| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
самат̇абхзд̣̇ам̣
Samathabhedaṃ
ад̇хигаран̣абарияааяаваарагат̇ааван̣н̣анаа
Adhikaraṇapariyāyavārakathāvaṇṇanā
293. лобхо буб̣б̣ан̇г̇амод̇иаад̣̇ийсу бана лобхахзд̇у вивад̣̇анад̇о ‘‘лобхо буб̣б̣ан̇г̇амо’’д̇и вуд̇д̇ам̣. звам̣ сзсзсуби. таанаанийд̇и гааран̣аани. д̇идтанд̇и зд̇т̇аад̇и таанам̣. гз д̇идтанд̇и? виваад̣̇аад̇хигаран̣аад̣̇аяо. васанд̇и зд̇т̇аад̇и вад̇т̇у. бхаванд̇и зд̇т̇аад̇и бхууми. гусалаагусалааб̣яаагад̇ажид̇д̇асаман̇г̇ино вивад̣̇анад̇о ‘‘нава хзд̇уу’’д̇и вуд̇д̇ам̣. д̣̇ваад̣̇аса муулаанийд̇и ‘‘год̇хано ход̇и убанаахий’’д̇иаад̣̇ийни д̣̇ваад̣̇аса муулаани.
293.Lobhopubbaṅgamotiādīsu pana lobhahetu vivadanato ‘‘lobho pubbaṅgamo’’ti vuttaṃ. Evaṃ sesesupi. Ṭhānānīti kāraṇāni. Tiṭṭhanti etthāti ṭhānaṃ. Ke tiṭṭhanti? Vivādādhikaraṇādayo. Vasanti etthāti vatthu. Bhavanti etthāti bhūmi. Kusalākusalābyākatacittasamaṅgino vivadanato ‘‘nava hetū’’ti vuttaṃ. Dvādasa mūlānīti ‘‘kodhano hoti upanāhī’’tiādīni dvādasa mūlāni.
294-295. имаанзва д̣̇ваад̣̇аса гааяаваажаахи сад̣̇д̇хим̣ ‘‘жуд̣̇д̣̇аса муулааний’’д̇и вуд̇д̇аани. сад̇д̇а аабад̇д̇игканд̇хаа таанаанийд̇и зд̇т̇а аабад̇д̇им̣ аабаж̇ж̇ид̇ваа бадижчаад̣̇знд̇асса яаа аабад̇д̇и, д̇ассаа буб̣б̣з аабаннаа аабад̇д̇ияо таанаанийд̇и взд̣̇ид̇аб̣б̣ам̣. ‘‘над̇т̇и аабад̇д̇аад̇хигаран̣ам̣ гусала’’нд̇и важанад̇о аабад̇д̇аад̇хигаран̣з агусалааб̣яаагад̇авасзна ча хзд̇уу вуд̇д̇аа. гусалажид̇д̇ам̣ бана ан̇г̇ам̣ ход̇и, на хзд̇у.
294-295. Imāneva dvādasa kāyavācāhi saddhiṃ ‘‘cuddasa mūlānī’’ti vuttāni. Satta āpattikkhandhā ṭhānānīti ettha āpattiṃ āpajjitvā paṭicchādentassa yā āpatti, tassā pubbe āpannā āpattiyo ṭhānānīti veditabbaṃ. ‘‘Natthi āpattādhikaraṇaṃ kusala’’nti vacanato āpattādhikaraṇe akusalābyākatavasena cha hetū vuttā. Kusalacittaṃ pana aṅgaṃ hoti, na hetu.
296. жад̇д̇аари гаммаани таанаанийд̇и зд̇т̇а ‘‘звам̣ гад̇д̇аб̣б̣а’’нд̇и ид̇игад̇д̇аб̣б̣ад̇аад̣̇ассанавасзна бавад̇д̇абаал̣и гаммам̣ наама, яат̇аатид̇абаал̣ивасзна гаронд̇аанам̣ гирияаа гижжаад̇хигаран̣ам̣ наама. н̃ад̇д̇ин̃ад̇д̇ид̣̇уд̇ияан̃ад̇д̇ижад̇уд̇т̇агаммаани н̃ад̇д̇ид̇о ж̇ааяанд̇и, абалоганагаммам̣ абалоганад̇оваад̇и ааха ‘‘н̃ад̇д̇ид̇о ваа абалоганад̇о ваа’’д̇и. гижжаад̇хигаран̣ам̣ згзна самат̇зна саммад̇и, самбаж̇ж̇ад̇ийд̇и ад̇т̇о. д̇зхи самзд̇аб̣б̣ад̇д̇аа ‘‘виваад̣̇аад̇хигаран̣асса саад̇хааран̣аа’’д̇и вуд̇д̇ам̣.
296.Cattāri kammāni ṭhānānīti ettha ‘‘evaṃ kattabba’’nti itikattabbatādassanavasena pavattapāḷi kammaṃ nāma, yathāṭhitapāḷivasena karontānaṃ kiriyā kiccādhikaraṇaṃ nāma. Ñattiñattidutiyañatticatutthakammāni ñattito jāyanti, apalokanakammaṃ apalokanatovāti āha ‘‘ñattito vā apalokanato vā’’ti. Kiccādhikaraṇaṃ ekena samathena sammati, sampajjatīti attho. Tehi sametabbattā ‘‘vivādādhikaraṇassa sādhāraṇā’’ti vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 6. ад̇хигаран̣абарияааяавааро • 6. Adhikaraṇapariyāyavāro
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣абарияааяаваараад̣̇иван̣н̣анаа • Adhikaraṇapariyāyavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣абарияааяаваараван̣н̣анаа • Adhikaraṇapariyāyavāravaṇṇanā
