| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១០. អធិករណសមថសុត្តវណ្ណនា
10. Adhikaraṇasamathasuttavaṇṇanā
៨៤. ទសមេ អធិករណានិ សមេន្តិ វូបសមេន្តីតិ អធិករណសមថា។ ឧប្បន្នុប្បន្នានន្តិ ឧប្បន្នានំ ឧប្បន្នានំ។ អធិករណានន្តិ វិវាទាធិករណំ អនុវាទាធិករណំ អាបត្តាធិករណំ កិច្ចាធិករណន្តិ ឥមេសំ ចតុន្នំ។ សមថាយ វូបសមាយាតិ សមថត្ថញ្ចេវ វូបសមនត្ថញ្ច។ សម្មុខាវិនយោ ទាតព្ពោ…បេ.… តិណវត្ថារកោតិ ឥមេ សត្ត សមថា ទាតព្ពា។ តេសំ វិនិច្ឆយោ វិនយសំវណ្ណនតោ (ចូឡវ. អដ្ឋ. ១៨៦-១៨៧ អាទយោ) គហេតព្ពោ។ អបិច ទីឃនិកាយេ សង្គីតិសុត្តវណ្ណនាយម្បិ (ទី. និ. អដ្ឋ. ៣.៣៣១ អធិករណសមថសត្តកវណ្ណនា) វិត្ថារិតោយេវ, តថា មជ្ឈិមនិកាយេ សាមគាមសុត្តវណ្ណនាយាតិ (ម. និ. អដ្ឋ. ៣.៤៦)។
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
វិនយវគ្គោ អដ្ឋមោ។
Vinayavaggo aṭṭhamo.
ឥតោ បរានិ សត្ត សុត្តានិ ឧត្តានត្ថានេវ។ ន ហេត្ថ កិញ្ចិ ហេដ្ឋា អវុត្តនយំ នាម អត្ថីតិ។
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
មនោរថបូរណិយា អង្គុត្តរនិកាយ-អដ្ឋកថាយ
Manorathapūraṇiyā aṅguttaranikāya-aṭṭhakathāya
សត្តកនិបាតស្ស សំវណ្ណនា និដ្ឋិតា។
Sattakanipātassa saṃvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. អធិករណសមថសុត្តំ • 10. Adhikaraṇasamathasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១០. អធិករណសមថសុត្តវណ្ណនា • 10. Adhikaraṇasamathasuttavaṇṇanā
