| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ад̇хигаран̣авуубасаманасамат̇агат̇аа
Adhikaraṇavūpasamanasamathakathā
228. яаавад̇игаа жа бхигкуу гаммаббад̇д̇аад̇и зд̇т̇а жад̇уваг̇г̇агаран̣з гаммз жад̇д̇ааро, бан̃жаваг̇г̇агаран̣з бан̃жа, д̣̇асаваг̇г̇агаран̣з д̣̇аса, вийсад̇иваг̇г̇агаран̣з вийсад̇и бхигкуу гаммаббад̇д̇аад̇и взд̣̇ид̇аб̣б̣аа.
228.Yāvatikā ca bhikkhū kammappattāti ettha catuvaggakaraṇe kamme cattāro, pañcavaggakaraṇe pañca, dasavaggakaraṇe dasa, vīsativaggakaraṇe vīsati bhikkhū kammappattāti veditabbā.
230. субариг̇г̇ахид̇анд̇и судту бариг̇г̇ахид̇ам̣ гад̇ваа самбадижчид̇аб̣б̣ам̣. самбадижчид̇ваа жа бана ‘‘аж̇ж̇а бхан̣д̣агам̣ д̇ховаама, аж̇ж̇а бад̇д̇ам̣ бажаама, аж̇ж̇зго балиб̣од̇хо ад̇т̇ий’’д̇и маананиг̇г̇ахад̇т̇ааяа гад̇ибаахам̣ ад̇иггаамзд̇аб̣б̣ам̣.
230.Supariggahitanti suṭṭhu pariggahitaṃ katvā sampaṭicchitabbaṃ. Sampaṭicchitvā ca pana ‘‘ajja bhaṇḍakaṃ dhovāma, ajja pattaṃ pacāma, ajjeko palibodho atthī’’ti mānaniggahatthāya katipāhaṃ atikkāmetabbaṃ.
231. ананд̇аани жзва бхассаани ж̇ааяанд̇ийд̇и абаримаан̣аани ид̇о жид̇о жа важанаани уббаж̇ж̇анд̇и. ‘‘бхаасааний’’д̇иби баато, аяамзвад̇т̇о. уб̣б̣аахигааяа самманнид̇аб̣б̣од̇и абалогзд̇ваа ваа самманнид̇аб̣б̣о барад̇о вуд̇д̇ааяа н̃ад̇д̇ид̣̇уд̇ияааяа ваа гаммаваажааяа. звам̣ саммад̇зхи бана бхигкуухи висум̣ ваа нисийд̣̇ид̇ваа д̇ассааязва ваа барисааяа ‘‘ан̃н̃зхи асаммад̇зхи на гин̃жи гат̇зд̇аб̣б̣а’’нд̇и саавзд̇ваа д̇ам̣ ад̇хигаран̣ам̣ винижчид̇аб̣б̣ам̣.
231.Anantāni ceva bhassāni jāyantīti aparimāṇāni ito cito ca vacanāni uppajjanti. ‘‘Bhāsānī’’tipi pāṭho, ayamevattho. Ubbāhikāya sammannitabboti apaloketvā vā sammannitabbo parato vuttāya ñattidutiyāya vā kammavācāya. Evaṃ sammatehi pana bhikkhūhi visuṃ vā nisīditvā tassāyeva vā parisāya ‘‘aññehi asammatehi na kiñci kathetabba’’nti sāvetvā taṃ adhikaraṇaṃ vinicchitabbaṃ.
233. д̇ад̇раассаад̇и д̇ассам̣ барисад̇и бхавзяяа. нзва суд̇д̇ам̣ ааг̇ад̇анд̇и на маад̇игаа ааг̇ад̇аа. но суд̇д̇авибхан̇г̇од̇и винаяоби на баг̇ун̣о. б̣яан̃ж̇анажчааяааяа ад̇т̇ам̣ бадиб̣аахад̇ийд̇и б̣яан̃ж̇анамад̇д̇амзва г̇ахзд̇ваа ад̇т̇ам̣ бадисзд̇хзд̇и. ж̇аад̇аруубараж̇ад̇акзд̇д̇авад̇т̇убадиг̇г̇ахан̣аад̣̇ийсу винаяад̇харзхи бхигкуухи аабад̇д̇ияаа гаарияамаанз д̣̇исваа ‘‘гим̣ имз аабад̇д̇ияаа гаарзт̇а, ‘нану ж̇аад̇аруубараж̇ад̇абадиг̇г̇ахан̣аа бадивирад̇о ход̇ий’д̇и звам̣ суд̇д̇з бадивирад̇имад̇д̇амзва вуд̇д̇ам̣, над̇т̇и зд̇т̇а аабад̇д̇ий’’д̇и вад̣̇ад̇и. абаро д̇хаммагат̇иго суд̇д̇асса ааг̇ад̇ад̇д̇аа оламб̣зд̇ваа ниваасзнд̇аанам̣ аабад̇д̇ияаа ааробияамаанааяа ‘‘гим̣ имзсам̣ аабад̇д̇им̣ робзт̇а, ‘нану бариман̣д̣алам̣ ниваасзссаамийд̇и сигкаа гаран̣ийяаа’д̇и звам̣ сигкаагаран̣амад̇д̇амзвзд̇т̇а вуд̇д̇ам̣, над̇т̇и зд̇т̇а аабад̇д̇ий’’д̇и вад̣̇ад̇и.
233.Tatrāssāti tassaṃ parisati bhaveyya. Neva suttaṃ āgatanti na mātikā āgatā. No suttavibhaṅgoti vinayopi na paguṇo. Byañjanacchāyāya atthaṃ paṭibāhatīti byañjanamattameva gahetvā atthaṃ paṭisedheti. Jātarūparajatakhettavatthupaṭiggahaṇādīsu vinayadharehi bhikkhūhi āpattiyā kāriyamāne disvā ‘‘kiṃ ime āpattiyā kāretha, ‘nanu jātarūparajatapaṭiggahaṇā paṭivirato hotī’ti evaṃ sutte paṭiviratimattameva vuttaṃ, natthi ettha āpattī’’ti vadati. Aparo dhammakathiko suttassa āgatattā olambetvā nivāsentānaṃ āpattiyā āropiyamānāya ‘‘kiṃ imesaṃ āpattiṃ ropetha, ‘nanu parimaṇḍalaṃ nivāsessāmīti sikkhā karaṇīyā’ti evaṃ sikkhākaraṇamattamevettha vuttaṃ, natthi ettha āpattī’’ti vadati.
234. яат̇аа б̣ахуд̇араа бхигкууд̇и зд̇т̇а згзнаби ад̇хигаа б̣ахуд̇араава го бана ваад̣̇о д̣̇вийхи д̇ийхийд̇и.
234.Yathā bahutarā bhikkhūti ettha ekenapi adhikā bahutarāva ko pana vādo dvīhi tīhīti.
ад̇хигаран̣авуубасаманасамат̇агат̇аа нидтид̇аа.
Adhikaraṇavūpasamanasamathakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
саммукаавинаяо • Sammukhāvinayo
уб̣б̣аахигааяавуубасаманам̣ • Ubbāhikāyavūpasamanaṃ
язбхуяяасигаавинаяо • Yebhuyyasikāvinayo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасаманасамат̇агат̇ааван̣н̣анаа • Adhikaraṇavūpasamanasamathakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хигаран̣авуубасаманасамат̇агат̇аад̣̇иван̣н̣анаа • Adhikaraṇavūpasamanasamathakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. ад̇хигаран̣авуубасаманасамат̇агат̇аа • 9. Adhikaraṇavūpasamanasamathakathā
