| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
6. අධිකරණවාරො
6. Adhikaraṇavāro
244. අවස්‌සුතා භික්‌ඛුනියා අවස්‌සුතස්‌ස පුරිසපුග්‌ගලස්‌ස කායසංසග්‌ගං සාදියන්‌තියා ආපත්‌තියො චතුන්‌නං අධිකරණානං කතමං අධිකරණං? අවස්‌සුතාය භික්‌ඛුනියා අවස්‌සුතස්‌ස පුරිසපුග්‌ගලස්‌ස කායසංසග්‌ගං සාදියන්‌තියා ආපත්‌තියො චතුන්‌නං අධිකරණානං – ආපත්‌තාධිකරණං…පෙ.….
244. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ adhikaraṇānaṃ katamaṃ adhikaraṇaṃ? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ adhikaraṇānaṃ – āpattādhikaraṇaṃ…pe….
දධිං විඤ්‌ඤාපෙත්‌වා භුඤ්‌ජන්‌තියා ආපත්‌තියො චතුන්‌නං අධිකරණානං කතමං අධිකරණං? දධිං විඤ්‌ඤාපෙත්‌වා භුඤ්‌ජන්‌තියා ආපත්‌තියො චතුන්‌නං අධිකරණානං – ආපත්‌තාධිකරණං.
Dadhiṃ viññāpetvā bhuñjantiyā āpattiyo catunnaṃ adhikaraṇānaṃ katamaṃ adhikaraṇaṃ? Dadhiṃ viññāpetvā bhuñjantiyā āpattiyo catunnaṃ adhikaraṇānaṃ – āpattādhikaraṇaṃ.
අධිකරණවාරො නිට්‌ඨිතො ඡට්‌ඨො.
Adhikaraṇavāro niṭṭhito chaṭṭho.
