| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
9. ад̇хигаран̣авуубасаманасамат̇агат̇аа
9. Adhikaraṇavūpasamanasamathakathā
228. жад̇уваг̇г̇агаран̣з гаммзд̇и сиймасаммуд̇иаад̣̇игаммз. бан̃жаваг̇г̇агаран̣зд̇и бажжанд̇имзсу ж̇анабад̣̇зсу убасамбад̣̇аад̣̇игаммз. д̣̇асаваг̇г̇агаран̣зд̇и маж̇жхимзсу ж̇анабад̣̇зсу убасамбад̣̇агаммз. вийсад̇иваг̇г̇агаран̣зд̇и аб̣бхаанагаммз. гаммаббад̇д̇аад̇и гаммасса бад̇д̇аа яуд̇д̇аа ануруубаа.
228.Catuvaggakaraṇe kammeti sīmasammutiādikamme. Pañcavaggakaraṇeti paccantimesu janapadesu upasampadādikamme. Dasavaggakaraṇeti majjhimesu janapadesu upasampadakamme. Vīsativaggakaraṇeti abbhānakamme. Kammappattāti kammassa pattā yuttā anurūpā.
230. самбадижчид̇аб̣б̣анд̇и бадиг̇г̇ан̣хид̇аб̣б̣ам̣. самбадижчид̇ваа жа бана ад̇иггаамзд̇аб̣б̣анд̇и самб̣анд̇хо. бхан̣д̣аганд̇и жийвараад̣̇ибхан̣д̣агам̣. маананиг̇г̇ахад̇т̇ааяаад̇и бхан̣д̣анаж̇аад̇аанам̣ маанасса ниг̇г̇ахад̇т̇ааяа. гад̇ибааханд̇и гад̇ибаяаахам̣, д̣̇вийхад̇ийханд̇и ад̇т̇о.
230.Sampaṭicchitabbanti paṭiggaṇhitabbaṃ. Sampaṭicchitvā ca pana atikkāmetabbanti sambandho. Bhaṇḍakanti cīvarādibhaṇḍakaṃ. Mānaniggahatthāyāti bhaṇḍanajātānaṃ mānassa niggahatthāya. Katipāhanti katipayāhaṃ, dvīhatīhanti attho.
231. ананд̇аани жзва бхассаанийд̇и зд̇т̇а ананд̇асад̣̇д̣̇о абаримаан̣асад̣̇д̣̇зна ад̇т̇ад̇о згод̇и ааха ‘‘абаримаан̣ааний’’д̇и. ‘‘важанааний’’д̇и иминаа бхассасад̣̇д̣̇о важанабарияааяод̇и д̣̇ассзд̇и. уб̣б̣аахигааяа самманид̇аб̣б̣од̇и гзна самманид̇аб̣б̣од̇и ааха ‘‘абалогзд̇ваа ваа’’д̇иаад̣̇и. иминаа абалоганагаммзна ваа н̃ад̇д̇ид̣̇уд̇ияагаммзна ваа самманид̇аб̣б̣од̇и д̣̇ассзд̇и. ананд̇аани бхассаани д̇хаммагат̇игам̣ уд̣̇д̇харид̇ваа б̣аахад̇и бадисзд̇хзд̇и имааяа саммуд̇ияаад̇и уб̣б̣аахигаа, д̇ааяа. звам̣ саммад̇зхи бана бхигкуухи винижчид̇аб̣б̣анд̇и самб̣анд̇хо. висум̣ нисийд̣̇ид̇ваа д̇ассааязва барисааяа нисийд̣̇ид̇ваа ваад̇и яож̇анаа. ан̃н̃зхийд̇и саммад̇абхигкуухи ан̃н̃зхи.
231.Anantāni ceva bhassānīti ettha anantasaddo aparimāṇasaddena atthato ekoti āha ‘‘aparimāṇānī’’ti. ‘‘Vacanānī’’ti iminā bhassasaddo vacanapariyāyoti dasseti. Ubbāhikāya sammanitabboti kena sammanitabboti āha ‘‘apaloketvā vā’’tiādi. Iminā apalokanakammena vā ñattidutiyakammena vā sammanitabboti dasseti. Anantāni bhassāni dhammakathikaṃ uddharitvā bāhati paṭisedheti imāya sammutiyāti ubbāhikā, tāya. Evaṃ sammatehi pana bhikkhūhi vinicchitabbanti sambandho. Visuṃ nisīditvā tassāyeva parisāya nisīditvā vāti yojanā. Aññehīti sammatabhikkhūhi aññehi.
