| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
4. ад̇хигаран̣абажжаяаабад̇д̇и
4. Adhikaraṇapaccayāpatti
344. виваад̣̇аад̇хигаран̣ам̣ аабад̇д̇аанаабад̇д̇ийд̇и? виваад̣̇аад̇хигаран̣ам̣ на аабад̇д̇и. гим̣ бана виваад̣̇аад̇хигаран̣абажжаяаа аабад̇д̇им̣ аабаж̇ж̇зяяаад̇и? аама, виваад̣̇аад̇хигаран̣абажжаяаа аабад̇д̇им̣ аабаж̇ж̇зяяа. виваад̣̇аад̇хигаран̣абажжаяаа гад̇и аабад̇д̇ияо аабаж̇ж̇ад̇и? виваад̣̇аад̇хигаран̣абажжаяаа д̣̇вз аабад̇д̇ияо аабаж̇ж̇ад̇и. убасамбаннам̣ омасад̇и, аабад̇д̇и баажид̇д̇ияасса; анубасамбаннам̣ омасад̇и, аабад̇д̇и д̣̇уггадасса – виваад̣̇аад̇хигаран̣абажжаяаа имаа д̣̇вз аабад̇д̇ияо аабаж̇ж̇ад̇и.
344. Vivādādhikaraṇaṃ āpattānāpattīti? Vivādādhikaraṇaṃ na āpatti. Kiṃ pana vivādādhikaraṇapaccayā āpattiṃ āpajjeyyāti? Āma, vivādādhikaraṇapaccayā āpattiṃ āpajjeyya. Vivādādhikaraṇapaccayā kati āpattiyo āpajjati? Vivādādhikaraṇapaccayā dve āpattiyo āpajjati. Upasampannaṃ omasati, āpatti pācittiyassa; anupasampannaṃ omasati, āpatti dukkaṭassa – vivādādhikaraṇapaccayā imā dve āpattiyo āpajjati.
д̇аа аабад̇д̇ияо жад̇уннам̣ вибад̇д̇ийнам̣ гад̇и вибад̇д̇ияо бхаж̇анд̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? чаннам̣ аабад̇д̇исамудтаанаанам̣ гад̇ихи самудтаанзхи самудтанд̇и? гад̇ихи ад̇хигаран̣зхи гад̇ису таанзсу гад̇ихи самат̇зхи самманд̇и?
Tā āpattiyo catunnaṃ vipattīnaṃ kati vipattiyo bhajanti? Catunnaṃ adhikaraṇānaṃ katamaṃ adhikaraṇaṃ? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti? Katihi adhikaraṇehi katisu ṭhānesu katihi samathehi sammanti?
д̇аа аабад̇д̇ияо жад̇уннам̣ вибад̇д̇ийнам̣ згам̣ вибад̇д̇им̣ бхаж̇анд̇и – аажааравибад̇д̇им̣. жад̇уннам̣ ад̇хигаран̣аанам̣ , аабад̇д̇аад̇хигаран̣ам̣. сад̇д̇аннам̣ аабад̇д̇игканд̇хаанам̣ д̣̇вийхи аабад̇д̇игканд̇хзхи сан̇г̇ахид̇аа – сияаа баажид̇д̇ияаабад̇д̇игканд̇хзна, сияаа д̣̇уггадаабад̇д̇игканд̇хзна. чаннам̣ аабад̇д̇исамудтаанаанам̣ д̇ийхи самудтаанзхи самудтанд̇и. згзна ад̇хигаран̣зна – гижжаад̇хигаран̣зна; д̇ийсу таанзсу – сан̇гхамаж̇жхз, г̇ан̣амаж̇жхз, буг̇г̇аласса санд̇игз; д̇ийхи самат̇зхи самманд̇и – сияаа саммукаавинаязна жа бадин̃н̃аад̇агаран̣зна жа, сияаа саммукаавинаязна жа д̇ин̣авад̇т̇аарагзна жа.
