| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
སམཐབྷེདོ
Samathabhedo
༦. ཨདྷིཀརཎཔརིཡཱཡཝཱརོ
6. Adhikaraṇapariyāyavāro
༢༩༢. ཝིཝཱདཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཝིཝདཏི? ཝིཝཱདཱདྷིཀརཎཾ ཀཏིཧི སམཐེཧི སམྨཏི?
292. Vivādādhikaraṇassa – kiṃ pubbaṅgamaṃ? Kati ṭhānāni? Kati vatthūni? Kati bhūmiyo? Kati hetū? Kati mūlāni? Katihākārehi vivadati? Vivādādhikaraṇaṃ katihi samathehi sammati?
ཨནུཝཱདཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཨནུཝདཏི? ཨནུཝཱདཱདྷིཀརཎཾ ཀཏིཧི སམཐེཧི སམྨཏི?
Anuvādādhikaraṇassa – kiṃ pubbaṅgamaṃ? Kati ṭhānāni? Kati vatthūni? Kati bhūmiyo? Kati hetū? Kati mūlāni? Katihākārehi anuvadati? Anuvādādhikaraṇaṃ katihi samathehi sammati?
ཨཱཔཏྟཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཨཱཔཏྟིཾ ཨཱཔཛྫཏི? ཨཱཔཏྟཱདྷིཀརཎཾ ཀཏིཧི སམཐེཧི སམྨཏི?
Āpattādhikaraṇassa – kiṃ pubbaṅgamaṃ? Kati ṭhānāni? Kati vatthūni? Kati bhūmiyo? Kati hetū? Kati mūlāni? Katihākārehi āpattiṃ āpajjati? Āpattādhikaraṇaṃ katihi samathehi sammati?
ཀིཙྩཱདྷིཀརཎསྶ – ཀིཾ པུབྦངྒམཾ? ཀཏི ཋཱནཱནི? ཀཏི ཝཏྠཱུནི? ཀཏི བྷཱུམིཡོ? ཀཏི ཧེཏཱུ? ཀཏི མཱུལཱནི? ཀཏིཧཱཀཱརེཧི ཀིཙྩཾ ཛཱཡཏི? ཀིཙྩཱདྷིཀརཎཾ ཀཏིཧི སམཐེཧི སམྨཏི?
Kiccādhikaraṇassa – kiṃ pubbaṅgamaṃ? Kati ṭhānāni? Kati vatthūni? Kati bhūmiyo? Kati hetū? Kati mūlāni? Katihākārehi kiccaṃ jāyati? Kiccādhikaraṇaṃ katihi samathehi sammati?
༢༩༣. ཝིཝཱདཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ། ཀཏི ཋཱནཱནཱིཏི? ཨཊྛཱརས བྷེདཀརཝཏྠཱུནི ཋཱནཱནི། ཀཏི ཝཏྠཱུནཱིཏི? ཨཊྛཱརས བྷེདཀརཝཏྠཱུནི། ཀཏི བྷཱུམིཡོཏི? ཨཊྛཱརས བྷེདཀརཝཏྠཱུནི བྷཱུམིཡོ། ཀཏི ཧེཏཱུཏི? ནཝ ཧེཏཱུ – ཏཡོ ཀུསལཧེཏཱུ , ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ། ཀཏི མཱུལཱནཱིཏི? དྭཱདས མཱུལཱནི། ཀཏིཧཱཀཱརེཧི ཝིཝདཏཱིཏི? དྭཱིཧཱཀཱརེཧི ཝིཝདཏི – དྷམྨདིཊྛི ཝཱ ཨདྷམྨདིཊྛི ཝཱ། 1 ཝིཝཱདཱདྷིཀརཎཾ ཀཏིཧི སམཐེཧི སམྨཏཱིཏི? ཝིཝཱདཱདྷིཀརཎཾ དྭཱིཧི སམཐེཧི སམྨཏི – སམྨུཁཱཝིནཡེན ཙ ཡེབྷུཡྻསིཀཱཡ ཙ།
293. Vivādādhikaraṇassa kiṃ pubbaṅgamanti? Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo. Kati ṭhānānīti? Aṭṭhārasa bhedakaravatthūni ṭhānāni. Kati vatthūnīti? Aṭṭhārasa bhedakaravatthūni. Kati bhūmiyoti? Aṭṭhārasa bhedakaravatthūni bhūmiyo. Kati hetūti? Nava hetū – tayo kusalahetū , tayo akusalahetū, tayo abyākatahetū. Kati mūlānīti? Dvādasa mūlāni. Katihākārehi vivadatīti? Dvīhākārehi vivadati – dhammadiṭṭhi vā adhammadiṭṭhi vā. 2 Vivādādhikaraṇaṃ katihi samathehi sammatīti? Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca.
