| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
அதி⁴கரணவூபஸமவக்³க³வண்ணனா
Adhikaraṇavūpasamavaggavaṇṇanā
458. பஞ்சஹி காரணேஹீதி இத³ங் அத்த²னிப்பா²த³னகானி தேஸங் புப்³ப³பா⁴கா³னி ச காரணபா⁴வஸாமஞ்ஞேன ஏகஜ்ஜ²ங் க³ஹெத்வா வுத்தங், ந பன ஸப்³பே³ஸங் பஞ்சன்னங் ஸமானயோக³க்கே²மத்தா. அனுஸ்ஸாவனேனாதி பே⁴த³ஸ்ஸ அனுரூபஸாவனேன. யதா² பே⁴தோ³ ஹோதி, ஏவங் பி⁴ந்தி³தப்³பா³னங் பி⁴க்கூ²னங் அத்தனோ வசனஸ்ஸ ஸாவனேன விஞ்ஞாபனேனாதி அத்தோ². தேனாஹ ‘‘நனு தும்ஹே’’திஆதி³. கண்ணமூலே வசீபே⁴த³ங் கத்வாதி ஏதேன பாகடங் கத்வா பே⁴த³கரவத்து²தீ³பனங் வோஹரணங். தத்த² அத்தனா வினிச்சி²தமத்தங் ரஹஸ்ஸவஸேன விஞ்ஞாபனங் அனுஸ்ஸாவனந்தி த³ஸ்ஸேதி. கம்மமேவ உத்³தே³ஸோ வா பமாணந்தி தேஹி ஸங்க⁴பே⁴த³ஸித்³தி⁴தோ பமாணங், இதரே பன தேஸங் ஸம்பா⁴ரபூ⁴தா. தேனாஹ ‘‘வோஹாரா’’திஆதி³. தத்தா²தி வோஹரணே.
458.Pañcahi kāraṇehīti idaṃ atthanipphādanakāni tesaṃ pubbabhāgāni ca kāraṇabhāvasāmaññena ekajjhaṃ gahetvā vuttaṃ, na pana sabbesaṃ pañcannaṃ samānayogakkhemattā. Anussāvanenāti bhedassa anurūpasāvanena. Yathā bhedo hoti, evaṃ bhinditabbānaṃ bhikkhūnaṃ attano vacanassa sāvanena viññāpanenāti attho. Tenāha ‘‘nanu tumhe’’tiādi. Kaṇṇamūle vacībhedaṃ katvāti etena pākaṭaṃ katvā bhedakaravatthudīpanaṃ voharaṇaṃ. Tattha attanā vinicchitamattaṃ rahassavasena viññāpanaṃ anussāvananti dasseti. Kammameva uddeso vā pamāṇanti tehi saṅghabhedasiddhito pamāṇaṃ, itare pana tesaṃ sambhārabhūtā. Tenāha ‘‘vohārā’’tiādi. Tatthāti voharaṇe.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 10. அதி⁴கரணவூபஸமவக்³கோ³ • 10. Adhikaraṇavūpasamavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அதி⁴கரணவூபஸமவக்³க³வண்ணனா • Adhikaraṇavūpasamavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அதி⁴கரணவூபஸமவக்³க³வண்ணனா • Adhikaraṇavūpasamavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வோஹாரவக்³கா³தி³வண்ணனா • Vohāravaggādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / அதி⁴கரணவூபஸமவக்³க³வண்ணனா • Adhikaraṇavūpasamavaggavaṇṇanā