Tā āpattiyo catunnaṃ vipattīnaṃ ekaṃ vipattiṃ bhajanti – ācāravipattiṃ. Catunnaṃ adhikaraṇānaṃ , āpattādhikaraṇaṃ. Sattannaṃ āpattikkhandhānaṃ dvīhi āpattikkhandhehi saṅgahitā – siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ tīhi samuṭṭhānehi samuṭṭhanti. Ekena adhikaraṇena – kiccādhikaraṇena; tīsu ṭhānesu – saṅghamajjhe, gaṇamajjhe, puggalassa santike; tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
345. ануваад̣̇аад̇хигаран̣ам̣ аабад̇д̇аанаабад̇д̇ийд̇и? ануваад̣̇аад̇хигаран̣ам̣ на аабад̇д̇и. гим̣ бана ануваад̣̇аад̇хигаран̣абажжаяаа аабад̇д̇им̣ аабаж̇ж̇зяяаад̇и? аама, ануваад̣̇аад̇хигаран̣абажжаяаа аабад̇д̇им̣ аабаж̇ж̇зяяа. ануваад̣̇аад̇хигаран̣абажжаяаа, гад̇и аабад̇д̇ияо аабаж̇ж̇ад̇и? ануваад̣̇аад̇хигаран̣абажжаяаа д̇иссо аабад̇д̇ияо аабаж̇ж̇ад̇и. бхигкум̣ амуулагзна баарааж̇игзна д̇хаммзна ануд̣̇д̇хам̣сзд̇и, аабад̇д̇и сан̇гхаад̣̇исзсасса; амуулагзна сан̇гхаад̣̇исзсзна ануд̣̇д̇хам̣сзд̇и, аабад̇д̇и баажид̇д̇ияасса; амуулигааяа аажааравибад̇д̇ияаа ануд̣̇д̇хам̣сзд̇и, аабад̇д̇и д̣̇уггадасса – ануваад̣̇аад̇хигаран̣абажжаяаа имаа д̇иссо аабад̇д̇ияо аабаж̇ж̇ад̇и.
345. Anuvādādhikaraṇaṃ āpattānāpattīti? Anuvādādhikaraṇaṃ na āpatti. Kiṃ pana anuvādādhikaraṇapaccayā āpattiṃ āpajjeyyāti? Āma, anuvādādhikaraṇapaccayā āpattiṃ āpajjeyya. Anuvādādhikaraṇapaccayā, kati āpattiyo āpajjati? Anuvādādhikaraṇapaccayā tisso āpattiyo āpajjati. Bhikkhuṃ amūlakena pārājikena dhammena anuddhaṃseti, āpatti saṅghādisesassa; amūlakena saṅghādisesena anuddhaṃseti, āpatti pācittiyassa; amūlikāya ācāravipattiyā anuddhaṃseti, āpatti dukkaṭassa – anuvādādhikaraṇapaccayā imā tisso āpattiyo āpajjati.
д̇аа аабад̇д̇ияо жад̇уннам̣ вибад̇д̇ийнам̣ гад̇и вибад̇д̇ияо бхаж̇анд̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? чаннам̣ аабад̇д̇исамудтаанаанам̣ гад̇ихи самудтаанзхи самудтанд̇и? гад̇ихи ад̇хигаран̣зхи гад̇ису таанзсу гад̇ихи самат̇зхи самманд̇и?
Tā āpattiyo catunnaṃ vipattīnaṃ kati vipattiyo bhajanti? Catunnaṃ adhikaraṇānaṃ katamaṃ adhikaraṇaṃ? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti? Katihi adhikaraṇehi katisu ṭhānesu katihi samathehi sammanti?
д̇аа аабад̇д̇ияо жад̇уннам̣ вибад̇д̇ийнам̣ д̣̇вз вибад̇д̇ияо бхаж̇анд̇и – сияаа сийлавибад̇д̇им̣, сияаа аажааравибад̇д̇им̣. жад̇уннам̣ ад̇хигаран̣аанам̣, аабад̇д̇аад̇хигаран̣ам̣. сад̇д̇аннам̣ аабад̇д̇игканд̇хаанам̣ д̇ийхи аабад̇д̇игканд̇хзхи сан̇г̇ахид̇аа – сияаа сан̇гхаад̣̇исзсаабад̇д̇игканд̇хзна, сияаа баажид̇д̇ияаабад̇д̇игканд̇хзна, сияаа д̣̇уггадаабад̇д̇игканд̇хзна. чаннам̣ аабад̇д̇исамудтаанаанам̣ д̇ийхи самудтаанзхи самудтанд̇и. яаа д̇аа аабад̇д̇ияо г̇аругаа д̇аа аабад̇д̇ияо згзна ад̇хигаран̣зна – гижжаад̇хигаран̣зна; згамхи таанз – сан̇гхамаж̇жхз; д̣̇вийхи самат̇зхи самманд̇и – саммукаавинаязна жа бадин̃н̃аад̇агаран̣зна жа. яаа д̇аа аабад̇д̇ияо лахугаа д̇аа аабад̇д̇ияо згзна ад̇хигаран̣зна – гижжаад̇хигаран̣зна; д̇ийсу таанзсу – сан̇гхамаж̇жхз г̇ан̣амаж̇жхз буг̇г̇аласса санд̇игз; д̇ийхи самат̇зхи самманд̇и – сияаа саммукаавинаязна жа бадин̃н̃аад̇агаран̣зна жа , сияаа саммукаавинаязна жа д̇ин̣авад̇т̇аарагзна жа.
Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Catunnaṃ adhikaraṇānaṃ, āpattādhikaraṇaṃ. Sattannaṃ āpattikkhandhānaṃ tīhi āpattikkhandhehi saṅgahitā – siyā saṅghādisesāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ tīhi samuṭṭhānehi samuṭṭhanti. Yā tā āpattiyo garukā tā āpattiyo ekena adhikaraṇena – kiccādhikaraṇena; ekamhi ṭhāne – saṅghamajjhe; dvīhi samathehi sammanti – sammukhāvinayena ca paṭiññātakaraṇena ca. Yā tā āpattiyo lahukā tā āpattiyo ekena adhikaraṇena – kiccādhikaraṇena; tīsu ṭhānesu – saṅghamajjhe gaṇamajjhe puggalassa santike; tīhi samathehi sammanti – siyā sammukhāvinayena ca paṭiññātakaraṇena ca , siyā sammukhāvinayena ca tiṇavatthārakena ca.
346. аабад̇д̇аад̇хигаран̣ам̣ аабад̇д̇аанаабад̇д̇ийд̇и? аабад̇д̇аад̇хигаран̣ам̣ аабад̇д̇и. гим̣ бана аабад̇д̇аад̇хигаран̣абажжаяаа аабад̇д̇им̣ аабаж̇ж̇зяяаад̇и? аама, аабад̇д̇аад̇хигаран̣абажжаяаа аабад̇д̇им̣ аабаж̇ж̇зяяа. аабад̇д̇аад̇хигаран̣абажжаяаа гад̇и аабад̇д̇ияо аабаж̇ж̇ад̇и? аабад̇д̇аад̇хигаран̣абажжаяаа жад̇ассо аабад̇д̇ияо аабаж̇ж̇ад̇и. бхигкуний ж̇аанам̣ баарааж̇игам̣ д̇хаммам̣ 1 бадижчаад̣̇зд̇и, аабад̇д̇и баарааж̇игасса; взмад̇игаа бадижчаад̣̇зд̇и, аабад̇д̇и т̇уллажжаяасса; бхигку сан̇гхаад̣̇исзсам̣ бадижчаад̣̇зд̇и, аабад̇д̇и баажид̇д̇ияасса; аажааравибад̇д̇им̣ бадижчаад̣̇зд̇и, аабад̇д̇и д̣̇уггадасса – аабад̇д̇аад̇хигаран̣абажжаяаа имаа жад̇ассо аабад̇д̇ияо аабаж̇ж̇ад̇и.
346. Āpattādhikaraṇaṃ āpattānāpattīti? Āpattādhikaraṇaṃ āpatti. Kiṃ pana āpattādhikaraṇapaccayā āpattiṃ āpajjeyyāti? Āma, āpattādhikaraṇapaccayā āpattiṃ āpajjeyya. Āpattādhikaraṇapaccayā kati āpattiyo āpajjati? Āpattādhikaraṇapaccayā catasso āpattiyo āpajjati. Bhikkhunī jānaṃ pārājikaṃ dhammaṃ 2 paṭicchādeti, āpatti pārājikassa; vematikā paṭicchādeti, āpatti thullaccayassa; bhikkhu saṅghādisesaṃ paṭicchādeti, āpatti pācittiyassa; ācāravipattiṃ paṭicchādeti, āpatti dukkaṭassa – āpattādhikaraṇapaccayā imā catasso āpattiyo āpajjati.
д̇аа аабад̇д̇ияо жад̇уннам̣ вибад̇д̇ийнам̣ гад̇и вибад̇д̇ияо бхаж̇анд̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? чаннам̣ аабад̇д̇исамудтаанаанам̣ гад̇ихи самудтаанзхи самудтанд̇и ? гад̇ихи ад̇хигаран̣зхи гад̇ису таанзсу гад̇ихи самат̇зхи самманд̇и?
Tā āpattiyo catunnaṃ vipattīnaṃ kati vipattiyo bhajanti? Catunnaṃ adhikaraṇānaṃ katamaṃ adhikaraṇaṃ? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti ? Katihi adhikaraṇehi katisu ṭhānesu katihi samathehi sammanti?