༢༩༤. ཨནུཝཱདཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ། ཀཏི ཋཱནཱནཱིཏི? ཙཏསྶོ ཝིཔཏྟིཡོ ཋཱནཱནི། ཀཏི ཝཏྠཱུནཱིཏི? ཙཏསྶོ ཝིཔཏྟིཡོ ཝཏྠཱུནི། ཀཏི བྷཱུམིཡོཏི? ཙཏསྶོ ཝིཔཏྟིཡོ བྷཱུམིཡོ། ཀཏི ཧེཏཱུཏི? ནཝ ཧེཏཱུ – ཏཡོ ཀུསལཧེཏཱུ, ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ། ཀཏི མཱུལཱནཱིཏི? ཙུདྡས མཱུལཱནི། ཀཏིཧཱཀཱརེཧི ཨནུཝདཏཱིཏི? དྭཱིཧཱཀཱརེཧི ཨནུཝདཏི – ཝཏྠུཏོ ཝཱ ཨཱཔཏྟིཏོ ཝཱ། 3 ཨནུཝཱདཱདྷིཀརཎཾ ཀཏིཧི སམཐེཧི སམྨཏཱིཏི? ཨནུཝཱདཱདྷིཀརཎཾ ཙཏཱུཧི སམཐེཧི སམྨཏི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ།
294. Anuvādādhikaraṇassa kiṃ pubbaṅgamanti? Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo. Kati ṭhānānīti? Catasso vipattiyo ṭhānāni. Kati vatthūnīti? Catasso vipattiyo vatthūni. Kati bhūmiyoti? Catasso vipattiyo bhūmiyo. Kati hetūti? Nava hetū – tayo kusalahetū, tayo akusalahetū, tayo abyākatahetū. Kati mūlānīti? Cuddasa mūlāni. Katihākārehi anuvadatīti? Dvīhākārehi anuvadati – vatthuto vā āpattito vā. 4 Anuvādādhikaraṇaṃ katihi samathehi sammatīti? Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca.
༢༩༥. ཨཱཔཏྟཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ། ཀཏི ཋཱནཱནཱིཏི? སཏྟ ཨཱཔཏྟིཀྑནྡྷཱ ཋཱནཱནི། ཀཏི ཝཏྠཱུནཱིཏི? སཏྟ ཨཱཔཏྟིཀྑནྡྷཱ ཝཏྠཱུནི། ཀཏི བྷཱུམིཡོཏི? སཏྟ ཨཱཔཏྟིཀྑནྡྷཱ བྷཱུམིཡོ། ཀཏི ཧེཏཱུཏི? ཚ ཧེཏཱུ 5 – ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ། ཀཏི མཱུལཱནཱིཏི? ཚ ཨཱཔཏྟིསམུཊྛཱནཱནི མཱུལཱནི ། ཀཏིཧཱཀཱརེཧི ཨཱཔཏྟིཾ ཨཱཔཛྫཏཱིཏི? ཚཧཱཀཱརེཧི ཨཱཔཏྟིཾ ཨཱཔཛྫཏི – ཨལཛྫིཏཱ, ཨཉྙཱཎཏཱ, ཀུཀྐུཙྩཔཀཏཏཱ, ཨཀཔྤིཡེ ཀཔྤིཡསཉྙིཏཱ, ཀཔྤིཡེ ཨཀཔྤིཡསཉྙིཏཱ, སཏིསམྨོསཱ། 6 ཨཱཔཏྟཱདྷིཀརཎཾ ཀཏིཧི སམཐེཧི སམྨཏཱིཏི? ཨཱཔཏྟཱདྷིཀརཎཾ ཏཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ, སམྨུཁཱཝིནཡེན ཙ ཏིཎཝཏྠཱརཀེན ཙ།
295. Āpattādhikaraṇassa kiṃ pubbaṅgamanti? Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo. Kati ṭhānānīti? Satta āpattikkhandhā ṭhānāni. Kati vatthūnīti? Satta āpattikkhandhā vatthūni. Kati bhūmiyoti? Satta āpattikkhandhā bhūmiyo. Kati hetūti? Cha hetū 7 – tayo akusalahetū, tayo abyākatahetū. Kati mūlānīti? Cha āpattisamuṭṭhānāni mūlāni . Katihākārehi āpattiṃ āpajjatīti? Chahākārehi āpattiṃ āpajjati – alajjitā, aññāṇatā, kukkuccapakatatā, akappiye kappiyasaññitā, kappiye akappiyasaññitā, satisammosā. 8 Āpattādhikaraṇaṃ katihi samathehi sammatīti? Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca, sammukhāvinayena ca tiṇavatthārakena ca.
