| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਅਧਿਕਰਣਸਮਥਸੁਤ੍ਤવਣ੍ਣਨਾ
10. Adhikaraṇasamathasuttavaṇṇanā
੮੪. ਦਸਮੇ ਅਧਿਕਰਣਾਨਿ ਸਮੇਨ੍ਤਿ વੂਪਸਮੇਨ੍ਤੀਤਿ ਅਧਿਕਰਣਸਮਥਾ। ਉਪ੍ਪਨ੍ਨੁਪ੍ਪਨ੍ਨਾਨਨ੍ਤਿ ਉਪ੍ਪਨ੍ਨਾਨਂ ਉਪ੍ਪਨ੍ਨਾਨਂ। ਅਧਿਕਰਣਾਨਨ੍ਤਿ વਿવਾਦਾਧਿਕਰਣਂ ਅਨੁવਾਦਾਧਿਕਰਣਂ ਆਪਤ੍ਤਾਧਿਕਰਣਂ ਕਿਚ੍ਚਾਧਿਕਰਣਨ੍ਤਿ ਇਮੇਸਂ ਚਤੁਨ੍ਨਂ। ਸਮਥਾਯ વੂਪਸਮਾਯਾਤਿ ਸਮਥਤ੍ਥਞ੍ਚੇવ વੂਪਸਮਨਤ੍ਥਞ੍ਚ। ਸਮ੍ਮੁਖਾવਿਨਯੋ ਦਾਤਬ੍ਬੋ…ਪੇ॰… ਤਿਣવਤ੍ਥਾਰਕੋਤਿ ਇਮੇ ਸਤ੍ਤ ਸਮਥਾ ਦਾਤਬ੍ਬਾ। ਤੇਸਂ વਿਨਿਚ੍ਛਯੋ વਿਨਯਸਂવਣ੍ਣਨਤੋ (ਚੂਲ਼વ॰ ਅਟ੍ਠ॰ ੧੮੬-੧੮੭ ਆਦਯੋ) ਗਹੇਤਬ੍ਬੋ। ਅਪਿਚ ਦੀਘਨਿਕਾਯੇ ਸਙ੍ਗੀਤਿਸੁਤ੍ਤવਣ੍ਣਨਾਯਮ੍ਪਿ (ਦੀ॰ ਨਿ॰ ਅਟ੍ਠ॰ ੩.੩੩੧ ਅਧਿਕਰਣਸਮਥਸਤ੍ਤਕવਣ੍ਣਨਾ) વਿਤ੍ਥਾਰਿਤੋਯੇવ, ਤਥਾ ਮਜ੍ਝਿਮਨਿਕਾਯੇ ਸਾਮਗਾਮਸੁਤ੍ਤવਣ੍ਣਨਾਯਾਤਿ (ਮ॰ ਨਿ॰ ਅਟ੍ਠ॰ ੩.੪੬)।
84. Dasame adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samathatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā. Tesaṃ vinicchayo vinayasaṃvaṇṇanato (cūḷava. aṭṭha. 186-187 ādayo) gahetabbo. Apica dīghanikāye saṅgītisuttavaṇṇanāyampi (dī. ni. aṭṭha. 3.331 adhikaraṇasamathasattakavaṇṇanā) vitthāritoyeva, tathā majjhimanikāye sāmagāmasuttavaṇṇanāyāti (ma. ni. aṭṭha. 3.46).
વਿਨਯવਗ੍ਗੋ ਅਟ੍ਠਮੋ।
Vinayavaggo aṭṭhamo.
ਇਤੋ ਪਰਾਨਿ ਸਤ੍ਤ ਸੁਤ੍ਤਾਨਿ ਉਤ੍ਤਾਨਤ੍ਥਾਨੇવ। ਨ ਹੇਤ੍ਥ ਕਿਞ੍ਚਿ ਹੇਟ੍ਠਾ ਅવੁਤ੍ਤਨਯਂ ਨਾਮ ਅਤ੍ਥੀਤਿ।
Ito parāni satta suttāni uttānatthāneva. Na hettha kiñci heṭṭhā avuttanayaṃ nāma atthīti.
ਮਨੋਰਥਪੂਰਣਿਯਾ ਅਙ੍ਗੁਤ੍ਤਰਨਿਕਾਯ-ਅਟ੍ਠਕਥਾਯ
Manorathapūraṇiyā aṅguttaranikāya-aṭṭhakathāya
ਸਤ੍ਤਕਨਿਪਾਤਸ੍ਸ ਸਂવਣ੍ਣਨਾ ਨਿਟ੍ਠਿਤਾ।
Sattakanipātassa saṃvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅਧਿਕਰਣਸਮਥਸੁਤ੍ਤਂ • 10. Adhikaraṇasamathasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਅਧਿਕਰਣਸਮਥਸੁਤ੍ਤવਣ੍ਣਨਾ • 10. Adhikaraṇasamathasuttavaṇṇanā