д̇аа аабад̇д̇ияо жад̇уннам̣ вибад̇д̇ийнам̣ д̣̇вз вибад̇д̇ияо бхаж̇анд̇и – сияаа сийлавибад̇д̇им̣ сияаа аажааравибад̇д̇им̣. жад̇уннам̣ ад̇хигаран̣аанам̣ – аабад̇д̇аад̇хигаран̣ам̣. сад̇д̇аннам̣ аабад̇д̇игканд̇хаанам̣ жад̇уухи аабад̇д̇игканд̇хзхи сан̇г̇ахид̇аа – сияаа баарааж̇игаабад̇д̇игканд̇хзна, сияаа т̇уллажжаяаабад̇д̇игканд̇хзна, сияаа баажид̇д̇ияаабад̇д̇игканд̇хзна, сияаа д̣̇уггадаабад̇д̇игканд̇хзна. чаннам̣ аабад̇д̇исамудтаанаанам̣ згзна самудтаанзна самудтанд̇и – гааяад̇о жа ваажад̇о жа жид̇д̇ад̇о жа самудтанд̇и. яаа саа аабад̇д̇и анавасзсаа саа аабад̇д̇и на гад̇амзна ад̇хигаран̣зна, на гад̇амамхи таанз, на гад̇амзна самат̇зна саммад̇и. яаа д̇аа аабад̇д̇ияо лахугаа д̇аа аабад̇д̇ияо згзна ад̇хигаран̣зна – гижжаад̇хигаран̣зна; д̇ийсу таанзсу – сан̇гхамаж̇жхз, г̇ан̣амаж̇жхз, буг̇г̇аласса санд̇игз; д̇ийхи самат̇зхи самманд̇и – сияаа саммукаавинаязна жа бадин̃н̃аад̇агаран̣зна жа, сияаа саммукаавинаязна жа д̇ин̣авад̇т̇аарагзна жа.
Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ siyā ācāravipattiṃ. Catunnaṃ adhikaraṇānaṃ – āpattādhikaraṇaṃ. Sattannaṃ āpattikkhandhānaṃ catūhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca vācato ca cittato ca samuṭṭhanti. Yā sā āpatti anavasesā sā āpatti na katamena adhikaraṇena, na katamamhi ṭhāne, na katamena samathena sammati. Yā tā āpattiyo lahukā tā āpattiyo ekena adhikaraṇena – kiccādhikaraṇena; tīsu ṭhānesu – saṅghamajjhe, gaṇamajjhe, puggalassa santike; tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
347. гижжаад̇хигаран̣ам̣ аабад̇д̇аанаабад̇д̇ийд̇и? гижжаад̇хигаран̣ам̣ на аабад̇д̇и. гим̣ бана гижжаад̇хигаран̣абажжаяаа аабад̇д̇им̣ аабаж̇ж̇зяяаад̇и? аама, гижжаад̇хигаран̣абажжаяаа аабад̇д̇им̣ аабаж̇ж̇зяяа. гижжаад̇хигаран̣абажжаяаа гад̇и аабад̇д̇ияо аабаж̇ж̇ад̇и? гижжаад̇хигаран̣абажжаяаа бан̃жа аабад̇д̇ияо аабаж̇ж̇ад̇и. угкид̇д̇аанувад̇д̇игаа бхигкуний яаавад̇ад̇ияам̣ саманубхаасанааяа на бадиниссаж̇ж̇ад̇и, н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и баарааж̇игасса; бхзд̣̇агаанувад̇д̇агаа бхигкуу яаавад̇ад̇ияам̣ саманубхаасанааяа на бадиниссаж̇ж̇анд̇и, аабад̇д̇и сан̇гхаад̣̇исзсасса; баабигааяа д̣̇идтияаа яаавад̇ад̇ияам̣ саманубхаасанааяа на бадиниссаж̇ж̇анд̇и, аабад̇д̇и баажид̇д̇ияасса – гижжаад̇хигаран̣абажжаяаа имаа бан̃жа аабад̇д̇ияо аабаж̇ж̇ад̇и.
347. Kiccādhikaraṇaṃ āpattānāpattīti? Kiccādhikaraṇaṃ na āpatti. Kiṃ pana kiccādhikaraṇapaccayā āpattiṃ āpajjeyyāti? Āma, kiccādhikaraṇapaccayā āpattiṃ āpajjeyya. Kiccādhikaraṇapaccayā kati āpattiyo āpajjati? Kiccādhikaraṇapaccayā pañca āpattiyo āpajjati. Ukkhittānuvattikā bhikkhunī yāvatatiyaṃ samanubhāsanāya na paṭinissajjati, ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti pārājikassa; bhedakānuvattakā bhikkhū yāvatatiyaṃ samanubhāsanāya na paṭinissajjanti, āpatti saṅghādisesassa; pāpikāya diṭṭhiyā yāvatatiyaṃ samanubhāsanāya na paṭinissajjanti, āpatti pācittiyassa – kiccādhikaraṇapaccayā imā pañca āpattiyo āpajjati.
