| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
১০. অধিকরণসমথসুত্তৰণ্ণনা
10. Adhikaraṇasamathasuttavaṇṇanā
৮৪. দসমে অধিকরণানি সমেন্তি ৰূপসমেন্তীতি অধিকরণসমথা। উপ্পন্নুপ্পন্নানন্তি উপ্পন্নানং উপ্পন্নানং। অধিকরণানন্তি ৰিৰাদাধিকরণং অনুৰাদাধিকরণং আপত্তাধিকরণং কিচ্চাধিকরণন্তি ইমেসং চতুন্নং। সমথায ৰূপসমাযাতি সমথত্থঞ্চেৰ ৰূপসমনত্থঞ্চ। সম্মুখাৰিনযো দাতব্বো…পে॰… তিণৰত্থারকোতি ইমে সত্ত সমথা দাতব্বা। তেসং ৰিনিচ্ছযো ৰিনযসংৰণ্ণনতো (চূল়ৰ॰ অট্ঠ॰ ১৮৬-১৮৭ আদযো) গহেতব্বো। অপিচ দীঘনিকাযে সঙ্গীতিসুত্তৰণ্ণনাযম্পি (দী॰ নি॰ অট্ঠ॰ ৩.৩৩১ অধিকরণসমথসত্তকৰণ্ণনা) ৰিত্থারিতোযেৰ, তথা মজ্ঝিমনিকাযে সামগামসুত্তৰণ্ণনাযাতি (ম॰ নি॰ অট্ঠ॰ ৩.৪৬)।
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
ৰিনযৰগ্গো অট্ঠমো।
Vinayavaggo aṭṭhamo.
ইতো পরানি সত্ত সুত্তানি উত্তানত্থানেৰ। ন হেত্থ কিঞ্চি হেট্ঠা অৰুত্তনযং নাম অত্থীতি।
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
মনোরথপূরণিযা অঙ্গুত্তরনিকায-অট্ঠকথায
Manorathapūraṇiyā aṅguttaranikāya-aṭṭhakathāya
সত্তকনিপাতস্স সংৰণ্ণনা নিট্ঠিতা।
Sattakanipātassa saṃvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. অধিকরণসমথসুত্তং • 10. Adhikaraṇasamathasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১০. অধিকরণসমথসুত্তৰণ্ণনা • 10. Adhikaraṇasamathasuttavaṇṇanā
