| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ • Mahāvibhaṅga |
༨. ཨདྷིཀརཎསམཐཱ
8. Adhikaraṇasamathā
ཨིམེ ཁོ པནཱཡསྨནྟོ སཏྟ ཨདྷིཀརཎསམཐཱ
Ime kho panāyasmanto satta adhikaraṇasamathā
དྷམྨཱ ཨུདྡེསཾ ཨཱགཙྪནྟི།
Dhammā uddesaṃ āgacchanti.
༦༥༥. ཨུཔྤནྣུཔྤནྣཱནཾ ཨདྷིཀརཎཱནཾ སམཐཱཡ ཝཱུཔསམཱཡ སམྨུཁཱཝིནཡོ དཱཏབྦོ, སཏིཝིནཡོ དཱཏབྦོ, ཨམཱུལ༹ྷཝིནཡོ དཱཏབྦོ, པཊིཉྙཱཡ ཀཱརེཏབྦཾ, ཡེབྷུཡྻསིཀཱ, ཏསྶཔཱཔིཡསིཀཱ, ཏིཎཝཏྠཱརཀོཏི།
655. Uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā, tassapāpiyasikā, tiṇavatthārakoti.
ཨུདྡིཊྛཱ ཁོ, ཨཱཡསྨནྟོ, སཏྟ ཨདྷིཀརཎསམཐཱ དྷམྨཱ། ཏཏྠཱཡསྨནྟེ པུཙྪཱམི – ‘‘ཀཙྩིཏྠ པརིསུདྡྷཱ’’? དུཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? ཏཏིཡམྤི པུཙྪཱམི – ‘‘ཀཙྩིཏྠ པརིསུདྡྷཱ’’? པརིསུདྡྷེཏྠཱཡསྨནྟོ, ཏསྨཱ ཏུཎྷཱི, ཨེཝམེཏཾ དྷཱརཡཱམཱིཏི།
Uddiṭṭhā kho, āyasmanto, satta adhikaraṇasamathā dhammā. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto, tasmā tuṇhī, evametaṃ dhārayāmīti.
ཨདྷིཀརཎསམཐཱ ནིཊྛིཏཱ།
Adhikaraṇasamathā niṭṭhitā.
ཨུདྡིཊྛཾ ཁོ, ཨཱཡསྨནྟོ, ནིདཱནཾ; ཨུདྡིཊྛཱ ཙཏྟཱརོ པཱརཱཛིཀཱ དྷམྨཱ; ཨུདྡིཊྛཱ ཏེརས སངྒྷཱདིསེསཱ དྷམྨཱ; ཨུདྡིཊྛཱ དྭེ ཨནིཡཏཱ དྷམྨཱ; ཨུདྡིཊྛཱ ཏིཾས ནིསྶགྒིཡཱ པཱཙིཏྟིཡཱ དྷམྨཱ; ཨུདྡིཊྛཱ དྭེནཝུཏི པཱཙིཏྟིཡཱ དྷམྨཱ; ཨུདྡིཊྛཱ ཙཏྟཱརོ པཱཊིདེསནཱིཡཱ དྷམྨཱ; ཨུདྡིཊྛཱ སེཁིཡཱ དྷམྨཱ; ཨུདྡིཊྛཱ སཏྟ ཨདྷིཀརཎསམཐཱ དྷམྨཱ། ཨེཏྟཀཾ ཏསྶ བྷགཝཏོ སུཏྟཱགཏཾ སུཏྟཔརིཡཱཔནྣཾ ཨནྭདྡྷམཱསཾ ཨུདྡེསཾ ཨཱགཙྪཏི། ཏཏྠ སབྦེཧེཝ སམགྒེཧི སམྨོདམཱནེཧི ཨཝིཝདམཱནེཧི སིཀྑིཏབྦནྟི།
Uddiṭṭhaṃ kho, āyasmanto, nidānaṃ; uddiṭṭhā cattāro pārājikā dhammā; uddiṭṭhā terasa saṅghādisesā dhammā; uddiṭṭhā dve aniyatā dhammā; uddiṭṭhā tiṃsa nissaggiyā pācittiyā dhammā; uddiṭṭhā dvenavuti pācittiyā dhammā; uddiṭṭhā cattāro pāṭidesanīyā dhammā; uddiṭṭhā sekhiyā dhammā; uddiṭṭhā satta adhikaraṇasamathā dhammā. Ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati. Tattha sabbeheva samaggehi sammodamānehi avivadamānehi sikkhitabbanti.
མཧཱཝིབྷངྒོ ནིཊྛིཏོ།
Mahāvibhaṅgo niṭṭhito.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༨. སཏྟཱདྷིཀརཎསམཐཱ • 8. Sattādhikaraṇasamathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༧. པཱདུཀཝགྒཝཎྞནཱ • 7. Pādukavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. སཏྟཱདྷིཀརཎསམཐ-ཨཏྠཡོཛནཱ • 8. Sattādhikaraṇasamatha-atthayojanā