༢༩༦. ཀིཙྩཱདྷིཀརཎསྶ ཀིཾ པུབྦངྒམནྟི? ལོབྷོ པུབྦངྒམོ, དོསོ པུབྦངྒམོ, མོཧོ པུབྦངྒམོ, ཨལོབྷོ པུབྦངྒམོ, ཨདོསོ པུབྦངྒམོ, ཨམོཧོ པུབྦངྒམོ། ཀཏི ཋཱནཱནཱིཏི? ཙཏྟཱརི ཀམྨཱནི ཋཱནཱནི། ཀཏི ཝཏྠཱུནཱིཏི? ཙཏྟཱརི ཀམྨཱནི ཝཏྠཱུནི། ཀཏི བྷཱུམིཡོཏི? ཙཏྟཱརི ཀམྨཱནི བྷཱུམིཡོ། ཀཏི ཧེཏཱུཏི? ནཝ ཧེཏཱུ – ཏཡོ ཀུསལཧེཏཱུ, ཏཡོ ཨཀུསལཧེཏཱུ, ཏཡོ ཨབྱཱཀཏཧེཏཱུ། ཀཏི མཱུལཱནཱིཏི? ཨེཀཾ མཱུལཾ – སངྒྷོ། ཀཏིཧཱཀཱརེཧི ཀིཙྩཾ ཛཱཡཏཱིཏི ? དྭཱིཧཱཀཱརེཧི ཀིཙྩཾ ཛཱཡཏི – ཉཏྟིཏོ ཝཱ ཨཔལོཀནཏོ ཝཱ། 9 ཀིཙྩཱདྷིཀརཎཾ ཀཏིཧི སམཐེཧི སམྨཏཱིཏི? ཀིཙྩཱདྷིཀརཎཾ ཨེཀེན སམཐེན སམྨཏི – སམྨུཁཱཝིནཡེན།
296. Kiccādhikaraṇassa kiṃ pubbaṅgamanti? Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo. Kati ṭhānānīti? Cattāri kammāni ṭhānāni. Kati vatthūnīti? Cattāri kammāni vatthūni. Kati bhūmiyoti? Cattāri kammāni bhūmiyo. Kati hetūti? Nava hetū – tayo kusalahetū, tayo akusalahetū, tayo abyākatahetū. Kati mūlānīti? Ekaṃ mūlaṃ – saṅgho. Katihākārehi kiccaṃ jāyatīti ? Dvīhākārehi kiccaṃ jāyati – ñattito vā apalokanato vā. 10 Kiccādhikaraṇaṃ katihi samathehi sammatīti? Kiccādhikaraṇaṃ ekena samathena sammati – sammukhāvinayena.
ཀཏི སམཐཱ? སཏྟ སམཐཱ། སམྨུཁཱཝིནཡོ, སཏིཝིནཡོ, ཨམཱུལ༹ྷཝིནཡོ, པཊིཉྙཱཏཀརཎཾ, ཡེབྷུཡྻསིཀཱ, ཏསྶཔཱཔིཡསིཀཱ, ཏིཎཝཏྠཱརཀོ – ཨིམེ སཏྟ སམཐཱ།
Kati samathā? Satta samathā. Sammukhāvinayo, sativinayo, amūḷhavinayo, paṭiññātakaraṇaṃ, yebhuyyasikā, tassapāpiyasikā, tiṇavatthārako – ime satta samathā.
སིཡཱ ཨིམེ སཏྟ སམཐཱ དས སམཐཱ ཧོནྟི, དས སམཐཱ སཏྟ སམཐཱ ཧོནྟི ཝཏྠུཝསེན པརིཡཱཡེན སིཡཱཏི།
Siyā ime satta samathā dasa samathā honti, dasa samathā satta samathā honti vatthuvasena pariyāyena siyāti.
ཀཐཉྩ སིཡཱ? ཝིཝཱདཱདྷིཀརཎསྶ དྭེ སམཐཱ , ཨནུཝཱདཱདྷིཀརཎསྶ ཙཏྟཱརོ སམཐཱ, ཨཱཔཏྟཱདྷིཀརཎསྶ ཏཡོ སམཐཱ, ཀིཙྩཱདྷིཀརཎསྶ ཨེཀོ སམཐོ། ཨེཝཾ ཨིམེ སཏྟ སམཐཱ དས སམཐཱ ཧོནྟི, དས སམཐཱ སཏྟ སམཐཱ ཧོནྟི ཝཏྠུཝསེན པརིཡཱཡེན།
Kathañca siyā? Vivādādhikaraṇassa dve samathā , anuvādādhikaraṇassa cattāro samathā, āpattādhikaraṇassa tayo samathā, kiccādhikaraṇassa eko samatho. Evaṃ ime satta samathā dasa samathā honti, dasa samathā satta samathā honti vatthuvasena pariyāyena.
པརིཡཱཡཝཱརོ ནིཊྛིཏོ ཚཊྛོ།
Pariyāyavāro niṭṭhito chaṭṭho.
Footnotes:
Related texts:
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨདྷིཀརཎཔརིཡཱཡཝཱརཀཐཱཝཎྞནཱ • Adhikaraṇapariyāyavārakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨདྷིཀརཎཔརིཡཱཡཝཱརཱདིཝཎྞནཱ • Adhikaraṇapariyāyavārādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨདྷིཀརཎཔརིཡཱཡཝཱརཝཎྞནཱ • Adhikaraṇapariyāyavāravaṇṇanā