д̇аа аабад̇д̇ияо жад̇уннам̣ вибад̇д̇ийнам̣ гад̇и вибад̇д̇ияо бхаж̇анд̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? чаннам̣ аабад̇д̇исамудтаанаанам̣ гад̇ихи самудтаанзхи самудтанд̇и? гад̇ихи ад̇хигаран̣зхи гад̇ису таанзсу гад̇ихи самат̇зхи самманд̇и?
Tā āpattiyo catunnaṃ vipattīnaṃ kati vipattiyo bhajanti? Catunnaṃ adhikaraṇānaṃ katamaṃ adhikaraṇaṃ? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti? Katihi adhikaraṇehi katisu ṭhānesu katihi samathehi sammanti?
д̇аа аабад̇д̇ияо жад̇уннам̣ вибад̇д̇ийнам̣ д̣̇вз вибад̇д̇ияо бхаж̇анд̇и – сияаа сийлавибад̇д̇им̣ сияаа аажааравибад̇д̇им̣. жад̇уннам̣ ад̇хигаран̣аанам̣ – аабад̇д̇аад̇хигаран̣ам̣. сад̇д̇аннам̣ аабад̇д̇игканд̇хаанам̣ бан̃жахи аабад̇д̇игканд̇хзхи сан̇г̇ахид̇аа – сияаа баарааж̇игаабад̇д̇игканд̇хзна, сияаа сан̇гхаад̣̇исзсаабад̇д̇игканд̇хзна, сияаа т̇уллажжаяаабад̇д̇игканд̇хзна, сияаа баажид̇д̇ияаабад̇д̇игканд̇хзна, сияаа д̣̇уггадаабад̇д̇игканд̇хзна. чаннам̣ аабад̇д̇исамудтаанаанам̣ згзна самудтаанзна самудтанд̇и – гааяад̇о жа ваажад̇о жа жид̇д̇ад̇о жа самудтанд̇и. яаа саа аабад̇д̇и анавасзсаа саа аабад̇д̇и на гад̇амзна ад̇хигаран̣зна, на гад̇амамхи таанз, на гад̇амзна самат̇зна саммад̇и. яаа саа аабад̇д̇и г̇аругаа саа аабад̇д̇и згзна ад̇хигаран̣зна – гижжаад̇хигаран̣зна; згамхи таанз – сан̇гхамаж̇жхз; д̣̇вийхи самат̇зхи саммад̇и – саммукаавинаязна жа бадин̃н̃аад̇агаран̣зна жа. яаа д̇аа аабад̇д̇ияо лахугаа д̇аа аабад̇д̇ияо згзна ад̇хигаран̣зна – гижжаад̇хигаран̣зна; д̇ийсу таанзсу – сан̇гхамаж̇жхз, г̇ан̣амаж̇жхз, буг̇г̇аласса санд̇игз; д̇ийхи самат̇зхи самманд̇и – сияаа саммукаавинаязна жа бадин̃н̃аад̇агаран̣зна жа, сияаа саммукаавинаязна жа д̇ин̣авад̇т̇аарагзна жа.
Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ siyā ācāravipattiṃ. Catunnaṃ adhikaraṇānaṃ – āpattādhikaraṇaṃ. Sattannaṃ āpattikkhandhānaṃ pañcahi āpattikkhandhehi saṅgahitā – siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca vācato ca cittato ca samuṭṭhanti. Yā sā āpatti anavasesā sā āpatti na katamena adhikaraṇena, na katamamhi ṭhāne, na katamena samathena sammati. Yā sā āpatti garukā sā āpatti ekena adhikaraṇena – kiccādhikaraṇena; ekamhi ṭhāne – saṅghamajjhe; dvīhi samathehi sammati – sammukhāvinayena ca paṭiññātakaraṇena ca. Yā tā āpattiyo lahukā tā āpattiyo ekena adhikaraṇena – kiccādhikaraṇena; tīsu ṭhānesu – saṅghamajjhe, gaṇamajjhe, puggalassa santike; tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абхзд̣̇аван̣н̣анаа • Adhikaraṇabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
