| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೧೦. ಅಧಿಕರಣಸಮಥಸುತ್ತವಣ್ಣನಾ
10. Adhikaraṇasamathasuttavaṇṇanā
೮೪. ದಸಮೇ ಅಧಿಕರಣಾನಿ ಸಮೇನ್ತಿ ವೂಪಸಮೇನ್ತೀತಿ ಅಧಿಕರಣಸಮಥಾ। ಉಪ್ಪನ್ನುಪ್ಪನ್ನಾನನ್ತಿ ಉಪ್ಪನ್ನಾನಂ ಉಪ್ಪನ್ನಾನಂ। ಅಧಿಕರಣಾನನ್ತಿ ವಿವಾದಾಧಿಕರಣಂ ಅನುವಾದಾಧಿಕರಣಂ ಆಪತ್ತಾಧಿಕರಣಂ ಕಿಚ್ಚಾಧಿಕರಣನ್ತಿ ಇಮೇಸಂ ಚತುನ್ನಂ। ಸಮಥಾಯ ವೂಪಸಮಾಯಾತಿ ಸಮಥತ್ಥಞ್ಚೇವ ವೂಪಸಮನತ್ಥಞ್ಚ। ಸಮ್ಮುಖಾವಿನಯೋ ದಾತಬ್ಬೋ…ಪೇ॰… ತಿಣವತ್ಥಾರಕೋತಿ ಇಮೇ ಸತ್ತ ಸಮಥಾ ದಾತಬ್ಬಾ। ತೇಸಂ ವಿನಿಚ್ಛಯೋ ವಿನಯಸಂವಣ್ಣನತೋ (ಚೂಳವ॰ ಅಟ್ಠ॰ ೧೮೬-೧೮೭ ಆದಯೋ) ಗಹೇತಬ್ಬೋ। ಅಪಿಚ ದೀಘನಿಕಾಯೇ ಸಙ್ಗೀತಿಸುತ್ತವಣ್ಣನಾಯಮ್ಪಿ (ದೀ॰ ನಿ॰ ಅಟ್ಠ॰ ೩.೩೩೧ ಅಧಿಕರಣಸಮಥಸತ್ತಕವಣ್ಣನಾ) ವಿತ್ಥಾರಿತೋಯೇವ, ತಥಾ ಮಜ್ಝಿಮನಿಕಾಯೇ ಸಾಮಗಾಮಸುತ್ತವಣ್ಣನಾಯಾತಿ (ಮ॰ ನಿ॰ ಅಟ್ಠ॰ ೩.೪೬)।
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
ವಿನಯವಗ್ಗೋ ಅಟ್ಠಮೋ।
Vinayavaggo aṭṭhamo.
ಇತೋ ಪರಾನಿ ಸತ್ತ ಸುತ್ತಾನಿ ಉತ್ತಾನತ್ಥಾನೇವ। ನ ಹೇತ್ಥ ಕಿಞ್ಚಿ ಹೇಟ್ಠಾ ಅವುತ್ತನಯಂ ನಾಮ ಅತ್ಥೀತಿ।
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
ಮನೋರಥಪೂರಣಿಯಾ ಅಙ್ಗುತ್ತರನಿಕಾಯ-ಅಟ್ಠಕಥಾಯ
Manorathapūraṇiyā aṅguttaranikāya-aṭṭhakathāya
ಸತ್ತಕನಿಪಾತಸ್ಸ ಸಂವಣ್ಣನಾ ನಿಟ್ಠಿತಾ।
Sattakanipātassa saṃvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ಅಧಿಕರಣಸಮಥಸುತ್ತಂ • 10. Adhikaraṇasamathasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧೦. ಅಧಿಕರಣಸಮಥಸುತ್ತವಣ್ಣನಾ • 10. Adhikaraṇasamathasuttavaṇṇanā
