| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
самат̇абхзд̣̇ам̣
Samathabhedaṃ
ад̇хигаран̣абарияааяаваараван̣н̣анаа
Adhikaraṇapariyāyavāravaṇṇanā
293. чадтз барияааяаваарз алобхо буб̣б̣ан̇г̇амод̇иаад̣̇и саасанадтид̇ияаа авибарийд̇ад̇о д̇хаммаваад̣̇исса виваад̣̇ам̣ санд̇хааяа вуд̇д̇ам̣. адтаараса бхзд̣̇агаравад̇т̇ууни таанаанийд̇и д̇хаммаад̣̇ийсу ад̇хаммод̇иаад̣̇инаа г̇ахзд̇ваа д̣̇ийбанаани ид̇хзва бхзд̣̇агаравад̇т̇ууни, д̇аани зва гааяагалахаад̣̇ививаад̣̇асса гааран̣ад̇д̇аа таанаани, огаасад̇д̇аа вад̇т̇ууни, аад̇хаарад̇д̇аа бхуумияод̇и жа вуд̇д̇аани. аб̣яаагад̇ахзд̇ууд̇и асзгкаанам̣ виваад̣̇ам̣ санд̇хааяа вуд̇д̇ам̣. д̣̇ваад̣̇аса муулаанийд̇и год̇хо убанаахо, магко балаасо, иссаа мажчарияам̣, мааяаа саатзяяам̣, баабижчад̇аа махижчад̇аа, санд̣̇идтибараамаасид̇аа аад̇хаанаг̇г̇аахийд̣̇уббадиниссаж̇ж̇ид̇аанийд̇и имзсам̣ чаннам̣ яуг̇ал̣аанам̣ васзна ча д̇хаммаа жзва лобхаад̣̇аяо ча хзд̇уу жаад̇и д̣̇ваад̣̇аса д̇хаммаа виваад̣̇аад̇хигаран̣асса муулаани.
293. Chaṭṭhe pariyāyavāre alobho pubbaṅgamotiādi sāsanaṭṭhitiyā aviparītato dhammavādissa vivādaṃ sandhāya vuttaṃ. Aṭṭhārasa bhedakaravatthūni ṭhānānīti dhammādīsu adhammotiādinā gahetvā dīpanāni idheva bhedakaravatthūni, tāni eva kāyakalahādivivādassa kāraṇattā ṭhānāni, okāsattā vatthūni, ādhārattā bhūmiyoti ca vuttāni. Abyākatahetūti asekkhānaṃ vivādaṃ sandhāya vuttaṃ. Dvādasa mūlānīti kodho upanāho, makkho palāso, issā macchariyaṃ, māyā sāṭheyyaṃ, pāpicchatā mahicchatā, sandiṭṭhiparāmāsitā ādhānaggāhīduppaṭinissajjitānīti imesaṃ channaṃ yugaḷānaṃ vasena cha dhammā ceva lobhādayo cha hetū cāti dvādasa dhammā vivādādhikaraṇassa mūlāni.
294. жуд̣̇д̣̇аса муулаанийд̇и д̇аанзва д̣̇ваад̣̇аса гааяаваажаахи сад̣̇д̇хим̣ жуд̣̇д̣̇аса ануваад̣̇аад̇хигаран̣асса муулаани.
294.Cuddasa mūlānīti tāneva dvādasa kāyavācāhi saddhiṃ cuddasa anuvādādhikaraṇassa mūlāni.
295. бат̇авийкан̣анаад̣̇ийсу бан̣н̣ад̇д̇иваж̇ж̇зсу гусалааб̣яаагад̇ажид̇д̇амуулигаа аабад̇д̇и ход̇ийд̇и д̣̇ассзд̇ум̣ ‘‘алобхо буб̣б̣ан̇г̇амо’’д̇иаад̣̇и вуд̇д̇ам̣. сад̇д̇а аабад̇д̇игканд̇хаа таанаанийд̇иаад̣̇и сад̇д̇аннам̣ аабад̇д̇игканд̇хаанам̣ бадижчаад̣̇анабажжаяаа аабад̇д̇исамбхавад̇о вуд̇д̇ам̣. ‘‘аабад̇д̇аад̇хигаран̣абажжаяаа жад̇ассо аабад̇д̇ияо аабаж̇ж̇ад̇ий’’д̇и (бари. 290) хи вуд̇д̇ам̣. ‘‘ча хзд̇уу’’д̇и ид̣̇ам̣ гусалаанам̣ аабад̇д̇ихзд̇увохаарасса аяуд̇д̇ад̇ааяа вуд̇д̇ам̣, на бана гусалахзд̇уунам̣ абхаавад̇о. ‘‘алобхо буб̣б̣ан̇г̇амо’’д̇и хи аад̣̇и вуд̇д̇ам̣. аабад̇д̇ихзд̇аво зва хи буб̣б̣ан̇г̇аманаамзна вуд̇д̇аа.
295. Pathavīkhaṇanādīsu paṇṇattivajjesu kusalābyākatacittamūlikā āpatti hotīti dassetuṃ ‘‘alobho pubbaṅgamo’’tiādi vuttaṃ. Satta āpattikkhandhā ṭhānānītiādi sattannaṃ āpattikkhandhānaṃ paṭicchādanapaccayā āpattisambhavato vuttaṃ. ‘‘Āpattādhikaraṇapaccayā catasso āpattiyo āpajjatī’’ti (pari. 290) hi vuttaṃ. ‘‘Cha hetū’’ti idaṃ kusalānaṃ āpattihetuvohārassa ayuttatāya vuttaṃ, na pana kusalahetūnaṃ abhāvato. ‘‘Alobho pubbaṅgamo’’ti hi ādi vuttaṃ. Āpattihetavo eva hi pubbaṅgamanāmena vuttā.
