| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
самат̇абхзд̣̇аван̣н̣анаа
Samathabhedavaṇṇanā
ад̇хигаран̣абарияааяаваараад̣̇иван̣н̣анаа
Adhikaraṇapariyāyavārādivaṇṇanā
293-4. лобхагааран̣аа виваад̣̇анад̇о ‘‘лобхо буб̣б̣ан̇г̇амо’’д̇и вуд̇д̇ам̣. звам̣ сзсзсу. таанаанийд̇иаад̣̇ийни гааран̣авзважанаани. гааран̣ан̃хи д̇идтанд̇и зд̇т̇аад̇и таанам̣, васанд̇и зд̇т̇аад̇и вад̇т̇у, бхаванд̇и зд̇т̇аад̇и бхуумийд̇и вужжад̇и. гз д̇идтанд̇и васанд̇и бхаванд̇и жаад̇и? виваад̣̇аад̇хигаран̣аад̣̇аяо. гусалаагусалааб̣яаагад̇ажид̇д̇о худ̇ваа вивад̣̇анад̇о ‘‘нава хзд̇уу’’д̇и вуд̇д̇ам̣. год̇хано ход̇и убанаахийд̇иаад̣̇ийни д̣̇ваад̣̇аса муулаани. аггосанд̇зна хи жад̇уусу вибад̇д̇ийсу згзна анувад̣̇анад̇о ‘‘жад̇ассо вибад̇д̇ияо таанааний’’д̇и вуд̇д̇ам̣. жуд̣̇д̣̇аса муулаанийд̇и виваад̣̇аад̇хигаран̣з вуд̇д̇аа д̣̇ваад̣̇аса, гааяо, ваажаа жа.
293-4.Lobhakāraṇāvivādanato ‘‘lobho pubbaṅgamo’’ti vuttaṃ. Evaṃ sesesu. Ṭhānānītiādīni kāraṇavevacanāni. Kāraṇañhi tiṭṭhanti etthāti ṭhānaṃ, vasanti etthāti vatthu, bhavanti etthāti bhūmīti vuccati. Ke tiṭṭhanti vasanti bhavanti cāti? Vivādādhikaraṇādayo. Kusalākusalābyākatacitto hutvā vivadanato ‘‘nava hetū’’ti vuttaṃ. Kodhano hoti upanāhītiādīni dvādasa mūlāni. Akkosantena hi catūsu vipattīsu ekena anuvadanato ‘‘catasso vipattiyo ṭhānānī’’ti vuttaṃ. Cuddasa mūlānīti vivādādhikaraṇe vuttā dvādasa, kāyo, vācā ca.
295-6. сад̇д̇а аабад̇д̇игканд̇хаа таанаанийд̇и зд̇т̇а ‘‘аабад̇д̇им̣ аабаж̇ж̇ид̇ваа бадижчаад̣̇знд̇асса яаа аабад̇д̇и ход̇и, д̇ассаа аабад̇д̇ияаа буб̣б̣з аабаннаа аабад̇д̇и таанам̣ ход̇ий’’д̇и вуд̇д̇ам̣. ‘‘над̇т̇и аабад̇д̇аад̇хигаран̣ам̣ гусаланд̇и важанад̇о над̇т̇и аабад̇д̇аад̇хигаран̣асса гусалахзд̇у, гусалажид̇д̇ам̣ бана ан̇г̇ам̣ ход̇ий’’д̇и ликид̇ам̣. жад̇д̇аари гаммаани таанаанийд̇и зд̇т̇а ‘‘звам̣ гад̇д̇аб̣б̣анд̇и тид̇абаал̣и гаммам̣ наама. ‘яат̇аатид̇абаал̣ивасзна гаронд̇аанам̣ гирияаа гижжаад̇хигаран̣ам̣ наамаа’’’д̇и вуд̇д̇ам̣, ‘‘баал̣ианусаарзна бадигаад̇аб̣б̣алагкан̣ам̣ ваа гаммам̣. д̇ат̇зва гаран̣ам̣ гижжаад̇хигаран̣а’’нд̇и жа. н̃ад̇д̇ин̃ад̇д̇ид̣̇уд̇ияан̃ад̇д̇ижад̇уд̇т̇агаммаани н̃ад̇д̇ид̇о ж̇ааяанд̇и, абалоганагаммам̣ абалоганад̇о, ‘‘гижжаад̇хигаран̣ам̣ згзна самат̇зна саммад̇и самбаж̇ж̇ад̇ийд̇и ад̇т̇о’’д̇и ликид̇ам̣. сияунд̇и хонд̇и. гат̇ан̃жа сияаад̇и гат̇ам̣ ход̇и. виваад̣̇аад̇хигаран̣асса д̣̇взд̇и д̇з д̣̇вз табзд̇ваа ан̃н̃зхи на саммад̇и.
