| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ • Bhikkhunīvibhaṅga |
༧. ཨདྷིཀརཎསམཐཱ (བྷིཀྑུནཱིཝིབྷངྒོ)
7. Adhikaraṇasamathā (bhikkhunīvibhaṅgo)
ཨིམེ ཁོ པནཱཡྻཱཡོ སཏྟ ཨདྷིཀརཎསམཐཱ
Ime kho panāyyāyo satta adhikaraṇasamathā
དྷམྨཱ ཨུདྡེསཾ ཨཱགཙྪནྟི།
Dhammā uddesaṃ āgacchanti.
༡༢༤༢. ཨུཔྤནྣུཔྤནྣཱནཾ ཨདྷིཀརཎཱནཾ སམཐཱཡ ཝཱུཔསམཱཡ སམྨུཁཱཝིནཡོ དཱཏབྦོ, སཏིཝིནཡོ དཱཏབྦོ, ཨམཱུལ༹ྷཝིནཡོ དཱཏབྦོ, པཊིཉྙཱཡ ཀཱརེཏབྦཾ, ཡེབྷུཡྻསིཀཱ, ཏསྶཔཱཔིཡསིཀཱ, ཏིཎཝཏྠཱརཀོཏི།
1242. Uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā, tassapāpiyasikā, tiṇavatthārakoti.
ཨུདྡིཊྛཱ ཁོ, ཨཡྻཱཡོ, སཏྟ ཨདྷིཀརཎསམཐཱ དྷམྨཱ། ཏཏྠཱཡྻཱཡོ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡྻཱཡོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི།
Uddiṭṭhā kho, ayyāyo, satta adhikaraṇasamathā dhammā. Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
ཨདྷིཀརཎསམཐཱ ནིཊྛིཏཱ།
Adhikaraṇasamathā niṭṭhitā.
ཨུདྡིཊྛཾ ཁོ, ཨཡྻཱཡོ, ནིདཱནཾ། ཨུདྡིཊྛཱ ཨཊྛ པཱརཱཛིཀཱ དྷམྨཱ། ཨུདྡིཊྛཱ སཏྟརས སངྒྷཱདིསེསཱ དྷམྨཱ། ཨུདྡིཊྛཱ ཏིཾས ནིསྶགྒིཡཱ པཱཙིཏྟིཡཱ དྷམྨཱ། ཨུདྡིཊྛཱ ཚསཊྛིསཏཱ པཱཙིཏྟིཡཱ དྷམྨཱ། ཨུདྡིཊྛཱ ཨཊྛ པཱཊིདེསནཱིཡཱ དྷམྨཱ། ཨུདྡིཊྛཱ སེཁིཡཱ དྷམྨཱ། ཨུདྡིཊྛཱ སཏྟ ཨདྷིཀརཎསམཐཱ དྷམྨཱ། ཨེཏྟཀཾ ཏསྶ བྷགཝཏོ སུཏྟཱགཏཾ སུཏྟཔརིཡཱཔནྣཾ ཨནྭདྡྷམཱསཾ ཨུདྡེསཾ ཨཱགཙྪཏི། ཏཏྠ སབྦཱཧེཝ སམགྒཱཧི སམྨོདམཱནཱཧི ཨཝིཝདམཱནཱཧི སིཀྑིཏབྦནྟི།
Uddiṭṭhaṃ kho, ayyāyo, nidānaṃ. Uddiṭṭhā aṭṭha pārājikā dhammā. Uddiṭṭhā sattarasa saṅghādisesā dhammā. Uddiṭṭhā tiṃsa nissaggiyā pācittiyā dhammā. Uddiṭṭhā chasaṭṭhisatā pācittiyā dhammā. Uddiṭṭhā aṭṭha pāṭidesanīyā dhammā. Uddiṭṭhā sekhiyā dhammā. Uddiṭṭhā satta adhikaraṇasamathā dhammā. Ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati. Tattha sabbāheva samaggāhi sammodamānāhi avivadamānāhi sikkhitabbanti.
བྷིཀྑུནིཝིབྷངྒོ ནིཊྛིཏོ།
Bhikkhunivibhaṅgo niṭṭhito.
པཱཙིཏྟིཡཔཱལི༹ ནིཊྛིཏཱ།
Pācittiyapāḷi niṭṭhitā.
