| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
10. අධිකරණසමථසුත්‌තවණ්‌ණනා
10. Adhikaraṇasamathasuttavaṇṇanā
84. දසමෙ අධිකරණානි සමෙන්‌ති වූපසමෙන්‌තීති අධිකරණසමථා. උප්‌පන්‌නුප්‌පන්‌නානන්‌ති උප්‌පන්‌නානං උප්‌පන්‌නානං. අධිකරණානන්‌ති විවාදාධිකරණං අනුවාදාධිකරණං ආපත්‌තාධිකරණං කිච්‌චාධිකරණන්‌ති ඉමෙසං චතුන්‌නං. සමථාය වූපසමායාති සමථත්‌ථඤ්‌චෙව වූපසමනත්‌ථඤ්‌ච. සම්‌මුඛාවිනයො දාතබ්‌බො…පෙ.… තිණවත්‌ථාරකොති ඉමෙ සත්‌ත සමථා දාතබ්‌බා. තෙසං විනිච්‌ඡයො විනයසංවණ්‌ණනතො (චූළව. අට්‌ඨ. 186-187 ආදයො) ගහෙතබ්‌බො. අපිච දීඝනිකායෙ සඞ්‌ගීතිසුත්‌තවණ්‌ණනායම්‌පි (දී. නි. අට්‌ඨ. 3.331 අධිකරණසමථසත්‌තකවණ්‌ණනා) විත්‌ථාරිතොයෙව, තථා මජ්‌ඣිමනිකායෙ සාමගාමසුත්‌තවණ්‌ණනායාති (ම. නි. අට්‌ඨ. 3.46).
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
විනයවග්‌ගො අට්‌ඨමො.
Vinayavaggo aṭṭhamo.
ඉතො පරානි සත්‌ත සුත්‌තානි උත්‌තානත්‌ථානෙව. න හෙත්‌ථ කිඤ්‌චි හෙට්‌ඨා අවුත්‌තනයං නාම අත්‌ථීති.
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
මනොරථපූරණියා අඞ්‌ගුත්‌තරනිකාය-අට්‌ඨකථාය
Manorathapūraṇiyā aṅguttaranikāya-aṭṭhakathāya
සත්‌තකනිපාතස්‌ස සංවණ්‌ණනා නිට්‌ඨිතා.
Sattakanipātassa saṃvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. අධිකරණසමථසුත්‌තං • 10. Adhikaraṇasamathasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 10. අධිකරණසමථසුත්‌තවණ්‌ණනා • 10. Adhikaraṇasamathasuttavaṇṇanā