295-6.Satta āpattikkhandhā ṭhānānīti ettha ‘‘āpattiṃ āpajjitvā paṭicchādentassa yā āpatti hoti, tassā āpattiyā pubbe āpannā āpatti ṭhānaṃ hotī’’ti vuttaṃ. ‘‘Natthi āpattādhikaraṇaṃ kusalanti vacanato natthi āpattādhikaraṇassa kusalahetu, kusalacittaṃ pana aṅgaṃ hotī’’ti likhitaṃ. Cattāri kammāni ṭhānānīti ettha ‘‘evaṃ kattabbanti ṭhitapāḷi kammaṃ nāma. ‘Yathāṭhitapāḷivasena karontānaṃ kiriyā kiccādhikaraṇaṃ nāmā’’’ti vuttaṃ, ‘‘pāḷianusārena paṭikātabbalakkhaṇaṃ vā kammaṃ. Tatheva karaṇaṃ kiccādhikaraṇa’’nti ca. Ñattiñattidutiyañatticatutthakammāni ñattito jāyanti, apalokanakammaṃ apalokanato, ‘‘kiccādhikaraṇaṃ ekena samathena sammati sampajjatīti attho’’ti likhitaṃ. Siyunti honti. Kathañca siyāti kathaṃ hoti. Vivādādhikaraṇassa dveti te dve ṭhapetvā aññehi na sammati.
297. саад̇хааран̣аад̇и д̇ам̣ самзд̇аб̣б̣аа.
297.Sādhāraṇāti taṃ sametabbā.
298. д̇аб̣бхааг̇ияаад̇и д̇ам̣годтаасаа.
298.Tabbhāgiyāti taṃkoṭṭhāsā.
299. згаад̇хигаран̣ам̣ саб̣б̣з самат̇аа самаг̇г̇аа худ̇ваа самзд̇ум̣ бхаб̣б̣аад̇и бужчанд̇о ‘‘самат̇аа самат̇асса саад̇хааран̣аа’’д̇и ааха. самат̇аа самат̇ассаа сияаа саад̇хааран̣аа сияаа асаад̇хааран̣аа.
299. Ekādhikaraṇaṃ sabbe samathā samaggā hutvā sametuṃ bhabbāti pucchanto ‘‘samathā samathassa sādhāraṇā’’ti āha. Samathā samathassā siyā sādhāraṇā siyā asādhāraṇā.
300. самат̇аа самат̇асса д̇аб̣бхааг̇ияаваарзби зсзва наяо.
300. Samathā samathassa tabbhāgiyavārepi eseva nayo.
301. имз самат̇аа самат̇аа, на саммукаавинаяод̇и ад̇т̇о.
301. Ime samathā samathā, na sammukhāvinayoti attho.
302. ‘‘самат̇аа винаяо’’д̇иби вужжад̇и, д̇асмаа винаяо саммукаавинаяод̇и винаяавааро уд̣̇д̇хадо сияаа. на саммукаавинаяод̇и саммукаавинаяам̣ табзд̇ваа сад̇ивинаяаад̣̇аяо сзсасамат̇аа.
302. ‘‘Samathā vinayo’’tipi vuccati, tasmā vinayo sammukhāvinayoti vinayavāro uddhaṭo siyā. Na sammukhāvinayoti sammukhāvinayaṃ ṭhapetvā sativinayādayo sesasamathā.