233. д̇ад̇рассаад̇и зд̇т̇а д̇ад̇ра ассаад̇и бад̣̇авибхааг̇ам̣ гад̇ваа д̇асад̣̇д̣̇о барисависаяо басид̣̇д̇хависаяо, ассасад̣̇д̣̇о аакяаад̇игод̇и ааха ‘‘д̇ассам̣ барисад̇и бхавзяяаа’’д̇и. ‘‘нзва суд̇д̇ам̣ ааг̇ад̇а’’нд̇и сааман̃н̃ад̇о вуд̇д̇зби ‘‘но суд̇д̇авибхан̇г̇о’’д̇и вагкамаанад̇д̇аа маад̇игам̣ санд̇хааяа вуд̇д̇анд̇и ааха ‘‘на маад̇игаа ааг̇ад̇аа’’д̇и. винаяобийд̇и канд̇хагавинаяоби. бисад̣̇д̣̇зна суд̇д̇авибхан̇г̇ам̣ абзгкад̇и. б̣яан̃ж̇анажчааяааяаад̇и зд̇т̇а чааяаасад̣̇д̣̇о бадиб̣имб̣з жа бабхааяа жа ход̇ийд̇и ааха ‘‘б̣яан̃ж̇анамад̇д̇амзваа’’д̇и, б̣яан̃ж̇анабадиб̣имб̣игаб̣яан̃ж̇анабабхааванд̇абхууд̇ам̣ ад̇т̇ам̣ аг̇г̇ахзд̇ваа б̣яан̃ж̇анабадиб̣имб̣аб̣яан̃ж̇анабабхаамад̇д̇амзва г̇ахзд̇ваад̇и ад̇хиббааяо. ‘‘бадисзд̇хзд̇ий’’д̇и иминаа бадиб̣аахасад̣̇д̣̇о бадисзд̇хад̇т̇оязва, на мад̣̇д̣̇анад̇т̇од̇и д̣̇ассзд̇и. бадиб̣ааханаагаарам̣ д̣̇ассзнд̇о ааха ‘‘ж̇аад̇аруубараж̇ад̇акзд̇д̇авад̇т̇убадиг̇г̇ахан̣аад̣̇ийсуу’’д̇иаад̣̇и. гинд̇и гзна гааран̣зна, гасмаа гааран̣аа ваа. имзд̇и ж̇аад̇аруубаад̣̇ибадиг̇г̇аахагз бхигкуу. гаарзт̇аад̇и д̇умхз гаарзяяаат̇а. зяяаат̇асса хи зт̇аад̣̇зсо. бужчааяам̣ сад̇д̇амийвибхад̇д̇и ход̇и. суд̇д̇зд̇и суд̇д̇анд̇абидагз. абаро д̇хаммагат̇иго вад̣̇ад̇ийд̇и самб̣анд̇хо. имзсанд̇и оламб̣зд̇ваа ниваасзнд̇аанам̣. зд̇т̇аад̇и оламб̣зд̇ваа ниваасанз.
233.Tatrassāti ettha tatra assāti padavibhāgaṃ katvā tasaddo parisavisayo pasiddhavisayo, assasaddo ākhyātikoti āha ‘‘tassaṃ parisati bhaveyyā’’ti. ‘‘Neva suttaṃ āgata’’nti sāmaññato vuttepi ‘‘no suttavibhaṅgo’’ti vakkhamānattā mātikaṃ sandhāya vuttanti āha ‘‘na mātikā āgatā’’ti. Vinayopīti khandhakavinayopi. Pisaddena suttavibhaṅgaṃ apekkhati. Byañjanacchāyāyāti ettha chāyāsaddo paṭibimbe ca pabhāya ca hotīti āha ‘‘byañjanamattamevā’’ti, byañjanapaṭibimbikabyañjanapabhāvantabhūtaṃ atthaṃ aggahetvā byañjanapaṭibimbabyañjanapabhāmattameva gahetvāti adhippāyo. ‘‘Paṭisedhetī’’ti iminā paṭibāhasaddo paṭisedhatthoyeva, na maddanatthoti dasseti. Paṭibāhanākāraṃ dassento āha ‘‘jātarūparajatakhettavatthupaṭiggahaṇādīsū’’tiādi. Kinti kena kāraṇena, kasmā kāraṇā vā. Imeti jātarūpādipaṭiggāhake bhikkhū. Kārethāti tumhe kāreyyātha. Eyyāthassa hi ethādeso. Pucchāyaṃ sattamīvibhatti hoti. Sutteti suttantapiṭake. Aparo dhammakathiko vadatīti sambandho. Imesanti olambetvā nivāsentānaṃ. Etthāti olambetvā nivāsane.
234. б̣ахуд̇араа бхигкууд̇и зд̇т̇а д̣̇виг̇ун̣ад̇иг̇ун̣аад̣̇инаа ад̇хигаа зва б̣ахуд̇араа наамаад̇и ааха ‘‘згзнаби ад̇хигаа б̣ахуд̇арааваа’’д̇и. ‘‘го бана ваад̣̇о’’д̇иаад̣̇инаа ‘‘згзнабий’’д̇и зд̇т̇а бисад̣̇д̣̇асса г̇арахад̇т̇ам̣ д̣̇ассзд̇и.
234.Bahutarā bhikkhūti ettha dviguṇatiguṇādinā adhikā eva bahutarā nāmāti āha ‘‘ekenapi adhikā bahutarāvā’’ti. ‘‘Ko pana vādo’’tiādinā ‘‘ekenapī’’ti ettha pisaddassa garahatthaṃ dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
саммукаавинаяо • Sammukhāvinayo
уб̣б̣аахигааяавуубасаманам̣ • Ubbāhikāyavūpasamanaṃ
язбхуяяасигаавинаяо • Yebhuyyasikāvinayo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇хигаран̣авуубасаманасамат̇агат̇аа • Adhikaraṇavūpasamanasamathakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасаманасамат̇агат̇ааван̣н̣анаа • Adhikaraṇavūpasamanasamathakathāvaṇṇanā
