| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१०. अधिकरणसमथसुत्तवण्णना
10. Adhikaraṇasamathasuttavaṇṇanā
८४. दसमे अधिकरणानि समेन्ति वूपसमेन्तीति अधिकरणसमथा। उप्पन्नुप्पन्नानन्ति उप्पन्नानं उप्पन्नानं। अधिकरणानन्ति विवादाधिकरणं अनुवादाधिकरणं आपत्ताधिकरणं किच्चाधिकरणन्ति इमेसं चतुन्नं। समथाय वूपसमायाति समथत्थञ्चेव वूपसमनत्थञ्च। सम्मुखाविनयो दातब्बो…पे॰… तिणवत्थारकोति इमे सत्त समथा दातब्बा। तेसं विनिच्छयो विनयसंवण्णनतो (चूळव॰ अट्ठ॰ १८६-१८७ आदयो) गहेतब्बो। अपिच दीघनिकाये सङ्गीतिसुत्तवण्णनायम्पि (दी॰ नि॰ अट्ठ॰ ३.३३१ अधिकरणसमथसत्तकवण्णना) वित्थारितोयेव, तथा मज्झिमनिकाये सामगामसुत्तवण्णनायाति (म॰ नि॰ अट्ठ॰ ३.४६)।
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
विनयवग्गो अट्ठमो।
Vinayavaggo aṭṭhamo.
इतो परानि सत्त सुत्तानि उत्तानत्थानेव। न हेत्थ किञ्चि हेट्ठा अवुत्तनयं नाम अत्थीति।
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
मनोरथपूरणिया अङ्गुत्तरनिकाय-अट्ठकथाय
Manorathapūraṇiyā aṅguttaranikāya-aṭṭhakathāya
सत्तकनिपातस्स संवण्णना निट्ठिता।
Sattakanipātassa saṃvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. अधिकरणसमथसुत्तं • 10. Adhikaraṇasamathasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १०. अधिकरणसमथसुत्तवण्णना • 10. Adhikaraṇasamathasuttavaṇṇanā
