| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
ཨདྷིཀརཎནིདཱནཱདིཝཎྞནཱ
Adhikaraṇanidānādivaṇṇanā
༣༤༢-༣. ཀིཾསམྦྷཱརནྟི ཀིཾཔརིཀྑཱརཾ, ཨེཏྠ ཀིནྟི ལིངྒསཱམཉྙམབྱཡཾ། པུབྦེ ཨུཔྤནྣཝིཝཱདཾ ནིསྶཱཡ པཙྪཱ ཨུཔྤཛྫནཀཝིཝཱདོ ཝིཝཱདནིདཱནཾ ནཱམ། ཨཱཔཏྟཱདྷིཀརཎཔཙྩཡཱ ཙཏསྶོ ཨཱཔཏྟིཡོ ཨཱཔཛྫཏཱིཏི བྷིཀྑུནཱི ཛཱནཾ པཱརཱཛིཀཾ དྷམྨཾ པཊིཙྪཱདེཏི པཱརཱཛིཀཾ, ཝེམཏིཀཱ པཊིཙྪཱདེཏི ཐུལླཙྩཡཾ, བྷིཀྑུ སངྒྷཱདིསེསཾ པཊིཙྪཱདེཏི པཱཙིཏྟིཡཾ, ཨཱཙཱརཝིཔཏྟིཾ པཊིཙྪཱདེཏི དུཀྐཊཾ། པུབྦེ ཀཏཨུཀྑེཔནིཡཱདིཀིཙྩཾ ནིསྶཱཡ ཨུཔྤཛྫནཀཀིཙྩཱནཾ། ཀཱིདིསཱནཾ? སམནུབྷཱསནཱདཱིནཾ ཝསེན། ཏཾ ཧཱིཏི ཨདྷིཀརཎཾ།
342-3.Kiṃsambhāranti kiṃparikkhāraṃ, ettha kinti liṅgasāmaññamabyayaṃ. Pubbe uppannavivādaṃ nissāya pacchā uppajjanakavivādo vivādanidānaṃ nāma. Āpattādhikaraṇapaccayā catasso āpattiyo āpajjatīti bhikkhunī jānaṃ pārājikaṃ dhammaṃ paṭicchādeti pārājikaṃ, vematikā paṭicchādeti thullaccayaṃ, bhikkhu saṅghādisesaṃ paṭicchādeti pācittiyaṃ, ācāravipattiṃ paṭicchādeti dukkaṭaṃ. Pubbe kataukkhepaniyādikiccaṃ nissāya uppajjanakakiccānaṃ. Kīdisānaṃ? Samanubhāsanādīnaṃ vasena. Taṃ hīti adhikaraṇaṃ.
༣༤༤. ཨདྷིཀརཎེསུ ཡེན ཨདྷིཀརཎེན སམྨནྟི, ཏཾ དསྶེཏུནྟི ཡདཱ ཨདྷིཀརཎེཧི སམྨནྟི, ཏདཱ ཀིཙྩཱདྷིཀརཎེནེཝ སམྨནྟི, ན ཨཉྙེཧཱིཏི དསྶནཏྠཾ ཝུཏྟཾ, ན ཨེཀནྟཏོ ཨདྷིཀརཎེནེཝ སམྨནྟཱིཏི དསྶནཏྠཾ།
344. Adhikaraṇesu yena adhikaraṇena sammanti, taṃ dassetunti yadā adhikaraṇehi sammanti, tadā kiccādhikaraṇeneva sammanti, na aññehīti dassanatthaṃ vuttaṃ, na ekantato adhikaraṇeneva sammantīti dassanatthaṃ.
༣༤༨. ཨཱཔཏྟཱདྷིཀརཎེ སངྒྷོ ཝིཝདཏཱིཏི ཨཱཔཏྟཱནཱཔཏྟཱིཏི ཨེཝཾ།
348.Āpattādhikaraṇesaṅgho vivadatīti āpattānāpattīti evaṃ.
༣༥༣. སམུཊྛཱནཱབྷཱཝཏོ སམྨུཁཱཝིནཡེ ཀམྨསྶ ཀིརིཡཱཀརཎམིཙྩཱདིནཱ ཨཝིབྷཛིཏྭཱཝ སཏིཝིནཡཱདཱིནཾ ཚནྣཾཡེཝ ཚ སམུཊྛཱནཱནི ཝིབྷཏྟཱནི། ཏཾ ཀསྨཱ? ཀམྨསངྒཧཱབྷཱཝེན, སཏིཝིནཡཱདཱིནཾ ཝིཡ སངྒྷསམྨུཁཏཱདཱིནཾ ཀིཙྩཡཏཱ ནཱམ ནཏྠཱིཏི ཨདྷིཔྤཱཡོ།
353. Samuṭṭhānābhāvato sammukhāvinaye kammassa kiriyākaraṇamiccādinā avibhajitvāva sativinayādīnaṃ channaṃyeva cha samuṭṭhānāni vibhattāni. Taṃ kasmā? Kammasaṅgahābhāvena, sativinayādīnaṃ viya saṅghasammukhatādīnaṃ kiccayatā nāma natthīti adhippāyo.
ཨདྷིཀརཎབྷེདཝཎྞནཱ ནིཊྛིཏཱ།
Adhikaraṇabhedavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi
༢. ཨདྷིཀརཎནིདཱནཱདི • 2. Adhikaraṇanidānādi
༣. ཨདྷིཀརཎམཱུལཱདི • 3. Adhikaraṇamūlādi
༤. ཨདྷིཀརཎཔཙྩཡཱཔཏྟི • 4. Adhikaraṇapaccayāpatti
༥. ཨདྷིཀརཎཱདྷིཔྤཱཡོ • 5. Adhikaraṇādhippāyo
༩. སཏྟསམཐནིདཱནཾ • 9. Sattasamathanidānaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā
ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
སཏྟསམཐནིདཱནཝཎྞནཱ • Sattasamathanidānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨདྷིཀརཎབྷེདཝཎྞནཱ • Adhikaraṇabhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi
ཨདྷིཀརཎནིདཱནཱདིཝཎྞནཱ • Adhikaraṇanidānādivaṇṇanā
སཏྟསམཐནིདཱནཝཎྞནཱ • Sattasamathanidānavaṇṇanā