303. сан̇гхасса саммукаа бадин̃н̃аад̇з д̇ам̣ бадиж̇аананам̣ сан̇гхасса саммукад̇аа наама ход̇ийд̇и ‘‘д̇асса бадиж̇аананажид̇д̇ам̣ санд̇хааяа ‘саммукаавинаяо гусало’д̇иаад̣̇и вуд̇д̇а’’нд̇и вад̣̇анд̇и. над̇т̇и саммукаавинаяо агусалод̇и ‘‘д̇хаммавинаяабуг̇г̇аласаммукад̇аахи д̇иван̇г̇иго саммукаавинаяо зд̇зхи винаа над̇т̇и. д̇ад̇т̇а гусалажид̇д̇зхи гаран̣агаалз гусало, араханд̇аанам̣ гаран̣агаалз аб̣яаагад̇о, зд̇зсам̣ агусалабадибагкад̇д̇аа агусаласса самбхаво над̇т̇и, д̇асмаа ‘над̇т̇и саммукаавинаяо агусало’д̇и вуд̇д̇а’’нд̇и ликид̇ам̣. ‘‘язбхуяяасигаа ад̇хаммаваад̣̇ийхи вуубасаманагаалз салаагаг̇г̇аахаабагз д̇хаммаваад̣̇имхи гусалаа, д̇хаммаваад̣̇ийнамби ад̇хаммаваад̣̇имхи салаагаг̇г̇аахаабагз ж̇аад̇з агусалаа, саб̣б̣ад̇т̇а арахад̇о васзнзва аб̣яаагад̇ад̇аа, анарахад̇о сан̃жижжа сад̇ивинаяад̣̇аанз сад̇ивинаяо агусало, амуул̣хавинаяо ануммад̇д̇агасса д̣̇аанз, бадин̃н̃аад̇агаран̣ам̣ муул̣хасса аж̇аананад̇о бадин̃н̃ааяагаран̣з, д̇ассабаабияасигаа суд̣̇д̇хасса гаран̣з, д̇ин̣авад̇т̇аарагам̣ махаагалахз, сан̃жижжа гаран̣з жа агусала’’нд̇и ликид̇ам̣.
303. Saṅghassa sammukhā paṭiññāte taṃ paṭijānanaṃ saṅghassa sammukhatā nāma hotīti ‘‘tassa paṭijānanacittaṃ sandhāya ‘sammukhāvinayo kusalo’tiādi vutta’’nti vadanti. Natthi sammukhāvinayo akusaloti ‘‘dhammavinayapuggalasammukhatāhi tivaṅgiko sammukhāvinayo etehi vinā natthi. Tattha kusalacittehi karaṇakāle kusalo, arahantānaṃ karaṇakāle abyākato, etesaṃ akusalapaṭipakkhattā akusalassa sambhavo natthi, tasmā ‘natthi sammukhāvinayo akusalo’ti vutta’’nti likhitaṃ. ‘‘Yebhuyyasikā adhammavādīhi vūpasamanakāle salākaggāhāpake dhammavādimhi kusalā, dhammavādīnampi adhammavādimhi salākaggāhāpake jāte akusalā, sabbattha arahato vaseneva abyākatatā, anarahato sañcicca sativinayadāne sativinayo akusalo, amūḷhavinayo anummattakassa dāne, paṭiññātakaraṇaṃ mūḷhassa ajānanato paṭiññāyakaraṇe, tassapāpiyasikā suddhassa karaṇe, tiṇavatthārakaṃ mahākalahe, sañcicca karaṇe ca akusala’’nti likhitaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
6. ад̇хигаран̣абарияааяавааро • 6. Adhikaraṇapariyāyavāro
7. саад̇хааран̣авааро • 7. Sādhāraṇavāro
8. д̇аб̣бхааг̇ияавааро • 8. Tabbhāgiyavāro
9. самат̇аа самат̇асса саад̇хааран̣авааро • 9. Samathā samathassa sādhāraṇavāro
10. самат̇аа самат̇асса д̇аб̣бхааг̇ияавааро • 10. Samathā samathassa tabbhāgiyavāro
11. самат̇асаммукаавинаяавааро • 11. Samathasammukhāvinayavāro
12. винаяавааро • 12. Vinayavāro
13. гусалавааро • 13. Kusalavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
ад̇хигаран̣абарияааяаваарагат̇ааван̣н̣анаа • Adhikaraṇapariyāyavārakathāvaṇṇanā
д̇аб̣бхааг̇ияаваарагат̇ааван̣н̣анаа • Tabbhāgiyavārakathāvaṇṇanā
самат̇аа самат̇асса саад̇хааран̣аваарагат̇ааван̣н̣анаа • Samathā samathassa sādhāraṇavārakathāvaṇṇanā
винаяаваарагат̇ааван̣н̣анаа • Vinayavārakathāvaṇṇanā
гусалаваарагат̇ааван̣н̣анаа • Kusalavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
ад̇хигаран̣абарияааяаваараван̣н̣анаа • Adhikaraṇapariyāyavāravaṇṇanā
саад̇хааран̣аваараад̣̇иван̣н̣анаа • Sādhāraṇavārādivaṇṇanā
самат̇аасамат̇ассасаад̇хааран̣аваараван̣н̣анаа • Samathāsamathassasādhāraṇavāravaṇṇanā
самат̇асаммукаавинаяаваараад̣̇иван̣н̣анаа • Samathasammukhāvinayavārādivaṇṇanā
