| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. ཨདྷིཀརཎསམཐསུཏྟཝཎྞནཱ
10. Adhikaraṇasamathasuttavaṇṇanā
༨༤. དསམེ ཨདྷིཀརཎཱནི སམེནྟི ཝཱུཔསམེནྟཱིཏི ཨདྷིཀརཎསམཐཱ། ཨུཔྤནྣུཔྤནྣཱནནྟི ཨུཔྤནྣཱནཾ ཨུཔྤནྣཱནཾ། ཨདྷིཀརཎཱནནྟི ཝིཝཱདཱདྷིཀརཎཾ ཨནུཝཱདཱདྷིཀརཎཾ ཨཱཔཏྟཱདྷིཀརཎཾ ཀིཙྩཱདྷིཀརཎནྟི ཨིམེསཾ ཙཏུནྣཾ། སམཐཱཡ ཝཱུཔསམཱཡཱཏི སམཐཏྠཉྩེཝ ཝཱུཔསམནཏྠཉྩ། སམྨུཁཱཝིནཡོ དཱཏབྦོ…པེ॰… ཏིཎཝཏྠཱརཀོཏི ཨིམེ སཏྟ སམཐཱ དཱཏབྦཱ། ཏེསཾ ཝིནིཙྪཡོ ཝིནཡསཾཝཎྞནཏོ (ཙཱུལ༹ཝ॰ ཨཊྛ॰ ༡༨༦-༡༨༧ ཨཱདཡོ) གཧེཏབྦོ། ཨཔིཙ དཱིགྷནིཀཱཡེ སངྒཱིཏིསུཏྟཝཎྞནཱཡམྤི (དཱི॰ ནི॰ ཨཊྛ॰ ༣.༣༣༡ ཨདྷིཀརཎསམཐསཏྟཀཝཎྞནཱ) ཝིཏྠཱརིཏོཡེཝ, ཏཐཱ མཛ྄ཛྷིམནིཀཱཡེ སཱམགཱམསུཏྟཝཎྞནཱཡཱཏི (མ॰ ནི॰ ཨཊྛ॰ ༣.༤༦)།
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
ཝིནཡཝགྒོ ཨཊྛམོ།
Vinayavaggo aṭṭhamo.
ཨིཏོ པརཱནི སཏྟ སུཏྟཱནི ཨུཏྟཱནཏྠཱནེཝ། ན ཧེཏྠ ཀིཉྩི ཧེཊྛཱ ཨཝུཏྟནཡཾ ནཱམ ཨཏྠཱིཏི།
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
མནོརཐཔཱུརཎིཡཱ ཨངྒུཏྟརནིཀཱཡ-ཨཊྛཀཐཱཡ
Manorathapūraṇiyā aṅguttaranikāya-aṭṭhakathāya
སཏྟཀནིཔཱཏསྶ སཾཝཎྞནཱ ནིཊྛིཏཱ།
Sattakanipātassa saṃvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཨདྷིཀརཎསམཐསུཏྟཾ • 10. Adhikaraṇasamathasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༠. ཨདྷིཀརཎསམཐསུཏྟཝཎྞནཱ • 10. Adhikaraṇasamathasuttavaṇṇanā