296. жад̇д̇аари гаммаани таанаанийд̇иаад̣̇ийсу абалоганаваажаа, н̃ад̇д̇иаад̣̇иваажааяо жа гаммаанийд̇и вуд̇д̇ам̣. д̇аа зва хи згасиймааяам̣ саамаг̇г̇имубаг̇ад̇аанам̣ гаммаббад̇д̇аанам̣ анумад̇ияаа сааванагирияаанибпад̇д̇исан̇каад̇асса сан̇гхаг̇ан̣агижжасабхаавасса гижжаад̇хигаран̣асса ад̇хидтаанаабхаавзна ‘‘таанавад̇т̇убхуумияо’’д̇и вужжанд̇и. згам̣ муулам̣ сан̇гход̇и язбхуяяавасзна вуд̇д̇ам̣. г̇ан̣ан̃ад̇д̇иабалоганаанан̃хи г̇ан̣оби мууланд̇и. н̃ад̇д̇ид̇о ваад̇и н̃ад̇д̇ин̃ад̇д̇ид̣̇уд̇ияан̃ад̇д̇ижад̇уд̇т̇агаммаваажаанам̣ н̃ад̇д̇ируубад̇д̇аа, н̃ад̇д̇ибуб̣б̣агад̇д̇аа жа вуд̇д̇ам̣. гамман̃ад̇д̇игаммаваажаан̃ад̇д̇ивасзна хи д̣̇увид̇хаасу н̃ад̇д̇ийсу ануссааванааби гаммамуулаганд̇взва сан̇г̇аяханд̇и. н̃ад̇д̇ивибхааг̇о жааяам̣ убари аави бхависсад̇и.
296.Cattāri kammāni ṭhānānītiādīsu apalokanavācā, ñattiādivācāyo ca kammānīti vuttaṃ. Tā eva hi ekasīmāyaṃ sāmaggimupagatānaṃ kammappattānaṃ anumatiyā sāvanakiriyānipphattisaṅkhātassa saṅghagaṇakiccasabhāvassa kiccādhikaraṇassa adhiṭṭhānābhāvena ‘‘ṭhānavatthubhūmiyo’’ti vuccanti. Ekaṃ mūlaṃ saṅghoti yebhuyyavasena vuttaṃ. Gaṇañattiapalokanānañhi gaṇopi mūlanti. Ñattito vāti ñattiñattidutiyañatticatutthakammavācānaṃ ñattirūpattā, ñattipubbakattā ca vuttaṃ. Kammañattikammavācāñattivasena hi duvidhāsu ñattīsu anussāvanāpi kammamūlakantveva saṅgayhanti. Ñattivibhāgo cāyaṃ upari āvi bhavissati.
‘‘имз сад̇д̇а самат̇аа…бз… барияааязнаа’’д̇и ид̣̇ам̣ бужчааважанам̣. ‘‘сияаа’’д̇и ид̣̇ам̣ висаж̇ж̇анам̣. ‘‘гат̇ан̃жа сияаа’’д̇и ид̣̇ам̣ буна бужчаа. виваад̣̇аад̇хигаран̣асса д̣̇вз самат̇аад̇иаад̣̇и буна висаж̇ж̇анам̣. д̇ад̇т̇а ‘‘вад̇т̇увасзнаа’’д̇и ид̣̇ам̣ ‘‘сад̇д̇а самат̇аа д̣̇аса самат̇аа хонд̇ий’’д̇и имасса гааран̣аважанам̣. ‘‘барияааязнаа’’д̇и ид̣̇ам̣ ‘‘д̣̇аса самат̇аа сад̇д̇а самат̇аа хонд̇ий’’д̇и имасса гааран̣аважанам̣. жад̇уб̣б̣ид̇хаад̇хигаран̣асан̇каад̇авад̇т̇увасзна жа д̣̇зсанааггамасан̇каад̇абарияааяавасзна жаад̇и ад̇т̇о.
‘‘Ime satta samathā…pe… pariyāyenā’’ti idaṃ pucchāvacanaṃ. ‘‘Siyā’’ti idaṃ visajjanaṃ. ‘‘Kathañca siyā’’ti idaṃ puna pucchā. Vivādādhikaraṇassa dve samathātiādi puna visajjanaṃ. Tattha ‘‘vatthuvasenā’’ti idaṃ ‘‘satta samathā dasa samathā hontī’’ti imassa kāraṇavacanaṃ. ‘‘Pariyāyenā’’ti idaṃ ‘‘dasa samathā satta samathā hontī’’ti imassa kāraṇavacanaṃ. Catubbidhādhikaraṇasaṅkhātavatthuvasena ca desanākkamasaṅkhātapariyāyavasena cāti attho.
ад̇хигаран̣абарияааяаваараван̣н̣анаа нидтид̇аа.
Adhikaraṇapariyāyavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 6. ад̇хигаран̣абарияааяавааро • 6. Adhikaraṇapariyāyavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абарияааяаваарагат̇ааван̣н̣анаа • Adhikaraṇapariyāyavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣абарияааяаваараад̣̇иван̣н̣анаа • Adhikaraṇapariyāyavārādivaṇṇanā
