‘ekena adhikaraṇena kiccādhikaraṇenā’’ti vuttaṃ. ‘‘Katisu ṭhānesū’’ti pucchāya ‘‘tīsu ṭhānesu saṅghamajjhe, gaṇamajjhe, puggalassa santike’’ti vuttaṃ. ‘‘Katihi samathehī’’ti pucchāya ‘‘tīhi samathehī’’ti vuttaṃ. Tīhipi etehi eko vūpasamanappakārova pucchito, vissajjito cāti veditabbo.
348. විවාදාධිකරණං හොති අනුවාදාධිකරණන්‌තිආදීසු විවාදාධිකරණමෙව අනුවාදාධිකරණාදිපි හොතීති පුච්‌ඡාය විවාදාධිකරණං විවාදාධිකරණමෙව හොති, අනුවාදාදයො න හොතීති විස්‌සජ්‌ජනං.
348.Vivādādhikaraṇaṃhoti anuvādādhikaraṇantiādīsu vivādādhikaraṇameva anuvādādhikaraṇādipi hotīti pucchāya vivādādhikaraṇaṃ vivādādhikaraṇameva hoti, anuvādādayo na hotīti vissajjanaṃ.
අධිකරණනිදානාදිවණ්‌ණනා නිට්‌ඨිතා.
Adhikaraṇanidānādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
2. අධිකරණනිදානාදි • 2. Adhikaraṇanidānādi
4. අධිකරණපච්‌චයාපත්‌ති • 4. Adhikaraṇapaccayāpatti
5. අධිකරණාධිප්‌පායො • 5. Adhikaraṇādhippāyo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / අධිකරණනිදානාදිවණ්‌ණනා • Adhikaraṇanidānādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අධිකරණභෙදවණ්‌ණනා • Adhikaraṇabhedavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අධිකරණනිදානාදිවණ්‌ණනා • Adhikaraṇanidānādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / අධිකරණනිදානාදිවණ්‌ණනා • Adhikaraṇanidānādivaṇṇanā
