| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੫. ਅਧਿਕਰਣਪਚ੍ਚਯવਾਰੋ
5. Adhikaraṇapaccayavāro
੨੮੮. વਿવਾਦਾਧਿਕਰਣਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? વਿવਾਦਾਧਿਕਰਣਪਚ੍ਚਯਾ ਦ੍વੇ ਆਪਤ੍ਤਿਯੋ ਆਪਜ੍ਜਤਿ – ਉਪਸਮ੍ਪਨ੍ਨਂ ਓਮਸਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ; ਅਨੁਪਸਮ੍ਪਨ੍ਨਂ ਓਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ – વਿવਾਦਾਧਿਕਰਣਪਚ੍ਚਯਾ ਇਮਾ ਦ੍વੇ ਆਪਤ੍ਤਿਯੋ ਆਪਜ੍ਜਤਿ।
288. Vivādādhikaraṇapaccayā kati āpattiyo āpajjati? Vivādādhikaraṇapaccayā dve āpattiyo āpajjati – upasampannaṃ omasati, āpatti pācittiyassa; anupasampannaṃ omasati, āpatti dukkaṭassa – vivādādhikaraṇapaccayā imā dve āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਏਕਂ વਿਪਤ੍ਤਿਂ ਭਜਨ੍ਤਿ – ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਦ੍વੀਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਤੀਹਿ ਸਮੁਟ੍ਠਾਨੇਹਿ ਸਮੁਟ੍ਠਨ੍ਤਿ – ਸਿਯਾ ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ વਾਚਤੋ; ਸਿਯਾ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ ਕਾਯਤੋ; ਸਿਯਾ ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ ekaṃ vipattiṃ bhajanti – ācāravipattiṃ. Sattannaṃ āpattikkhandhānaṃ dvīhi āpattikkhandhehi saṅgahitā – siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ tīhi samuṭṭhānehi samuṭṭhanti – siyā kāyato ca cittato ca samuṭṭhanti, na vācato; siyā vācato ca cittato ca samuṭṭhanti, na kāyato; siyā kāyato ca vācato ca cittato ca samuṭṭhanti. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੮੯. ਅਨੁવਾਦਾਧਿਕਰਣਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਅਨੁવਾਦਾਧਿਕਰਣਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ। ਭਿਕ੍ਖੁਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਅਮੂਲਕੇਨ ਸਙ੍ਘਾਦਿਸੇਸੇਨ ਅਨੁਦ੍ਧਂਸੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ; ਅਮੂਲਿਕਾਯ ਆਚਾਰવਿਪਤ੍ਤਿਯਾ ਅਨੁਦ੍ਧਂਸੇਤਿ, ਆਪਤ੍ਤਿ ਦੁਕ੍ਕਟਸ੍ਸ – ਅਨੁવਾਦਾਧਿਕਰਣਪਚ੍ਚਯਾ ਇਮਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ।
289. Anuvādādhikaraṇapaccayā kati āpattiyo āpajjati? Anuvādādhikaraṇapaccayā tisso āpattiyo āpajjati. Bhikkhuṃ amūlakena pārājikena dhammena anuddhaṃseti, āpatti saṅghādisesassa; amūlakena saṅghādisesena anuddhaṃseti, āpatti pācittiyassa; amūlikāya ācāravipattiyā anuddhaṃseti, āpatti dukkaṭassa – anuvādādhikaraṇapaccayā imā tisso āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਤੀਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ । ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਤੀਹਿ ਸਮੁਟ੍ਠਾਨੇਹਿ ਸਮੁਟ੍ਠਨ੍ਤਿ – ਸਿਯਾ ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ વਾਚਤੋ; ਸਿਯਾ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ ਕਾਯਤੋ; ਸਿਯਾ ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ tīhi āpattikkhandhehi saṅgahitā – siyā saṅghādisesāpattikkhandhena, siyā pācittiyāpattikkhandhena, siyā dukkaṭāpattikkhandhena . Channaṃ āpattisamuṭṭhānānaṃ tīhi samuṭṭhānehi samuṭṭhanti – siyā kāyato ca cittato ca samuṭṭhanti, na vācato; siyā vācato ca cittato ca samuṭṭhanti, na kāyato; siyā kāyato ca vācato ca cittato ca samuṭṭhanti. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੯੦. ਆਪਤ੍ਤਾਧਿਕਰਣਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਆਪਤ੍ਤਾਧਿਕਰਣਪਚ੍ਚਯਾ ਚਤਸ੍ਸੋ ਆਪਤ੍ਤਿਯੋ ਆਪਜ੍ਜਤਿ। ਭਿਕ੍ਖੁਨੀ ਜਾਨਂ ਪਾਰਾਜਿਕਂ ਧਮ੍ਮਂ ਪਟਿਚ੍ਛਾਦੇਤਿ, ਆਪਤ੍ਤਿ ਪਾਰਾਜਿਕਸ੍ਸ; વੇਮਤਿਕਾ ਪਟਿਚ੍ਛਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਭਿਕ੍ਖੁ ਸਙ੍ਘਾਦਿਸੇਸਂ ਪਟਿਚ੍ਛਾਦੇਤਿ; ਆਪਤ੍ਤਿ ਪਾਚਿਤ੍ਤਿਯਸ੍ਸ; ਆਚਾਰવਿਪਤ੍ਤਿਂ ਪਟਿਚ੍ਛਾਦੇਤਿ, ਆਪਤ੍ਤਿ ਦੁਕ੍ਕਟਸ੍ਸ – ਆਪਤ੍ਤਾਧਿਕਰਣਪਚ੍ਚਯਾ ਇਮਾ ਚਤਸ੍ਸੋ ਆਪਤ੍ਤਿਯੋ ਆਪਜ੍ਜਤਿ।
290. Āpattādhikaraṇapaccayā kati āpattiyo āpajjati? Āpattādhikaraṇapaccayā catasso āpattiyo āpajjati. Bhikkhunī jānaṃ pārājikaṃ dhammaṃ paṭicchādeti, āpatti pārājikassa; vematikā paṭicchādeti, āpatti thullaccayassa; bhikkhu saṅghādisesaṃ paṭicchādeti; āpatti pācittiyassa; ācāravipattiṃ paṭicchādeti, āpatti dukkaṭassa – āpattādhikaraṇapaccayā imā catasso āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਚਤੂਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਰਾਜਿਕਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ catūhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca vācato ca cittato ca samuṭṭhanti. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
੨੯੧. ਕਿਚ੍ਚਾਧਿਕਰਣਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਕਿਚ੍ਚਾਧਿਕਰਣਪਚ੍ਚਯਾ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ। ਉਕ੍ਖਿਤ੍ਤਾਨੁવਤ੍ਤਿਕਾ ਭਿਕ੍ਖੁਨੀ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਤਿ, ਞਤ੍ਤਿਯਾ ਦੁਕ੍ਕਟਂ; ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ; ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਪਾਰਾਜਿਕਸ੍ਸ। ਭੇਦਕਾਨੁવਤ੍ਤਕਾ ਭਿਕ੍ਖੂ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਪਾਪਿਕਾਯ ਦਿਟ੍ਠਿਯਾ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ – ਕਿਚ੍ਚਾਧਿਕਰਣਪਚ੍ਚਯਾ ਇਮਾ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ।
291. Kiccādhikaraṇapaccayā kati āpattiyo āpajjati? Kiccādhikaraṇapaccayā pañca āpattiyo āpajjati. Ukkhittānuvattikā bhikkhunī yāvatatiyaṃ samanubhāsanāya na paṭinissajjati, ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti pārājikassa. Bhedakānuvattakā bhikkhū yāvatatiyaṃ samanubhāsanāya na paṭinissajjanti, āpatti saṅghādisesassa; pāpikāya diṭṭhiyā yāvatatiyaṃ samanubhāsanāya na paṭinissajjati, āpatti pācittiyassa – kiccādhikaraṇapaccayā imā pañca āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ…ਪੇ॰… ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਪਞ੍ਚਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਰਾਜਿਕਾਪਤ੍ਤਿਕ੍ਖਨ੍ਧੇਨ, ਸਿਯਾ ਸਙ੍ਘਾਦਿਸੇਸਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਪਾਚਿਤ੍ਤਿਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਚ વਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ । ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Tā āpattiyo catunnaṃ vipattīnaṃ kati vipattiyo bhajanti…pe… sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ pañcahi āpattikkhandhehi saṅgahitā – siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca vācato ca cittato ca samuṭṭhanti . Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
ਠਪੇਤ੍વਾ ਸਤ੍ਤ ਆਪਤ੍ਤਿਯੋ ਸਤ੍ਤ ਆਪਤ੍ਤਿਕ੍ਖਨ੍ਧੇ, ਅવਸੇਸਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ? ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਕਤਿਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ? ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਨ੍ਤਿ? ਚਤੁਨ੍ਨਂ ਅਧਿਕਰਣਾਨਂ ਕਤਮਂ ਅਧਿਕਰਣਂ? ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਠਪੇਤ੍વਾ ਸਤ੍ਤ ਆਪਤ੍ਤਿਯੋ ਸਤ੍ਤ ਆਪਤ੍ਤਿਕ੍ਖਨ੍ਧੇ ਅવਸੇਸਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਨ ਕਤਮਂ વਿਪਤ੍ਤਿਂ ਭਜਨ੍ਤਿ? ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਨ ਕਤਮੇਨ ਆਪਤ੍ਤਿਕ੍ਖਨ੍ਧੇਨ ਸਙ੍ਗਹਿਤਾ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਨ ਕਤਮੇਨ ਆਪਤ੍ਤਿਸਮੁਟ੍ਠਾਨੇਨ ਸਮੁਟ੍ਠਨ੍ਤਿ। ਚਤੁਨ੍ਨਂ ਅਧਿਕਰਣਾਨਂ ਨ ਕਤਮਂ ਅਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਨ ਕਤਮੇਨ ਸਮਥੇਨ ਸਮ੍ਮਨ੍ਤਿ। ਤਂ ਕਿਸ੍ਸ ਹੇਤੁ? ਠਪੇਤ੍વਾ ਸਤ੍ਤ ਆਪਤ੍ਤਿਯੋ ਸਤ੍ਤ ਆਪਤ੍ਤਿਕ੍ਖਨ੍ਧੇ, ਨਤ੍ਥਞ੍ਞਾ ਆਪਤ੍ਤਿਯੋਤਿ।
Ṭhapetvā satta āpattiyo satta āpattikkhandhe, avasesā āpattiyo catunnaṃ vipattīnaṃ kati vipattiyo bhajanti? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammanti? Ṭhapetvā satta āpattiyo satta āpattikkhandhe avasesā āpattiyo catunnaṃ vipattīnaṃ na katamaṃ vipattiṃ bhajanti? Sattannaṃ āpattikkhandhānaṃ na katamena āpattikkhandhena saṅgahitā. Channaṃ āpattisamuṭṭhānānaṃ na katamena āpattisamuṭṭhānena samuṭṭhanti. Catunnaṃ adhikaraṇānaṃ na katamaṃ adhikaraṇaṃ. Sattannaṃ samathānaṃ na katamena samathena sammanti. Taṃ kissa hetu? Ṭhapetvā satta āpattiyo satta āpattikkhandhe, natthaññā āpattiyoti.
ਅਧਿਕਰਣਪਚ੍ਚਯવਾਰੋ ਨਿਟ੍ਠਿਤੋ ਪਞ੍ਚਮੋ।
Adhikaraṇapaccayavāro niṭṭhito pañcamo.
ਤਸ੍ਸੁਦ੍ਦਾਨਂ –
Tassuddānaṃ –
ਕਤਿਪੁਚ੍ਛਾ ਸਮੁਟ੍ਠਾਨਾ, ਕਤਾਪਤ੍ਤਿ ਤਥੇવ ਚ।
Katipucchā samuṭṭhānā, katāpatti tatheva ca;
ਸਮੁਟ੍ਠਾਨਾ વਿਪਤ੍ਤਿ ਚ, ਤਥਾਧਿਕਰਣੇਨ ਚਾਤਿ॥
Samuṭṭhānā vipatti ca, tathādhikaraṇena cāti.
Footnotes:
Related texts:
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਆਪਤ੍ਤਿਸਮੁਟ੍ਠਾਨવਾਰਾਦਿવਣ੍ਣਨਾ • Chaāpattisamuṭṭhānavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਿਕਰਣਪਚ੍ਚਯવਾਰવਣ੍ਣਨਾ • Adhikaraṇapaccayavāravaṇṇanā
