| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੭. ਅਧਿਕਰਣਸਮਥਾ (ਭਿਕ੍ਖੁਨੀવਿਭਙ੍ਗੋ)
7. Adhikaraṇasamathā (bhikkhunīvibhaṅgo)
ਇਮੇ ਖੋ ਪਨਾਯ੍ਯਾਯੋ ਸਤ੍ਤ ਅਧਿਕਰਣਸਮਥਾ
Ime kho panāyyāyo satta adhikaraṇasamathā
ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ।
Dhammā uddesaṃ āgacchanti.
੧੨੪੨. ਉਪ੍ਪਨ੍ਨੁਪ੍ਪਨ੍ਨਾਨਂ ਅਧਿਕਰਣਾਨਂ ਸਮਥਾਯ વੂਪਸਮਾਯ ਸਮ੍ਮੁਖਾવਿਨਯੋ ਦਾਤਬ੍ਬੋ, ਸਤਿવਿਨਯੋ ਦਾਤਬ੍ਬੋ, ਅਮੂਲ਼੍ਹવਿਨਯੋ ਦਾਤਬ੍ਬੋ, ਪਟਿਞ੍ਞਾਯ ਕਾਰੇਤਬ੍ਬਂ, ਯੇਭੁਯ੍ਯਸਿਕਾ, ਤਸ੍ਸਪਾਪਿਯਸਿਕਾ, ਤਿਣવਤ੍ਥਾਰਕੋਤਿ।
1242. Uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā, tassapāpiyasikā, tiṇavatthārakoti.
ਉਦ੍ਦਿਟ੍ਠਾ ਖੋ, ਅਯ੍ਯਾਯੋ, ਸਤ੍ਤ ਅਧਿਕਰਣਸਮਥਾ ਧਮ੍ਮਾ। ਤਤ੍ਥਾਯ੍ਯਾਯੋ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਦੁਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਤਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀਤਿ।
Uddiṭṭhā kho, ayyāyo, satta adhikaraṇasamathā dhammā. Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
ਅਧਿਕਰਣਸਮਥਾ ਨਿਟ੍ਠਿਤਾ।
Adhikaraṇasamathā niṭṭhitā.
ਉਦ੍ਦਿਟ੍ਠਂ ਖੋ, ਅਯ੍ਯਾਯੋ, ਨਿਦਾਨਂ। ਉਦ੍ਦਿਟ੍ਠਾ ਅਟ੍ਠ ਪਾਰਾਜਿਕਾ ਧਮ੍ਮਾ। ਉਦ੍ਦਿਟ੍ਠਾ ਸਤ੍ਤਰਸ ਸਙ੍ਘਾਦਿਸੇਸਾ ਧਮ੍ਮਾ। ਉਦ੍ਦਿਟ੍ਠਾ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਧਮ੍ਮਾ। ਉਦ੍ਦਿਟ੍ਠਾ ਛਸਟ੍ਠਿਸਤਾ ਪਾਚਿਤ੍ਤਿਯਾ ਧਮ੍ਮਾ। ਉਦ੍ਦਿਟ੍ਠਾ ਅਟ੍ਠ ਪਾਟਿਦੇਸਨੀਯਾ ਧਮ੍ਮਾ। ਉਦ੍ਦਿਟ੍ਠਾ ਸੇਖਿਯਾ ਧਮ੍ਮਾ। ਉਦ੍ਦਿਟ੍ਠਾ ਸਤ੍ਤ ਅਧਿਕਰਣਸਮਥਾ ਧਮ੍ਮਾ। ਏਤ੍ਤਕਂ ਤਸ੍ਸ ਭਗવਤੋ ਸੁਤ੍ਤਾਗਤਂ ਸੁਤ੍ਤਪਰਿਯਾਪਨ੍ਨਂ ਅਨ੍વਦ੍ਧਮਾਸਂ ਉਦ੍ਦੇਸਂ ਆਗਚ੍ਛਤਿ। ਤਤ੍ਥ ਸਬ੍ਬਾਹੇવ ਸਮਗ੍ਗਾਹਿ ਸਮ੍ਮੋਦਮਾਨਾਹਿ ਅવਿવਦਮਾਨਾਹਿ ਸਿਕ੍ਖਿਤਬ੍ਬਨ੍ਤਿ।
Uddiṭṭhaṃ kho, ayyāyo, nidānaṃ. Uddiṭṭhā aṭṭha pārājikā dhammā. Uddiṭṭhā sattarasa saṅghādisesā dhammā. Uddiṭṭhā tiṃsa nissaggiyā pācittiyā dhammā. Uddiṭṭhā chasaṭṭhisatā pācittiyā dhammā. Uddiṭṭhā aṭṭha pāṭidesanīyā dhammā. Uddiṭṭhā sekhiyā dhammā. Uddiṭṭhā satta adhikaraṇasamathā dhammā. Ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati. Tattha sabbāheva samaggāhi sammodamānāhi avivadamānāhi sikkhitabbanti.
ਭਿਕ੍ਖੁਨਿવਿਭਙ੍ਗੋ ਨਿਟ੍ਠਿਤੋ।
Bhikkhunivibhaṅgo niṭṭhito.
ਪਾਚਿਤ੍ਤਿਯਪਾਲ਼ਿ ਨਿਟ੍ਠਿਤਾ।
Pācittiyapāḷi niṭṭhitā.
