| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
అధికరణపచ్చయవారవణ్ణనా
Adhikaraṇapaccayavāravaṇṇanā
౨౯౧. పఞ్చమే అధికరణపచ్చయవారే కిచ్చాధికరణపచ్చయాతి అపలోకనవచనఞత్తికమ్మవాచాసఙ్ఖతకమ్మవాచాపచ్చయా. పఞ్చాతి ఏత్థ అధమ్మికకతికాదిం అపలోకేత్వా కరోన్తానం అనిమిత్తన్తి అత్థో. పఞ్చమే అధికరణపచ్చయవారే కిచ్చాధికరణపచ్చయా అపలోకనావసానే దుక్కటం, అధిప్పాయాదినా ఞత్తికమ్మాదిం కరోన్తానం థుల్లచ్చయాది చ సఙ్గయ్హతీతి దట్ఠబ్బం. అవసేసా ఆపత్తియోతి సోతాపత్తిఫలసమాపత్తిఆదయో. ‘‘నత్థఞ్ఞా ఆపత్తియో’’తి ఇదం విపత్తిఆదిభాగినియో సావజ్జాపత్తియో సన్ధాయ వుత్తం.
291. Pañcame adhikaraṇapaccayavāre kiccādhikaraṇapaccayāti apalokanavacanañattikammavācāsaṅkhatakammavācāpaccayā. Pañcāti ettha adhammikakatikādiṃ apaloketvā karontānaṃ animittanti attho. Pañcame adhikaraṇapaccayavāre kiccādhikaraṇapaccayā apalokanāvasāne dukkaṭaṃ, adhippāyādinā ñattikammādiṃ karontānaṃ thullaccayādi ca saṅgayhatīti daṭṭhabbaṃ. Avasesā āpattiyoti sotāpattiphalasamāpattiādayo. ‘‘Natthaññā āpattiyo’’ti idaṃ vipattiādibhāginiyo sāvajjāpattiyo sandhāya vuttaṃ.
అధికరణపచ్చయవారవణ్ణనా నిట్ఠితా.
Adhikaraṇapaccayavāravaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౫. అధికరణపచ్చయవారో • 5. Adhikaraṇapaccayavāro
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ఛఆపత్తిసముట్ఠానవారాదివణ్ణనా • Chaāpattisamuṭṭhānavārādivaṇṇanā
